WARA'AMI 37:40 - Biblía Axweesantá Hhohho' ar Mungú 2004

⁴⁰ AAKOÓ MUNGÚ gin alee/iimiis nee gin ba/amis. Gin tu/ún baraá dabaá múk tlákw wa ale, nee gin ba/amis. Asma inós ngwa i guwiyé'.

Ya/abtór hho' 1977

⁴⁰ AAKOÓ MUNGÚ gin alee/iimiis nee gin ba/amis. Gin tu/ún baraá dabaá múk tlákw wa ale, nee gin ba/amis. Asma inós ngwa i guuwiyé'.

WARA'AMI 37:40 Iomraidhean Croise

1 QOM'I 5:20

Inooín Mungú nguna harahhifiyé' nee alee/isaay ngway firiné' qoomár iwa slaqwiya'. Mungú firor'ín gay mu/aywaáts, inooín baali ngay slayé' dír múk Hajiri nee dír mukduú hatlae.

WARA'AMI 17:13

AAKOÓ MUNGÚ, sihhiít, harahi'iiteek as kiwa dahh. Án ba/amisáng dír heé tlaakwe ar paángarók.

WARA'AMI 27:2

Múk tlakuuse niwa amor'eé' haratláy, as aníng iwa gu/tá wa slai, wakuuser'eé' tí sleémeero tari dukuúts nee tari huuhu'ún.

WARA'AMI 34:20

AAKOÓ MUNGÚ slaqwtá heewí sleémeero gan de'én, tam fartós ar wák ka geeqayká.

AXWEESANOÓ SAGALOOA 20:22

Ló' ma ooaar, «Tlakweemaaqá' na aníng i tleéhh i buú'.» AAKOÓ MUNGÚ na harahhifeek, inós kuúng u alee/iis.

ISAYA 31:5

Adoodá' tsir/i do'ós ngur harwedaadit an adór AAKOÓ MUNGÚ Aleesleemusmo gixsár Yerusalemu ngir xun sleeme. Inós Yerusalemu gan xún gari ba/amis Inós gan gurtláy gari tuu/.»

ISAYA 46:4

Tam qoomár bar aga dimadiindé', aníng aqo kuduú kilá', Tam qoomár se'engwhúng al/awtanto bira /awaakúy aníng kuungá' nu loohiís. Aníng adoorí ana tleéhh nee an kumiít tlehhtuuwo, nun loohiís nee nu ba/amís.

DANIELI 3:17

Bar adoosíng Munguúrén kudá' atén ta sagadiyusaan tiqo ba/amis baraá bohongwduú asltá gufteeriwo, inós atén ti ba/amis baraá dabaá waawutmoowo.

DANIELI 3:28

Nebukadnesa iri oó', «Munguú Shadraki nee Meshaki nee Abednego i xirfuuti, kudá' malaykamoowós ngwa ya/aaw as sagadiyuuseerós tidá' gwaa haratlinti' ngiwa ba/amisi. Hara'ayar'eé' tidár anuú waawutmo naa oó' ngiri tawo tleehhiyé' as haratlintaaor'ín, tari ya/án slaqooín kiwa slahh'eemisi ta mungú tawo nguwa sagadiyuusiia, ala aqo har Munguúín kilós.

DANIELI 6:23

Waawutmo iri ló'wa qwalaá/, muu guri ádbáy, Danieli kuwa duuxi baraá mar'iro. Naagáy Danieli kunguri duúx, naxés kwa gweehhiiká tam adór niiná, asma inós Munguúwós guna harahhiíf.

1 Yohana 5:18

Atén a xuaán adór heé taa laqwaál nee Mungú ir tlakweemaá tlehhiitiiká, ala inós ku harmagagaahh nee Garmoó Mungú, tam kudá' tlaákw gu kwatiitiiká.