WARA'AMI 37:23 - Biblía Axweesantá Hhohho' ar Mungú 2004

²³ AAKOÓ MUNGÚ an kudá' digirwakeetíngw hee gu geeraharahaár, kudá' inós gu qwal/atimiís, gu de'én.

Ya/abtór hho' 1977

²³ AAKOÓ MUNGÚ an kudá' digirwakeetíngw hee gu geeraharahaár, kudá' inós gu qwal/atiimiís, gu de'én.

WARA'AMI 37:23 Iomraidhean Croise

WARA'AMI 119:133

Digireerieé' gawdeesang adoodá' kara ó', ma ya/aamaar aníng tiwa baliiti nee tlakweema.

WARA'AMI 119:5

Hotaaeé' masók i warqay'aaká diroge, ar adoodá' kaahirók i diri'.

WARA'AMI 121:3

Kuúng u mayká tawa dat baraá tsaxwáy alé, inósuudá' u xumxaxuúm i gufisiiká.

WARA'AMI 121:8

AAKOÓ MUNGÚ kuúng un xún, qoomár bar ti'imít nee bar darát, iimír hamí ay kureeraá kureér.

WARA'AMI 17:5

Aníng loohirók ana eeharahár, tam aga baloó nikiitsiiká.

WARA'AMI 40:2

Ina duúx baraá tsaxwaá baa'ár wa ale, baraá tsal'ír buunqa. Iri sihhtís gawaá daanduú tlaa/a, niri hi'imiít ar amohhooa.

WARA'AMI 40:3

Daa'ángw /abén nguna intsaahhatís dir'eéni alé, oo xirfuú Munguúrén, múk yaariír adoorí gari ar, nee tay da'ayuut, naagáy AAKOÓ MUNGÚ kway harahhiif.

WARA'AMI 85:13

Gan'amu geeraá Mungú gi haar, nee loohír waarahhamuuwós gari amohhe'ees.

AXWEESANOÓ SAGALOOA 11:1

Qoomoó al/ayma AAKOÓ MUNGÚ gu waak, Ala qoomoó alqoóm inós gu sla'atamís.

AXWEESANOÓ SAGALOOA 11:20

Heé saga gawít ku waak nee AAKOÓ MUNGÚ, Ala inós ku qwal/atamis nee mukdá' hhooeemaá tlehhiít.

AXWEESANOÓ SAGALOOA 16:9

Hee muruuwós gun qoomees, Ala AAKOÓ MUNGÚ digir wakeetiingós gun boo/ees.

AXWEESANOÓ SAGALOOA 4:26

Loohír tar ot aldakweek, as kahhó' adór tar hi'iimit iwa qoon.

YEREMIA 10:23

Aá AAKOÓ MUNGÚ, aníng a xuú', heé slafiingós baaliro gu aleesláw i kaahh, tam heé hotaawós gi geerahaár i kaahh.

YEREMIA 9:24

Hee birti xirfayeemiis ti xirfayeesi as tí: Aníng iwa xui adór tar AAKOÓ MUNGÚ kudá' sla'aari warqawaaká, nee sakwasleemár ganaa' ga tlehhiít, nee hotaá gana'á' gi slaá' baraá yaamu. Asma muruuwí aníng i sla'atamis. Anuú AAKOÓ MUNGÚ tí ngina oó'.»

Ebrania 13:16

Kuungá' ma gunqaruutaara' tlehhma'aá hho' kiwa tlehha' nee tiwa alee/iimisa', asma gaarí an ilahhooadár muruú ta tsu/i ar Mungú gu ak qwal/atimis.

1 SAMUELI 2:9

«Inós mukós oo hhohhó' gun de'én, ala tlakuuse gan kwaahh baraá giwti, asma heé /uuruuwo baaliím i kaahh.

1 SAMUELI 29:10

Hamí kuúng dinkwa nee sagadiyuusér aakoowók Saulo, kudá' nee kuúng naa alhardate', matlo matlaatleero tseewa tlawé', qoomár iimi bir /awakukuúr.»