WARA'AMI 34:1 - Biblía Axweesantá Hhohho' ar Mungú 2004

¹ Aníng AAKOÓ MUNGÚ u diidi'iimiís qooma sleémeero, inós afkwe'eene u xirfayeemiís daqisleém.

Ya/abtór hho' 1977

¹ Aníng AAKOÓ MUNGÚ u diidi'iimiís qooma sleémeero, inós afkwe'eene u xirfayeemiís daqisleém.

WARA'AMI 34:1 Iomraidhean Croise

IIMU/UUNGW 20:2

Abrahamu daanduú hareerós Sararo iri oó', «Tí an hho'or'eé'.» Abimeleki waawutmoó Gerari muu guri ya/aáw Sara kawa huwi amoorós.

IIMU/UUNGW 26:1

Giyér hatlá' nina tleér baraá yaamuwo adór tidár qoomár slafíngw Abrahamu. Isaka iri tláy ay Gerari amór waawutmo Abimeleki oo múk Filisti.

WARA'AMI 71:6

Án kuúng ugwa haratlintií' iimír tiwa laqwaál, kuúng an kudá' aníng iga dux baraá guruú aayír'eé' wa ale, án kuúng u xirfayeemiís deelo sleémeero.

WARA'AMI 71:8

Afkwe'eé' i haats xirfuuwoge, nee xirfuuwók un waahhamiím tlaatla/aangw sleémeero.

AXWEESANOÓ SAGALOOA 29:25

Muu bur da'ayumít a dát baraá tsaxwa Ala heé AAKOÓ MUNGÚ gu harahhiíf ku amohhoó'.

Tlehhema'aá ya/Abuuse 16:25

Ala Paulo nee Sila qoomár amsiwo Mungú kuri firín, nee nguri i daaiyé' ar daa'ángw ilahhooa. Nee mukduú hatlá' taa tseegiít ta axamiis.

Tlehhema'aá ya/Abuuse 5:41

Ya/abuuseedá' iri ti'ít baraá do'duú kwasleemaro, ta qwalalaa/ asma kiwa harafaár tawa múk hariím mureekeemisuwo as daanduú Yesu.

Efeso 5:20

Nee Mungú Baabá ku sluufmisá' daqisleém as mura' sleémeero ar baraá umuú Aakoorén Yesu Kristo.

Kolosai 3:17

Nee umuúqo gaaro ar ta tlehha'a ar axweesani laqaá ar tlehhma, sleémeero ka tlehhá' ar umuú Aako Yesu, nee Mungú Baabá kuwa sluufmisa' ar inós.

1 Tesalonike 5:18

Mungú sluufmisaak baraá umuúqo gaaro. Asma gaarí an gár Mungú i slai dír kuungaásingá' awa baraá Kristo Yesu i diriia'a.

2 Tesalonike 1:3

Hháe, atén gár tiwa hariím a Mungú un sluufmiisaán umuúqo deelooro as kuungá'. A gár hariím adoorí atén kawa tleehhaan, asma haratlintaaorhúng i ló'wa doogigiín, nee slám a ló'wa uraareerá' baraá sla'aarír kuungá' tiwa kiloohúng sla'aasla'a'a.

2 Tesalonike 2:13

Hháe, kuungá' Aako nu slaa', nee atén gár tiwa hariím a Mungú un sluufmisaán umuúqo daqto as kuungá'. Asma Mungú kuungá' nuna tsawaár iimír iimu/uungo as ba/ama kawa sleera' ar loohír Qeeruú hhoohhoó' oo Mungú, kudá' kuungá' nu hhoohhooeemiís, nee ar loohír looeema kiwa haratlintia'.

1 SAMUELI 21:11

Sagadiyuusér waawutmoó Akishi, waawutmo guri beér, «Heewí a Daudiwookáhe, waawutmoó Israeli? Xáy, a kudá' tar durbaabinkáhe baraá ni/imaro, tawa kaahi, ‹Saulo kumeerós gaa tsuú/, nee Daudi kumeerós ar mibaangw gaa tsuú/.› »