WARA'AMI 35:4 - Biblía Axweesantá Hhohho' ar Mungú 2004

⁴ Kudá' aníng i gaasár wa sla'á' na mureekeeseek, nee ki ar ba/i. Inooinaadá' anií baraá tsaxwáy dahmiisá', inooín awa kilá' tsaxwaadá' ngi slaye', ni amoqwaariye'.

Ya/abtór hho' 1977

⁴ Kudá' aníng i gaasár wa sla'á' na murekeeseek, nee ki ar ba/i. Inooinaadá' anií baraá tsaxwáy dahmiisá', inooín awa kilá' tsaxwaadá' ngi slaye', ni amoqwaariye'.

WARA'AMI 35:4 Iomraidhean Croise

1 WAAWITÁ 19:10

Eliya iri oó', «AAKOÓ MUNGÚ, Munguú Aleesleemusmo, aníng da/i ina ló'wa ót as kuúng, nee as múk Israeli kudá' alqadoorók gaa sii', kiteeriwók kudaá ilahhooa ngaa fee/iyé' nee aaruuserók sleémeero ngaa tsu/iyé'. Aníng kilooeé' ana meét, slám hamí i gaasár wa slaiyá'.»

WARA'AMI 129:5

Mukdaádá' Siyoni gaa aahh, aluú i ki/isek ar mure.

WARA'AMI 35:26

Kwisingá' slahha'amkwe'eé' ngu saqwalaala/á', ki mureekeesi i amoqwaariye'. Kuká' sleémeero ti gan'ámkwí harafadiitá' ta aninge, ki mureekeesi nee alsi'imu ngu ariye'.

WARA'AMI 38:12

Mukdá' aníng i gaasár wa slaá', tsaaxwel kun qamín, kudá' aníng i gár tlaákw ar sla'á' ta qwaareesar'eé' axwees, nee tlaatla/angw sleémeero ta lohaá aldakuut awa adór tir dahhi.

WARA'AMI 71:24

Aníng gan'amuuwók un alki/iít tlaatla/aangw sleémeero, asma kaa mureekeés nee kiri niqmís kudá' aníng i gár tlaákw i sla'á'.

WARA'AMI 83:18

Ngi tsaahhiye' adór kuúng AAKOÓ MUNGÚ, kuúng kilók tar Munguú úr baraá yaamu sleémeero.

ISAYA 37:29

As kuúng tawa aníngí búhh nee as axweesanaywók kuduú taqnaa/i niwa gawaá iaeéní hardáh, aníng duungaawók i óh ar baratsufaay, nee himuueé' un afkók ar tseék, aníng kuúng uri watlís ar loohi tidá' aáng nira daqeér.› »

YEREMIA 46:5

Ahaá gár ni ga/aw mas kina de'e tsaát? Inooín naa amoqwaariyé', naa alií ki/iyé'. Miguuser'ín kaa muúx, iri /akumít sleeme naa alií qaytsiti'iiká, dae i umuú bihhe. AAKOÓ MUNGÚ tí gan kah.

ESEKIELI 13:19

Aníng kuungá' iga ló'wa /ooslisliindé' dír geeraá múk wa alé, as tsa/oó wák oo puuruú angaanoó shayiíri kuwa sleera' nee muruú /aymár niiná. Kuungá' múk tsu/utaro harimaaká una tsu/é', nee kudá' tsu/utaaro hariím una meeré' tsu/utaaro. Muk'eé' ugwa lameemaá babeeré', nee inooín lameemoohúng nga haratlinti'iyé'.›

Matayo 27:1

Looa niwa tleér kaahamuusér uren sleémeero ar Mungú nee bariisér múk Yahudi tari al'axweés adór ta laqi daanduú Yesuwo as kuwa gaasi.

Yohana 18:6

Yesu qoomár ngiwa báy, «An aníng», tari alií kií/, tari huuhu'ún yaamií alé.

1 SAMUELI 23:23

Umuú dír iqo nahhmamiti tsawtsawusaak, kawa xua', kangwsíng ngu ooár eerá' dir'eé', ma dakuusara'. Án nee kuungá' ti koomaán, slám bir baraá ayaawí kaahh, aníng u leelehhahhiít baraá tla/ángw múk kumér yaariir ar Yudawo.»