WARA'AMI 32:5 - Biblía Axweesantá Hhohho' ar Mungú 2004

⁵ Án dakuúsar'eé' ngiri dirók i alki/iít, nee adór nira qwaár aga duqumiiká diroge. Niri oó', «Dakuúsar'eé' a gwadidiím dír AAKOÓ MUNGÚ.» Kuúng dakuúsar'eé' kari gurtleér.

Ya/abtór hho' 1977

⁵ Án dakuúsar'eé' ngiri dirók i alki/iít, nee adór nira qwaár aga duqumiiká diroge. Niri oó', “Dakuúsar'eé' a gwadidiím dír AAKOÓ MUNGÚ.” Kuúng dakuúsar'eé' kari gurtleér.

WARA'AMI 32:5 Iomraidhean Croise

2 SAMUELI 12:13

Naagáy Daudi Natani guri báy, «AAKOÓ MUNGÚ ugwa tlakweemií tleéhh.» Natani iri oó', «AAKOÓ MUNGÚ tlakweemaawók gaa gurtláy, kuúng a gwa'aká.

2 SAMUELI 12:9

Aníng a AAKOÓ MUNGÚ, asma milá axweesante'eé' masa waaqá', tlakweemaá adór kuká' kari dír ilaaeé' wa tléhh? Uria heé xoorór Hiti kuri gás ar paánga, harerós kari tók tléhh, inós kuri hanís baraá dabaá múk Amoni as kuwa gaasi.

2 SAMUELI 24:10

Alaá Daudi muu faaroro nguwa hhe'eés iri slahhaá' baraá muunaáwose. Gawaá adoorihe, Daudi iri oó' dír AAKOÓ MUNGÚ, «Ar tlehhmuuwí naa tleehhi, tlakwemaá ur iga tleéhh. Ala hamí AAKOÓ MUNGÚ, án kuúng u harhheehhe'eés, aníng gurtlawáng, anuú sagadiyusmoowók daktu'uuma aga tleéhh.»

2 SAMUELI 24:17

Daudi malaykamoodá' múk tsuú/ nguwa ár, AAKOÓ MUNGÚ guri báy, «Qaytsiít aníng an tlakusmo! Anuú kilá' ana dakuús! Aníng aga dakuús! Mukwí tsaén aa gaa dakusiiká. Án kuúng u harhheehhe'eés kángw kilae, aníng na muxáng, nee múk guruú doó baabuúeene.»

1 WAAWITÁ 8:50

Mukók gurtlaweek tlakweemaá naa tleehhi'i, nee dee/anuuine, gurtlaweek geeraá wakuuser'ine, kahhó' inooín sleeme ngi gurtlayá'.

2 QOM'I 6:29

kuúng na'amaamís, firor'ín iiárií qaaseek. Umuú gár naa firni'i, laqaá umuú heé na qo firini, laqaá mukók oo Israeli sleémeero, slahh'amuuín barngwa tsaahhiyé' nee gurhaamir'ine, umuú heewo bira firín dabaawós gaa gáwtí tleés giri amór do'ók xu'ús,

ESRA 10:11

Hám daxta, tlakweemaahúng hhu'uu'umaak dír AAKOÓ MUNGÚ, Munguú baabi'iihúng, nee sla'aarirós na tleehhaak, ti partle' dír múk yaamuukae, slám /ameenaadár xoordaá hatlá' guusaak.»

YOBU 31:33

Aníng tlakweemaaeé' igaqo luú/i as heeuuma, nee dakuúsar'eé' aga qo baraá muunaáeéní máwi?

YOBU 33:27

Heewí iri dír geeraá múk wa daa', iri ooi, ‹Aníng tlakweema ina tleéhh gan'amu nguri sií'. Ala aníng tlehhmuuwihe taa doohhisiiká.

WARA'AMI 103:12

Adór da/aáw nee /uwa kir harasawén, an adoodá' tlakweemaarén ngira kwaáhh giri saweés direne.

WARA'AMI 103:3

Tlakweemaeé' sleémeero ga gurtláy, tiqtir'eé' sleémeero gari hungu/uús.

WARA'AMI 25:16

Án i warqawáng nee gurtlawáng, asma aníng a baraá deewa'ame nee baraá slahh'amaaye.

WARA'AMI 25:18

Slahh'amaayer'eé' nee baraamaanir'eé' i qaytsiteek, tlakweemaeé' sleémeero gurtlaweek.

WARA'AMI 30:5

Asma buhhtaawós awa qoomár niina, ala gurhhooarós ar slafiingw sleémeero. Tam xweeraawo /aa/e i daya'a, ala matlaatleero qwala/ iqo deer.

