WARA'AMI 34:5 - Biblía Axweesantá Hhohho' ar Mungú 2004

⁵ Amór Mungú i warqawaak ta qwalala/á', daqaní kuungá' tundu baloó mureekeesiiká.

Ya/abtór hho' 1977

⁵ Amór Mungú i warqawaak ta qwalala/á', daqaní kuungá' tundu baloó mureekeesiiká.

WARA'AMI 34:5 Iomraidhean Croise

2 SAMUELI 19:5

Yoabu iri dáh baraá doó waawutmo, guri báy, «Laarí taa mureekés ataá sagadiyuuseerók sleémeero, ateeká' slafiingók ngwa tu/aan, nee slafíngw na/iiwók awa daaqaay, nee slafíngw na/iiwók awa dasu, nee slafíngw /ameenaarók, nee slafíngw /ameenaarók tidá' quturmo wasle.

ESTA 8:16

Múk Yahudi gwa/aateema giri sláy nee qwala/ nee bara/ nee ilaiwa/amero.

WARA'AMI 13:3

AAKOÓ Munguúeé', aníng i qaytsitáng iwa mu/aywats. Án slaqwahhooárí ki/isáng mawa guú' ar gu'utér huwisha.

WARA'AMI 138:3

Bál án kuúng uwa ateét, ina mu/aywáts, aníng ina gurkwa/ás iri /uurií hanís baraá muunaáeene.

WARA'AMI 18:28

AAKOÓ MUNGÚ, kuúng an kudá' tsaa'aste'eé' ngi oohiís. Munguúeé', kuúng giwtir'eé' an tsaa'ás.

WARA'AMI 25:3

Ar ló', kudá' kuúng u harahhifá' tumu wák mukuwa mureekeés, ala kudá' al/aymár tlehhiitá' tawó alé i muruutiye'.

WARA'AMI 3:5

Aníng an qaát nari guú', naagáy nari tláw gu'uteero, asma AAKOÓ MUNGÚ aníng in baqamín.

WARA'AMI 36:9

Asma diroge kutloó ma'aá slafiingw i deer, baraá gwa/aateemaawoge atén gwa/aateema i araán.

WARA'AMI 50:15

Án ateetáng deelór slahh'amaayeero. Án kuúng u ba/amís, aníng iri xirfayés.»

WARA'AMI 50:23

Kudá' aníng i ilahhooár sluufáy duxuúm, an kudá' aníng i xirfayeemiís. Heé digir waketiingós gwaa qoomees aníng u ba/amís!»

WARA'AMI 83:16

AAKOÓ MUNGÚ, kuúng mureekeeseek, as kuúng uwa leeleehhiya'.

WARA'AMI 97:11

Heé hhoó' gwa/aateema ngu i gwa/aatiyá', múk tsaén baraá muner'ine tay qwalalaa/.

ISAYA 45:22

Amor'eé' ki/aare' nee tundu ba/amisi, kuungaásíngaá ku/iyaá yaamu sleémeero. Asma aníng a Mungú, Munguú hatlá' i kaahh.

ISAYA 60:5

Adoorí an aán nee tari qwalá/, muunaáwók iri qwalaa/ tari bará/. Asma daqaari'iimár baraá tlawi kingi amoorók i huuw, nee daqaari'iimár xoordu kingi kiíngí haniis.

Ebrania 12:2

Atén gár tiwa hariím masók a Yesu un ga/aawaán umuúqo siiwaro. Asma inós an iimu/úngw haratlintaaoorén, nee slám inós haratlintaaoorén ga boo/ees. Inós qwal/uudá' gu daamaaraám guna ár. Gawaá adoorihe gwa'arár msalaába gari qiqtlín, tam murér gwa'arár adoorí ga gaárií xuiiká. Nee hamí aa iwiít bihhaá dákw doó /iyáy oo kitangwduú aleesleemu oo Mungú.

1 SAMUELI 23:13

Naagáy Daudi nee mukós oo afiqoomoó tsiire lahhoó' Keila kari geexáy, tari tawoó quútl amór ta slay sagér'ine, aluuwo Saulo kuri báy, «Daudi aa goów baraá Keilaro.» Saulo iri daba tsatiít, kangós kudá' guri máy.