WARA'AMI 35:10 - Biblía Axweesantá Hhohho' ar Mungú 2004

¹⁰ Aníng AAKOÓ MUNGÚ nguri baw ar muunaáeé' sleémeero, «AAKOÓ MUNGÚ, oo adór kuúng i kaahh. Kuúng liitlakuuse a ba/amiimís baraá dabaá múk /uuruú kooma. Eeít, narkutmo nee heé dawa kaahaár u ba/amís baraá dabaá malguuseero.»

Ya/abtór hho' 1977

¹⁰ Aníng AAKOÓ MUNGÚ nguri baw ar muunaáeé' sleémeero, “AAKOÓ MUNGÚ, oo adór kuúng i kaahh. Kuúng liitlakuuse a ba/amiimís baraá dabaá múk /uuruú kooma. Eeít, narkutmo nee heé dawa kaahaár u ba/amís baraá dabaá malguuseero.”

WARA'AMI 35:10 Iomraidhean Croise

2 SAMUELI 22:18

Ina tuú/ dír wakusmooeé' kudá' /uuruú kooma, ina /iís dír kudá' iga aahhi, asma /uuruú yaariír ngu koná' oo iwa ar ba/iya'.

WARA'AMI 10:14

Ala kuúng múk haleleamiít nee oo slahh'amuú koóm u xú', kuúng umuú daqto ta amohhe'és kiwa alee/is, liitlakusmo kuúng ugwa haratlintií'. Panaay alee/isaywók ngwa slayé'.

WARA'AMI 102:3

Deelor'eé' in waaráhh adór quui, fadueé' nin tsi/iyá' adór muqslír baraá asla.

WARA'AMI 103:6

AAKOÓ MUNGÚ kwasleema gan tleehh ar loohír ganaa'. Mukdaádá' ta baramaanuusi gun hariimar'ínií ki/is malé ale.

WARA'AMI 109:31

Asma inós heé gaa wásl gun aleekal/án, as nguwa tu/i dír mukdá' gwaa sakwasleemár gwa'arár i tsati.

WARA'AMI 140:12

A xuú' AAKOÓ MUNGÚ hee gun sakwasleemár ganaá' i tleehh. Nee múk liitlakwén gun hariímar'ínií sláy.

WARA'AMI 140:13

Múk gan'amú koóm umuuwók gun xirfayemiis. Múk hotangw'ín ganaá' tan hoot dinkwa nee kuúng.

WARA'AMI 146:7

Mukdá' taa barqantuús guri sakwasleemár ganaá' i tleehh, kudá' qwariitá' giri muruú /aymár i haniis. Kudá' taa tsegiít AAKOÓ MUNGÚ gay gweer.

WARA'AMI 18:17

Ina ba/amís dír wakuuser'eé' tidá' /uuruú kooma. Ina ba/amís dír kudá' aníng iga aahhi'i, asma inooín iga harslaaqaát arba/ato.

WARA'AMI 22:14

/Uuruueé' ina faák adór ma'aá naa ku'uutiye', fadueé' nay kwirhhimitiyé'. Muunaáeé' iri weéq baraaeene adór boohhayaangw.

WARA'AMI 22:24

Asma inós slahh'amaayér liitlakusmo gaa waaqaiiká, nee gu mayká i qaytaro. Ala qoomár burungu i /aa/amín gun mu/aywaats.

WARA'AMI 32:3

Qoomár kangw'eé' nguwa alxasliít, faduueé' nay slahhaaiyé', niri /aa/amaamiím ar /ifo qooma sleémeero.

WARA'AMI 34:20

AAKOÓ MUNGÚ slaqwtá heewí sleémeero gan de'én, tam fartós ar wák ka geeqayká.

WARA'AMI 34:6

Liitlakusmoowí AAKOÓ MUNGÚ guna i /aá/, AAKO iri axaás, guri ba/amís baraá slahh'amaayeerós sleémeero.

WARA'AMI 37:14

Múk tlákw tsat'ii'ín ngin tataahhiyá' nee ga/alduín ngin oohiyá', as múk narkuute nee liitlakuuse kiwa tsu/i, sleeme kudá' adór hho' ar hootá' kiwa tsu/i.

WARA'AMI 38:3

Slaqwtaeé' sleémeero aa slahhá' asma buhhtaawók. Fadueé' naa slahhaiyé' asma kuúng ugwa sadakuús.

WARA'AMI 51:10

Aá Mungú, muunuú hhoohhoó' i tleehháng, qeeruú /abén oo inkihhím baraaeéní qaaseek.

WARA'AMI 51:8

Qwala/ nee bar/uuwo hatsiisáng. Tam iga fadu giqeeri ar muxta, aníng kuúng u sa baraá/.

WARA'AMI 69:33

Asma AAKOÓ MUNGÚ kudá' liitlakwen gi iiárií qamín, mukós kudá' taa tseék gu gunqaresiiká.

WARA'AMI 71:19

Aá Mungú, aleesleemuuwók nee gan'amuuwók ina gáwtí hardáh ay doori, xáy Mungú, kuúnguudá' muruú urén ugwa tlehh, heé adór kuúng a heemá?

WARA'AMI 86:8

Baraá yaamuwo Munguú adór kuúng i kaahh, Aáko, tam tlehhma'aá adór tlehhmi'iiwók i kahhiyá'.

TI'INAANGW 15:11

Aá AAKOÓ MUNGÚ, Mungú adór kuúng baraá munguiiwo a gaalá? Baraá hhohhoarto oo xirfuú koóm adór kuúng a gaalá? Kudá' xirfuuwós ta ilaiwawa/i tlehhma'aá waa/oo/amo gi tlehhiít.

ISAYA 40:18

Xáy, Mungú nee heemá ki slaqamisi? Xáy heé kur qoomes a heemá?

ISAYA 40:25

Kudá' Hhoohhoó' i kaahi, Xáy, heé ta aníngár qoomesa' a heemá? Xáy, heé adór aníng i deéro?

YEREMIA 10:7

Aá waawutmoó xoordu, oo kuúng u ilaiwawa/aaká a heemá? Asma kuúng an hariín tuwa ilaiwawa/i, oo sagaloó' adór kuúng i kaahh baraá xoorduuwo, tam baraá waawuti'iima sleémeero.

YEREMIA 20:13

AAKOÓ MUNGÚ i daa'aak, AAKOÓ MUNGÚ xirfayemisaak, asma inós heé liitlakusmo gwaa ba/amís dír dabaá múk tlakwe.