WARA'AMI 37:10 - Biblía Axweesantá Hhohho' ar Mungú 2004

¹⁰ Alaá deelór niinawe kudaá tlakuuse ki qwaarees. Tim leelehhtuú eér dír hotaaínií alé i aandaaká.

Ya/abtór hho' 1977

¹⁰ Alaá deelór niinawe kudaá tlakuuse ki qwaarees. Tim leelehhtuú eér dír hotaaínií alé i aandaaká.

WARA'AMI 37:10 Iomraidhean Croise

2 WAAWITÁ 9:25

Yehu alee/isusmoowós kudá' ta bay Bidkari guri báy, «Tuuarós tisíng kwahheek baraá qaymoosír Naboti, heé Yesre'eli. Inslaweek tidá' qoomaadá' aníng nee kuúng tawa alaá Ahabu wa hi'imitaan ar farsuurén, adoodá' AAKOÓ MUNGÚ aa axweés daanduuwose.

ESTA 7:10

Naagáy Hamani kway gawaá xa'anoodií tarereé', kudá' geeraawo aa amohhe'eés as Mordekai. Buhhtaá waawutmo nay tsauyé'.

YOBU 14:10

Ala hee bira gwaá' i baloó kí/i? Hhiintla burngwa sa tsiqiít, gár aa met a milá?

YOBU 20:5

Heé tlaákw ga tsaahh qwal/uuwós tawa oo har qoomár niina, nee bar/uú múk aa qwaar oo har afiqoomár ló'wá niina.

YOBU 24:24

Inooín nin daara/uutiyá' qoomár niinawe, naagáy nari suquutiyá'. Nin /ootsiyá' nari nususu'utiyá' sleémeero adór gitso. Sleémeero kin suwatsaat adór sagér angaáno.

YOBU 7:10

Heewí tlaáw i baloó ki/iiká amór mukós, nee mukós kudá' aáng inós gu xuú' gu baloó inslayká.

YOBU 7:21

Ahaá baré dakuúsar'eé' a gurtlatleeraaká, nee tlakweemaaeé' mis hingeemamiská. Hamír kilae aníng ti qaatiis baraá /aanta, kuúng aníng iri leeléhh iri aandaaká.»

WARA'AMI 103:16

Asma fur'a in gawaawós ar fukukú' gari kaahás, tam didaádá' niwa ti'ít kay tsahhká.

WARA'AMI 49:10

Kár ee, inós gan ar tam adór múk sageloén ir qatli, daktana nee baraawasluuse tan adoodár hhán sleeme, daqaari'iimar'ín kari dír múk hatlá' i geexáy.

WARA'AMI 52:5

Ala Mungú, kuúng u fadu giqáy ay alhhe'eesay wasle. Un dafiit baraá do'ók wa ale, un amór saáw i kwaahh, un hingees baraá yaamaá múk slaáf wa ale.

AXWEESANOÓ SAGALOOA 14:11

Heé tlaákw do'ós i qwaar, Ala doó heé hota ganaá' i hotaatín.

1 Petro 4:7

Alhhe'eesoó mura' sleémeero aa nakaá/. Gawaá adoorihe kuungá' masók a múk ti ila/aám nee múk dalaá', as kahhó' kuungá' tawa múk Munguú firiiriím.