WARA'AMI 34:3 - Biblía Axweesantá Hhohho' ar Mungú 2004

³ Gimsé', AAKOÓ MUNGÚ xirfayeemisaare' dinkwa nee aníng, inós u aldiidi'iisaán.

Ya/abtór hho' 1977

³ Gimsé', AAKOÓ MUNGÚ xirfayeemisaare' dinkwa nee aníng, inós u aldiidi'iisaán.

WARA'AMI 34:3 Iomraidhean Croise

1 QOM'I 16:10

Umuuwós kudá' hhoohhoó' ku xiríf, mukdá' AAKOÓ MUNGÚ gu leelehhiít i qwalaa/i.

1 QOM'I 29:20

Daudi muu sleémeero gway báy, «Gimsé', AAKOÓ MUNGÚ, Munguúhúng diidi'iisaak.» Mukdaádá' AAKOÓ MUNGÚ Munguú baabi'ii'ín ngway diidi'iisiyé', sager'ín ngiri xupu'usiyé', Mungú nguri sluufisiyé', AAKOÓ MUNGÚ nguri ilaiwawa/iyé' nee waawutmoowo.

2 QOM'I 29:30

Aluuwo waawutmo Hesekia nee geeraharuuseero múk tlahhoó Laáwi nguri ádbayé', AAKOÓ MUNGÚ nguwa daa'ángwár xirfayeemisiya', daa'angwduú waawutmo Daudi nee iigu'utusmo Asafu naa daaiyé'. Muu sleémeero Mungú guri i daá' ar daa'ángw qwala/, tari xupuú', Mungú kuri sluufiís.

WARA'AMI 35:27

Kudá' waangexwaarar'eé' ngi sa qwalaala/á', i baraa/iye' nee i qwalaala/iye', nee i ooiye', «AAKO i xirfuuti, asma iwa qwalaala/i as amohhooár sagadiyusmoowós!»

WARA'AMI 40:16

Ala kudá' sleémeero kuúng leelehhiitá' ta baraa/i, tu sa qwalaala/i. Kudá' ba/amarók sla'á', deelo sleémeerowo ta oi, «AAKOÓ MUNGÚ ku úr!»

WARA'AMI 66:8

Kuungaá xoordu, Munguúrén diidi'iimisaak, afór xirfuuwós ilahanmisaak ka axaasi.

WARA'AMI 69:30

Umuú Mungú u xirfayeemiís ar daa'aangw, aníng Mungú u diidi'iimiís ar ilahhooa.

WARA'AMI 69:33

Asma AAKOÓ MUNGÚ kudá' liitlakwen gi iiárií qamín, mukós kudá' taa tseék gu gunqaresiiká.

YEREMIA 9:23

AAKOÓ MUNGÚ i kaahi, «Heé sagaloó' mitiwa xirfayeemiís as sagalooarós, heé /uuruú koóm mitiwa xirfayeemiís as /uuruuwós, heé daqaarmo mitiwa xirfayeés as daqaari'iimarós.

YEREMIA 9:24

Hee birti xirfayeemiis ti xirfayeesi as tí: Aníng iwa xui adór tar AAKOÓ MUNGÚ kudá' sla'aari warqawaaká, nee sakwasleemár ganaa' ga tlehhiít, nee hotaá gana'á' gi slaá' baraá yaamu. Asma muruuwí aníng i sla'atamis. Anuú AAKOÓ MUNGÚ tí ngina oó'.»

Luka 1:46

Maria iri ó', «Muunaáeé' adór Aako kur úr gaa tsaáhh,

Tlehhema'aá ya/Abuuse 19:17

Múk Yahudi sleémeero nee oo Yunani, kudá' baraá gixsár Efesór i diriiá' kaangwí kuri xuú'. Muu sleémeero iri ló'wa da'ayuút, nee umuú Aako Yesu iri ak xirfuút.

Filipi 1:20

Gár án ni harahhiif a tí, aníng a baloó muruutaaká baraá umuúqo gaaro. Asma umuúqo gaaro ar án ni slaw xirfuú Kristo gu laqaán ar geehhooeema dír muu sleémeerowo, adoodá' Kristo kura xirfayeés aáng, nee tam hamí sleeme kuqo xirfayees, as muruudá' án ni slaw barnaxes ar slafingw'eé' laqaá ar gwa'arar'eé'.

Geehhoeemaá 14:7

Iri tseé' ar afór ur iri oó', «Mungú ilaiwawa/aak, nee xirfayeemisaak. Asma siiwa naa hardát ar inós sakwasleema ngiwa tleehhi. Gawaá adoorihe, inós i tumbarara'amiitaak, asma inós an tleehharusmoó doori nee yaamu nee tlawi nee kutloó ma'aay.»