WARA'AMI 33:12 - Biblía Axweesantá Hhohho' ar Mungú 2004

¹² Xoorór amohhoo' a tidá' AAKOÓ MUNGÚ tawa Munguúín. Múk amohhoó' a kudá' inós aa aalirós wa tsawaár.

Ya/abtór hho' 1977

¹² Xoorór amohhoo' a tidá' AAKOÓ MUNGÚ tawa Mungúín. Múk amohhoó' a kudá' inós aa aalirós wa tsawaár.

WARA'AMI 33:12 Iomraidhean Croise

2 SAMUELI 20:19

Aníng a heé wák oo wayda gu slaá' nee inkihhimu, baraá múk Israeliwo. Hamí kuúng an tsabiínda gixsarí, ar adór aayo baraá múk Israeliro kawa hhitiin. Asma waáy, hamí gixsarír AAKOÓ MUNGÚ mas qwaareesár wa slá'?»

WARA'AMI 135:4

Asma AAKOÓ MUNGUÚ Yakobo guna tsawaár tawa kós, múk Israeli guna tsawaár as nguwa mukós tleehhi.

WARA'AMI 144:15

Ku amohhoó' múk tsuuqaá adór kuká' gaa slay. Ku amohhoó' mukdá' oo AAKOÓ MUNGÚ tawa Munguúín.

WARA'AMI 28:9

AAKOÓ MUNGÚ, mukók ba/amiseek, kudá' kók sleémeero tsuuqeek. Kuúng ta de'eemusmooín, inooín gagariimeek ay kureerisleém.

WARA'AMI 65:4

Heé amohhoó' an kudá' kuúng taa tsawát, nee kuri dahi'ís iwa hooti didár hotaawók wa ale. Ar hhoeemaá do'oge atén aga yaandahhe'eesaán.

TI'INAANGW 34:9

Mose iri oó', «Aá AAKOÓ MUNGÚ, bar aníng kuúng iga gurií bá/, aníng kuúng u firiím, atén nee kuúng masók tin alkoomaán, tam mukwí a múk sagegawdene tlakweemaarén gurtlaweek nee dakumisuurene, atén ti aalirók wa ot.»

ISAYA 41:10

Ma da'ayumitaar, asma aníng nee kuúng a dinkwa, ma amoqwaqwadimaar, asma aníng a Munguúwók. Aníng kuúng u /uurií doóg, aníng kuúng u ale/iís. Aníng kuúng u óh ar dakw'eé' oo doó /iyáy kudá' arba/tír koóm.

YEREMIA 10:16

Ala Munguú Yakobo a adór slaqsi'iikaeeká, asma inós umuú gaaro gana tleéhh, nee múk Israeli guna tsawaár tawa xooroorós. Umuuwós an AAKOÓ MUNGÚ Aleesleemusmo.

Yohana 15:16

Aníng kuungá' iga tsawdi'iiká, ala a án kuungá' nuna tsawaár, nuri qaás as mamu kiwa laqwaalár eera', nee mamuuhúng iwa hootiya', as tidá' sleémeero ta firiinda' ar umuueé', Baabá ngiwa haniisi.

Efeso 1:4

Inós iimír yaamu ngiwa tleehhiiká, atén tina qaroó tsawaár ar baraá Kristo, as tawa múk taa hhoohhooeés oo xaslxaanslír koomaaká dír geeraawose asma sla'aarirós.

DABE 32:9

Inós múk Yakobo guna qaás tawa mukós. Múk Yakobo guna tsawaár tawa aalirós.

DABE 33:29

Kuungaá Israeli a múk amohhoó', múk adór kuungá' a gaalá? Múk taa ba/amís nee AAKOÓ MUNGÚ. Inós an gaambórhúng ar alee/isaay, nee paángarhúng ar baali. Wakuuserhúng ni dirhúng i hardát ar ilaiwa/ame, kuungá' kiri yaamuií naka/aruurá'.»

Tito 2:14

Inósuú kilá' slafiingós nguna haniís as daandeemoorén, as atén tiwa ba/amisi baraá tlakweema sleémeerowo, nee atén tiri múk hhohhó' tleehh, nee tawa mukós kudá' tlehhema'aá hhohho' ngi tlehhiitá' ar ilakaaharu.

1 Petro 2:9

Ala kuungá' a xoorór taa tsawaár, kaahamuusér waawuti'iimár Mungú, xoorór hhoohhoo', xooroodá' Mungú aa tós tleéhh, as kuungá' tlehhemi'iiwós kudá' xirfayen kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/aateemaawós kudá' waa/oo/amór koomá'.