WARA'AMI 37:14 - Biblía Axweesantá Hhohho' ar Mungú 2004

¹⁴ Múk tlákw tsat'ii'ín ngin tataahhiyá' nee ga/alduín ngin oohiyá', as múk narkuute nee liitlakuuse kiwa tsu/i, sleeme kudá' adór hho' ar hootá' kiwa tsu/i.

Ya/abtór hho' 1977

¹⁴ Múk tlákw tsat'ii'ín ngin tataahhiyá' nee ga/alduín ngin oohiyá', as múk narkuute nee liitlakuuse kiwa tsu/i, sleeme kudá' adór hho' ar hootá' kiwa tsu/i.

WARA'AMI 37:14 Iomraidhean Croise

ESTA 5:14

Naagáy hareerós Sereshi nee mulqeerós sleémeero Hamani kuri báy, «Xa'anoó tleér kungu tleehhi oo miíta mibeeri tsár nee tsár, daqaní matlo matlaatleero waawutmo ku ádbeér Mordekai ku gawaadií tarereei. Daqaní tari dát ar qwala/ baraá muruú /aymár i alé dinkwa nee waawutmo.» Axweesantí Hamani gari slaá', xa'ano guri tleéhh.

WARA'AMI 11:2

Ga/aaweek adór tlakuuse ga/alduín ngira uuruxiyé', maheeri kaa qaás gawaá ga/aldu, as kudá' mune ganaa'á' kiwa tlaquuti baraá giwtír wa ale.

WARA'AMI 35:10

Aníng AAKOÓ MUNGÚ nguri baw ar muunaáeé' sleémeero, «AAKOÓ MUNGÚ, oo adór kuúng i kaahh. Kuúng liitlakuuse a ba/amiimís baraá dabaá múk /uuruú kooma. Eeít, narkutmo nee heé dawa kaahaár u ba/amís baraá dabaá malguuseero.»

AXWEESANOÓ SAGALOOA 29:10

Múk tseerdaá múk ku'umamiís heé daba' hhohhó' ngu slaiiká, ala múk hhó' slafíngw heedaádá' gun de'én.

AXWEESANOÓ SAGALOOA 29:27

Heé tlákw ku waak nee heé hota ganaá' Ala heé tlehhmi'iiwós qoomá' ku waak nee heé tlaákw.

HABAKUKI 1:13

Kuúng tu hhoohhoó', tam gár tlaakw ii qaytaro a sla'aká, kuúnguudá' sagagawdu gu sla'aaká arto. Ahaá waáy, mukdá' al/aymár tlehhiít misa tawo ga/eér nee tari dirógí xaslít, qoomár heé tlaákw bar heé hota ganaá' ta inose gu gaamiis.»

Tlehhema'aá ya/Abuuse 12:11

Nee Petro iimirós iwa faxát, iri oó', «Daxta aga kángw kilá' wa tsaáhh adór Aako malaykamoowós ngura ya/aáw, as aníng iwa ba/amisi baraá dabaá Herodewo, nee baraá kangwdá' xoorór Yahudi sleémeero i daamaraan.»

Tlehhema'aá ya/Abuuse 12:23

Hamtidár kilae malaykamoó Aako Herode guna slaáhh, asma Mungú gwa xirfuú i haniisiiká. Kuri /aáy nee naanaga, iri gwaá'.

Tlehhema'aá ya/Abuuse 7:52

Baabi'iihúng aaruusér taa máy gusisiingo a gaalá? Inooín aaruuse kana tsuú/, tidá' aa aaririin iwa kat, Kudá' Ganaá' ni hardah. Hám kuungá' ugwa saki/é' kuri gasé'.

1 Yohana 3:12

Atén mawa adór Kaini tleehhitaán. Inós bartá kudá' tlaákw gana áy, hhiyaawós guri gaás. Kaini hhiyaawós gár ngusa gaás a milá? Gár ngusa gaás a tlehhemi'iiwós kin tlakw, ala awa hhiyaawós in ganaaiyá'.

1 SAMUELI 24:11

Baabuúeé' qaytsiít, pasltá inqwaarirók i gawaá dakw'eé', barnaxes pasltá inqwaarirók ana tsaát, kuúng uri gaasiiká, ka xú' nee ka tsáhh adór dabaaeé' kir hhohhó', tam /aymuú kuúng uwa sadakuús i kaahh, ala kuúng án ina slakaamaamít as iwa gaasár wa sla'.

1 SAMUELI 24:17

Saulo Daudi guri báy, «Kuúng an gan'amuú koón ta aninge. Kuúng aníng ina hhooeemií tléhh, ala aníng kuúng una gár tlaákwí tleéhh.