WARA'AMI 37:15 - Biblía Axweesantá Hhohho' ar Mungú 2004

¹⁵ Ala tsati'ii'ín kudá' ngin i ki/iyá', inooínadaá kilá', nee ga/alduín kudá' sleeme nay qeqtiná'.

Ya/abtór hho' 1977

¹⁵ Ala tsati'ii'ín kudá' ngin i ki/iyá', inooínadaá kilá', nee ga/alduín kudá' sleeme nay qeqtiná'.

WARA'AMI 37:15 Iomraidhean Croise

2 SAMUELI 17:23

Ahitofeli ngiwa ár adór axweesantós kara kaángwí sií', iri tsa/án gawaá daqwaywós, iri waátl amór do', baraá gixsarós. Iwa hardáh muruú dír do'ós guri qoomeés. Tari tarereé', iri gwaá'. Kuri foól baraá /aantár baabuúwós.

ESTA 9:16

Múk Yahudi oo hatlá' oo baraá ayeemaá waawutmoó hootá' tana burumburiít slafingw'ín nguwa xuna', amohhooa kay sláy dír wakuuser'ine, kudá' inooín ngi ahhiitá' kina tsuú/ muu kume mibeeri faanqw nee kooán, ala baraá muruuine gár taa haasaáng wa ar tláy i káhh.

ESTA 9:22

Asma deeloorí an deelór múk Yahudi amohhooa ngiwa slayé' dír wakuuser'ine, nee an slahhángw gurhaami kawa warqeés tawa qwala/, nee an deelór tsuunqumis kuwa warqeés tawa deelór ur. Múk Yahudi kuna ádbáy deeloorí ngiwa oohiya', ngiwa deelór ur tleehhiya' nee ar qwala/, nee qeemuú dimbadimbé kuwa hanmiisi dír muu nee dír narkuute.

WARA'AMI 34:22

AAKOÓ MUNGÚ sagadiyuuseerós ga ba/amis, kudá' sleémeero AAKOÓ MUNGÚ ngwa i guwiye' ki sakwasleemutiiká.

WARA'AMI 35:8

Inooínaá kilá' i hhane', nee tsaaxweelidá' naa qaasiyé' ngi ohiin, sleémeero i baraadií qororo'otiye'.

WARA'AMI 46:10

«Haay xasliité', tsaahhaak adór aníng tar Mungú! Aníng taa iia tleereés baraá xoorduwo, ti iia tleér baraá yaamuwo!»

WARA'AMI 46:9

Slaqwara gan har'ohín baraá yaamu sleémeerowo. Ga/aldu nee lawlu gin giqáy, nee gaardaá slaqwara gin da/a/án.

ISAYA 37:38

Looarka wake waawutmo ina sluufmisuú áy baraá doó munguúwós kudá' ta bay Nisroki. Daaqaywós kudá' ta bay Adrameleki nee Shareseri nguri gaasiyé' ar paánga, niri /akumiitiyé' yaamaá Ararati. Naagáy garmaawós kudá' ta bay Esarhadoni iri waawuti'ín kitaangós wa alé.

YEREMIA 51:56

Kudá' ga hhaaiís aa Babulonírí hardát, miguuseerós kara tláy, ga/alduuín kaa giqaagáy. Asma Anuú AAKOÓ MUNGÚ a Munguú li/oó bu'uúm, tí ar ló', aníng li/aay u buú'.

HOSEA 1:5

Baalaadae baraá xatstá Yerse'eliro aníng slaqwaruusér múk Israeli tam nee /uureemooine in suwawaá'.»

HOSEA 2:18

Qoomaadae al'axweesani ngiri oó' nee makaá sla/a nee tsir/ór gawaá doori, slám nee naanagár baraá hhape, as miwa slahh'eesiyé', ga/ale nee paánga ngay geeqáw nee xoslaá hatlá' awa slaqwara ngiri hingeés baraá yaamuwo. Aníng kuungá' nuri tsuúq, tari hotá' ar wayda.

MIKA 5:6

Inooín yaamaá Ashuru kiri baal ar paánga, yaamaá geeraharusmooín oo geera oo ta bay Nimrodi kiri sawaawuti'ín ar xoslaá slaqwara. Inooín atén tari baraá dabaá múk Ashúrú wa tu/iyá', qoomár múk Ashuru birna baraá ayaarén i hardáh, nee yaamuurén biringa kalaa/iyé'.

1 SAMUELI 2:4

Ga/aldaá mukduú miguuse naa qeqtiné', ala mukdá' taa gee/aásl /uuru gwaa sláy.

1 SAMUELI 31:4

Saulo heewós kudá' xosluuwós kudaá slaqwarár loohiís guri báy, «Paángarók tisíng taatahheek, aníng mutáng, ni gwaá', mukqá' taa hheehhe'eesiiká ló' aníng miwa gaás ar paánga, iri niqín.» Ala heedaádá' xooslaarós loohiís gwaa qiitliiká, asma ina da'ayuút kángw kilá' wa ale. Saulo paángarós gari taataáhh, gari qoomeés gawaawós, gari harahuú'.