WARA'AMI 37:22 - Biblía Axweesantá Hhohho' ar Mungú 2004

²² Múk taa tsuúq nee AAKOÓ MUNGÚ, yaamu ngi aaliyá'. Ala kudá' inós aa lu'ús, gi qwaarees.

Ya/abtór hho' 1977

²² Múk taa tsuúq nee AAKOÓ MUNGÚ, yaamu ngi aaliyá'. Ala kudá' inós aa lu'ús, gi qwaarees.

WARA'AMI 37:22 Iomraidhean Croise

YOBU 5:3

Daktantá aa slu/ubibiin ana ár, aníng hotaarirós ngari gaanslár lu'ús.

WARA'AMI 115:15

AAKOÓ MUNGÚ nu tsuuqi, oo doori nee yaamu gaa tleehh.

WARA'AMI 119:21

Kuúng múk daara/aám un iigahhmít, mukdá' hara'ayarók gaa sii' ku lu'us.

WARA'AMI 128:1

Heé amohhoó' a kudá' AAKOÓ MUNGÚ gu haratlintatií', kudaádá' lohdaá AAKOÓ MUNGÚ gi eeharahár.

WARA'AMI 25:13

Heé adoorí i hoot, iri yaandahhe'ees, xwaylarós yaamu giri ál.

WARA'AMI 32:1

Heé amohhoó' a kudá' tlakweemaawós taa gurtláy, nee dakuúsarós taa tuuntuúk.

WARA'AMI 37:11

Ala kudá' tsatsa'aren yaamu ngin aaliyá'. Nin qwalaala/iyá' baraá diihhooár faakaaká wa ale.

WARA'AMI 37:18

AAKOÓ MUNGÚ slafíngw múk xaslxaansli wásl gu amohhe'emiis. Inooín a múk aaliím ay kureeraá kureér.

WARA'AMI 37:28

Asma AAKOÓ MUNGÚ sakwasleemár ganaa' ga slaa', tam mukós kudá' hhohhó' gu baseehuwiiká. Heé hota ganaá' gu de'én ay alhhe'eesay wasle. Ala xwaylár heé tlakusmo gan qwaarees.

WARA'AMI 37:9

Asma múk muruú tlákw tlehhiít ku qwaarees. Ala múk AAKOÓ MUNGÚ daamaraám an kudá' yaamu gi aál.

AXWEESANOÓ SAGALOOA 3:33

Lo'ór AAKOÓ MUNGÚ i daanduú maraá tlakuuse, ala doó heé ganaá' gun tsuuq.

ISAYA 57:13

Qoomár bar /aa/amiindá', gimsé' kár ala munguiihúng awa slaqsi'i kwisiingá' taa burumburiindé' nu tu/iye'. Fur'a gin amór saáw i ufáhh, tam hiinsluú hee gin amór saáw i puruuts. Ala heé naa amor'eé' goow yaamu gi aal, nee tloomar'eé' tidá' hhoohhoo' tari tós.

Matayo 25:41

«Aluuwo mukdá' bartá dákw doó basáy i dirií' guri bay, ‹Quutlé' dir'eene, kuungaásingá' taa lu'ús, tlawsé' baraá asltá baloó gwaa'aaká, tidá' taa amohhe'eés as Neetlaangw nee malaykeerós.

1 Korinto 16:22

Umuúqo heewo oo Aako gu sla'aaká, inós ku lu'usi. Maran ata, gídaabárós: Aakoorén, hardaháng.

Galatia 3:10

Ala kudá' sleémeero tlehhma'aá hara'aya ngaa i tlintii'iye' kaa lu'ús. Asma Gooi i kat, «Heé tidá' sleémeero taa gooín baraá kitaábuú hara'ayár Mosewo ga alqaytsimitaaká nee ga iialooeemisaaká ku lu'usi.»

Galatia 3:13

Kristo atén tina tuú/ baraá lo'oodár hara'ayaaro, qoomár lo'oorén tidá' inósuú kilá' ngiwa gagaár. Asma kaa gooín, «Umuúqo heewo oo taa gawaá xa'anií kikií' kwaa lu'ús.»

DABE 5:33

Kangwdá' sleémeero AAKOÓ MUNGÚ, Munguúhúng naa hara'ayín eeharaak, as tidá' sleémeero kuungá' ta tlehha' iwa qoon, nee deelór hotaahung kiwa sleera' baraá yaamuudá' ta sleera'a, tawa aalirhúng.»