WARA'AMI 33:16 - Biblía Axweesantá Hhohho' ar Mungú 2004

¹⁶ Waawutmo i baalinká as yaareemaá slaqwaruuseerós, slaqwarusmo ti tu/iiká as iwa /uuruú kon.

Ya/abtór hho' 1977

¹⁶ Waawutmo i baalinká as yaareemaá slaqwaruuseerós, slaqwarusmo ti tu/iiká as iwa /uuruú kon.

WARA'AMI 33:16 Iomraidhean Croise

1 WAAWITÁ 20:10

Ben-hadadi afo gari ya/aáw amór Ahabu iwa kaahi, «Mungui aníng i gaasiye' nee ar hatlá' ngi doogiye' gawaaeé' ale, barnaxés hhapér yaamaá Samaria taataahha ngaa bú' dír slaqwaruuser'eene.»

1 WAAWITÁ 20:15

Naagáy waawutmo Ahabu slaqwaruusér masoomba tidá' geeraharuusér slaqwara ar ayeemo giri artá áy, inooín a tsiire tsár nee mibeeri tám nee tsár. Nee slaqwaruusér Israeli ngaa sláy kume faanqw.

2 QOM'I 13:8

Hamí daxta kuungá' ka xua' waawuti'iimár AAKOÓ MUNGÚ ila/aro aqo alesleerá'a, tidá' inós aa xwaylár Daudi haniís, asma kuungá' slaqwaruusér yaariir a koondá' nee slaqsa'aá damaay kudá' Yeroboamu aa tlehhiít ar sahaábu tawa munguihúng.

2 QOM'I 20:12

Aá Munguúrén, sakwasleema a tók, asma atén /uuru u koomanaaká oo nee xooroorí ur naa amoorén i haratleer tawa slaqwaan. Atén adór ta laqaan a xuanaaká, aqo har kuúng un harahhifaán.»

2 QOM'I 20:23

Múk Amoni nee oo Moabu nay haratlayé' amór múk tlom'aá Seiri, kari ló'wa hhaamiís. Alaá múk tloomár Seiri kuwa hhaamiís, tiri kilooín saki/iyé', tiri faakiyé'.

2 QOM'I 32:21

AAKOÓ MUNGÚ malaykamoowós guri ya/aáw, slaqwaruuseedár miguuse ar waawutmo Senakeribu, nee geeraharuuseero giri tsuú/, kudá' baraá xafáy diriiá'. Waawutmo iri waátl ayaawós i alé ar mure. Qoomár iwa dáh baraá doó munguúwós, kuri gaás nee daaqaywós oo kilá' ar paánga.

YOBU 36:7

Ilaá Mungú i surkuna'aaká dír heé hota ganaa'a, Ala gin xirfayees nari waawuti'iná' dinkwa nee waawitá ay alhhe'eesay wasle.

YOBU 39:11

/Uuruuwós kudá' yaariír u haraaeéra baraá gadiyeéroge? Laqaá gadiyér gawit ar uwa tu/ i deéro?

WARA'AMI 20:8

Múk adór kwí ta dukuuts nee tay huuhu'ún, ala atén an sihhiitaán tari /atlaán.

WARA'AMI 44:3

Mukók yaamu gaa hayohiiká ar xooslaá slaqwara, tam baali nga slay'iiká ar /uuruuín, ala nina baaliné' ar /uuruuwók, nee as kuúng tawa dinkwa nee inooín nee kiwa sla'.

TI'INAANGW 14:28

Ma'aydá' niri ki/iyé', gaardu ngiri tuuntuukiyé', nee mukdá' gaardaá madiita, nee slaqwaruuse sleémeero ar Farao, tidá' múk Israeli gwaa aluú wa eehat, tlawi giri gú/, tam heé wák oo aa kotsqoot i kaahh.

DAHARUSMO 9:11

Aníng ana malé ár barakaá yaamuwo, múk arba/ati ga slasláw baraá ti'iingo, a kudá' gu baalaaká. Baraá slaqwaraaro múk balaaliím a kudá' /uuruú koomaaká. Múk muruú /aymár koóm a kudá' sagaloeneeká, laqaá daqaare a múk fuqureraá koomaaká, laqaá daharusmo a geeraharusmowooká. Ala umuú heewo gitsee/a gi kón nee qoomaaro.

YEREMIA 48:14

«Xáy, múk Moabu adór kuungá' tar oa', ‹Atén a miguuse nee pihhuusér slaqwarár baal›?

YEREMIA 9:23

AAKOÓ MUNGÚ i kaahi, «Heé sagaloó' mitiwa xirfayeemiís as sagalooarós, heé /uuruú koóm mitiwa xirfayeemiís as /uuruuwós, heé daqaarmo mitiwa xirfayeés as daqaari'iimarós.

HOSEA 10:13

Ala kuungá' tlakweema in ar hotatiindá', sakwasleemár ganaa' kari qwaaresé', lameemoohúng nuri saki/iyé', asma /uureemoohúng ina harahhifé' nee miguuserhúng tidá' yaariire.

AMOS 2:14

Tam mukdá' ti'ii'íngw xuú' i kotsqotiiká, mukdá' /uureemaá koóm, /uureemooín in faakiyá', tam slaqwaruuse sleeme slafingw'ín gu tu/uka.

AMOS 2:15

Tam mukdá' slaáqw ar maheeri nee ga/aldu asla ngi baloó dan'aaká. Mukdá' ti'ii'íngw baál ti baloó tu/iiaaká, laqaá kudá' farasúr ti'ii'imá' slafingw'ín ngu /iisiiaaká.

YOSHUA 14:12

Hamí daxta kuúng un firiím, yaamukaá tlom'i aníng i haniisang ar adoodá' AAKOÓ MUNGÚ ngira oó' baalaadae. Kuúng a xú' baalaadae múk Anaki baraaká' gana hoót, slám koo/ír gixsadu ka gawit. Barnaxes AAKOÓ MUNGÚ a dinkwa nee aníng, mukwí uqo tlatlahhaás ar adoodá' AAKOÓ MUNGÚ ngira oó'.»

HAR'OHUUSE 7:2

AAKOÓ MUNGÚ Gideoni guri báy, «Múk kuúng ta koon ku ló'wa úr dir'eene baali ngiwa haniis dír múk Midianiwo. Aluuwo baraá múk Israeliwo hee miwa kilós oó', ‹Aníng tina tuú/ ar dakw'eé',› nee aníng iri gaárií xuiaaká.

HAR'OHUUSE 7:4

AAKOÓ MUNGÚ iri malé oó', «Tam hamí muksíng ku ló'wa úr sleeme. Gimáy, muksíng huweek baraá yaae, aníng daqaní u didá' wa paraátl. Aníng daqaní kuúng bura báw, ‹Heewí nee kuúng ti alkoondá',› inós daqaní i daqay. Barnaxes, aníng kuúng ugwa báw heesíng i daqayká, inós miwa daqáy.»

1 SAMUELI 17:4

Bartá xafayduú múk Filistiro, heé wák oo migusmoó slaqwara nina ti'iít, umuuwós ku bay Goliati, heé gixsár Gati. Inós a heé tleér, tlenaangós a afiqoomoó miíta tám.

1 SAMUELI 2:9

«Inós mukós oo hhohhó' gun de'én, ala tlakuuse gan kwaahh baraá giwti, asma heé /uuruuwo baaliím i kaahh.