WARA'AMI 33:3 - Biblía Axweesantá Hhohho' ar Mungú 2004

³ i daa'aak ar daa'ángw /abén, baraa/é', daa'aangw tsu'usaak ar seése.

Ya/abtór hho' 1977

³ i daa'aak ar daa'ángw /abén, baraa/é', daa'aangw tsu'usaak ar seése.

WARA'AMI 33:3 Iomraidhean Croise

1 QOM'I 13:8

Qoomaadae Daudi nee múk Israeli sleémeero ni/imaaro tana faakamiís dír Mungú, as Mungú nguwa xirfayeemisiya'. Muu ina daá', nee gidandooráy kway slaáhh nee mariímbaro, nee oowi kay slaáhh nee mitingiraay, nee tarumbeéta kay ufaáhh.

1 QOM'I 15:22

Kenania kuna geeraharusmoó wa qaás oo múk tlahhoó Laáwi gu gan'aamiís baraá xooslaá daa'ango, asma muruuwí gu ado xuu'.

1 QOM'I 25:7

Inooín dinkwa nee hhaeeín, kudá' taa intsaahhatís AAKOÓ MUNGÚ nguwa i daaiya', kudá' sleémeero ado ngi baalá', a muu tsiire tsár mibeeri dakaát nee dakaát.

2 QOM'I 34:12

Muu gadiyeérí gana tlehhiít ar inkihhimu. Múk tlahhoó Laáwi oo geeraharuusér mukwí oo taa qaás a kwí: Yahati nee Obadia awa guruú doó Merari, dinkwa nee Sekaria nee Meshulamu kudaá guruú doo Kohati. Múk tlahhoó Laáwi oo hatlá' xooslaá daa'aangw slahhto ki ló'wa xuu'.

WARA'AMI 144:9

Mungú waáy, án kuúng u daa'ángw /abén i daá', nguri daá' ar seésér hhutleemaá mibaangw.

WARA'AMI 149:1

AAKOÓ MUNGÚ xirfayeesaak! AAKOÓ MUNGÚ daa'ángw /abén i daa'aak, Xirfuuwós i baraá dinku'uumár múk inkihhím dír Munguhe.

WARA'AMI 40:3

Daa'ángw /abén nguna intsaahhatís dir'eéni alé, oo xirfuú Munguúrén, múk yaariír adoorí gari ar, nee tay da'ayuut, naagáy AAKOÓ MUNGÚ kway harahhiif.

WARA'AMI 40:4

Heé amohhoó' a kudá' AAKOÓ MUNGÚ gu harahhiíf, kudá' nee daara/uuse al'eemaeema'aaká, laqaá kudá' warqawaaká amór munguaá hatlá' ngiwa sluufmiisi.

WARA'AMI 96:1

AAKOÓ MUNGÚ daa'ángw /abén i daa'aak, yaamu sleémeero AAKOÓ MUNGÚ i daa'aak.

WARA'AMI 98:1

AAKOÓ MUNGÚ i daa'aak ar daa'ángw /abén, asma muruú waa/oo/amo guna tleéhh, ar dakós oo doó /iyayhe nee kudá' hhohhooe, inós iri baalín.

ISAYA 42:10

Daa'ángw /abén daa'aak dír AAKOÓ MUNGÚ, hhapeemo sleémeero xirfuuwós ngu daaiye'. Gimsé' tlawi i /orotl nee umuúqo gár baraadá' i diriia, ayeemaá sawen nee yaamuloouuser'ine.

Efeso 5:19

Nee axweesé' kiloohúng alé ar wara'ami nee daa'ángw bara/, nee daa'ángw baraá Qeeru. Daaé' nee ta bar/á' baraá munerhunge as Aako.

Kolosai 3:16

Axweesantá Kristo masók i baraahúng wa hót ar yaareema. Ti intsaahhatimise' nee tiwa naanaqa' ar sagalooa sleémeero. Mungú sa daa'aak ar sluufaay baraá munerhunge ar daa'ángw bara/, nee oo sluufaay, nee ar daa'ángw baraá qeeru.

Geehhoeemaá 14:3

Inooín daa'ángw /abén kuna daá' dír geeraá kitangwduú aleesleemuú wa ale, nee dír geeraá muruudá' slaáf oo tsiyáhh, nee dír geeraá bariiseedá'. Ala heé daa'angwdá' intsaahharo gwa aleeslay i kaahh, aqo har mukduú kume tsiiruú wák nee mibeeri tsiyáhh nee tsiyáhh, kudá' taa tlaáxw baraá yaamuú wa ale.

Geehhoeemaá 5:9

Inooín daa'ángw /abén ngun daaiyá', tawa kaahi, «Kuúng a hariín kitaábu kuwa taatahh nee dugeeniiwós kudá' ki qaás kiwa gwet, asma kuúng tuna gaás, nee ar tseereeroge muu una tláxw as Mungú, múk umuúqo tlahhaywo nee umuúqo tsifriro, nee umuúqo mar'eefo nee umuúqo xoorooro.