WARA'AMI 37:9 - Biblía Axweesantá Hhohho' ar Mungú 2004

⁹ Asma múk muruú tlákw tlehhiít ku qwaarees. Ala múk AAKOÓ MUNGÚ daamaraám an kudá' yaamu gi aál.

Ya/abtór hho' 1977

⁹ Asma múk muruú tlákw tlehhiít ku qwaarees. Ala múk AAKOÓ MUNGÚ daamaraám an kudá' yaamu gi aál.

WARA'AMI 37:9 Iomraidhean Croise

WARA'AMI 25:13

Heé adoorí i hoot, iri yaandahhe'ees, xwaylarós yaamu giri ál.

WARA'AMI 37:29

Múk hota ganaá' yaamu gi aal. Inooín nay baraadá' wa hootiyá' ay kureeraá kureér.

WARA'AMI 55:23

Ala kuúng Mungú, inooín in /araraa'ás tay baraá bohóngw qwanaay. Múk kuunday raa/atén nee fooluuse, hotangw'ín sleeme tla/atsara ga ayká. Ala Mungú aníng kuúng u harahhiíf.

AXWEESANOÓ SAGALOOA 2:21

Asma múk gan'amuú koóm yaamu gi aal, múk inkihhimuú koóm i baraaká' wa hoot.

ISAYA 57:13

Qoomár bar /aa/amiindá', gimsé' kár ala munguiihúng awa slaqsi'i kwisiingá' taa burumburiindé' nu tu/iye'. Fur'a gin amór saáw i ufáhh, tam hiinsluú hee gin amór saáw i puruuts. Ala heé naa amor'eé' goow yaamu gi aal, nee tloomar'eé' tidá' hhoohhoo' tari tós.

ISAYA 58:14

Daqaní kuungá' qwal/amaaye a dír AAKOÓ MUNGÚ wá sleerá', aníng kuungá' nuna aleesleemií haniís oo umuú gaaro kawa arba/a' gawaakaá daanduú yaamuwo. Daqaari'iimár Yakobo baabuúhúng kari /agá'.» Adoorí afkú AAKOÓ MUNGÚ gaa oó'.

ISAYA 60:21

Muu sleémeero tari múk hota ganaá'. Inooín yaamu kin aal ay alhhe'eesay wasle. Inooín an harma/itaeé' ar dabaaene naa dahaás. As kahhó' aníng ti xirfayees.

MALAKI 4:1

AAKOÓ MUNGÚ Aleesleemusmo i kaahi, «Asma qaytsité', baalaadá' ni hardát, i ót adór asltá gufteeri. Nee muu sleémeero kudá' sagegawdén, nee kudá' sleémeero tlehhimi'idá' tlakw tlehhaahhitá', nin muundáy tleehhitiyá'. Nee baalaadá' hardah gin qwaarés ar asla. Gár i meetis i káhh, halmi nee dee/armowo.

FAARO 26:65

Asma qoomaadae AAKOÓ MUNGÚ ina oó', «Kuká' sleémeero i qatliyá' baraá xaanxáy ale.» Ar ló', tam heé wák i kaahh oo aa gwaaiiká, ala aqo har Kalebu garmoó Yefune, nee Yoshua garmoó Nuni.

DABE 5:33

Kangwdá' sleémeero AAKOÓ MUNGÚ, Munguúhúng naa hara'ayín eeharaak, as tidá' sleémeero kuungá' ta tlehha' iwa qoon, nee deelór hotaahung kiwa sleera' baraá yaamuudá' ta sleera'a, tawa aalirhúng.»

Ebrania 11:16

Ala a yaamuudaeeká. Ala yaamaá inooín ta leelehhiiti an yaamuudá' ak hhoo', an doori. Gawaá adoorihe Mungú i murumiitiiká kuwa babay a Munguúín. Asma inós gixsár inooín ta hooti gaa tleéhh.

YOSHUA 14:9

Baalaadae Mose yaamuuká' ngaa dir'eénií alqadín, iwa kaahi, ‹Yaamuusingá' taa adarát ya'aawoge kuúng nee na/iiwoge in alá' ay kureeraá kureér, asma kuúng AAKOÓ MUNGÚ, Munguúeé' una ilaiwá/ ar inkihhimu.›

Geehhoeemaá 5:10

Kuúng inooín in waawitá wa qás, nee in kaahamuusér Mungú wa qás as Munguúrén kuwa sagadiyuusi. Nee inooín yaamu ngiri sa waawuti'ii'iná'.»