WARA'AMI 38:18

Ala tlehhmi'iieé' awa tlakw in hhu'u'uúm, gurhaami ina ót as tlakweemaaeé'.

WARA'AMI 38:19

Wakuuser'eé' ka slaqo hho' nee i /uuruú koón. Inooínaadá' aníng i tawo ahhiitá' ki yaariir.

WARA'AMI 51:6

Qaytsiít, kuúng tu sla'atimis nee looeemaá baraá muuná, kuúng aníng intsaahhatisáng sagalooaroge.

WARA'AMI 86:15

Ala Aáko, kuúng an Munguú gurtleemu nee oo qeemu, tu inslaahheeká buhhtaawo, a háts sla'aarír warqawaakahe nee inkihhimuwo.

WARA'AMI 86:5

Kuúng tu hhoó', Aáko, tu amohhoó' gurtleemuwo, nee sla'aarirók i warqeeraaká, dír kudá' sleémeero kuúng u ateetima'a.

AXWEESANOÓ SAGALOOA 28:13

Heé tlakweemaá lu/u/uúm amohhooa ga baloó slayká. Ala kudá' tlakweemaawós gaa gwadiidin giri máy tlehhtuuwo ku gurtláy.

AXWEESANOÓ SAGALOOA 30:20

Hotaá /ameenír fuquso'o a adoorí, in /ayiín, afkós guri fíts naagáy iri o', «Gár naa tlakweés i káhh.»

ISAYA 65:24

Dír aníng ira firini'iiká in geerií mu/aywaáts, tam qoomár barta baraá axweesántií dirii' aníng in iiárií qaás.

YEREMIA 2:23

Xáy, adór hám tar o', «Aníng ti slasla/areeká, munguaá Ba'ali iga eehariiká.» Qaytsiít, tlakweemadá' taa tléhh baraá xatstaqá' wa aleeró, ga/aaweek adoodá' taa amorqá' wa tléhh. Kuúng a adór damár ar angamía buka ar /akuutár slaa', tidá' ti'iim amooqá' nee tiqae,

YEREMIA 2:35

Kuúng a kat, Aníng gár tlaakw naa tleéhh i káhh, looeemawo buhhtaawós i kumiitiaaká amor'eene. Ala aníng kuúng u sakwasleemuút asma a kat, Tlakweema iga tleehhiiká.

YEREMIA 3:13

Kuungá' tlakweésarhúng kilós na hhu'uu'umaak, tidá' anuú AAKOÓ MUNGÚ, Munguúhúng, iwa ahhé', nee munguaá hatlá' kiwa slaé' sluufmisuuwo dír umuúqo gamuú xa'anoó loo/o naa/e, nee afor'eé' kari iialooesi'iiká. Anuú AAKOÓ MUNGÚ tí ngina oó'.

YEREMIA 31:20

Israeli an garmaaeé' kuduú sla'aarusmoówóke? Inós an na/ay'eé' kudá' ni ló'wa slá'aáke? Umuú daqto bur iigahhaatár wa slaá', aqo gurtleemu un insláw, guruueé' in tlatláy as inós, nee looeemaawo nguri gurtláw. Anuú AAKOÓ MUNGÚ tí ngina oó'.

HOSEA 6:1

Qwalaasé', a amór AAKOÓ MUNGÚ i ki/aán, inós atén tina karslamiís nee inós atén tin hungu/uus, inós tina tlaqamiís, nee inós inkahhi'iirén ngin tseek.

TLAHHOÓ LAÁWI 5:5

«Barnaxes hee baraá tlakweemakae, dakuúsarós gaa tsaáhh, daqaní ngi ooi.

MALAKI 3:8

Xáy, Mungú ku al/áyi nee hee? Ala kuungá' aníng i al/agiindá', slám kuungá' a kata', ‹Adór ura al/ayaán a adoomá?› Kuungá' ilahhooár gár wák baraá umuúqo muruú mibaango aga meeré', nee ilahhooár hatlae sleeme.

Luka 16:15

Yesu giri báy, «Kuungá' ti geehhooatimisá' dír geeraá muko, tawa kudá' hota ganaa'á'. Ala Mungú munerhúng ga xuu'. Muruudá' muu i gaárí xui, ala dír geeraá Munguhe an kudá' buhhtamís.

Luka 7:47

Gawaá adoorihe án a kah, sla'aarirós tidá' ur gan laqaqaán as tlakweemaawós awa yaariir kiwa gurtláy. Ala heé taa tlakweemaá niiná wa gurtláy, sla'aarirós ka niina.»

Efeso 4:32

Kuungá' masók a múk hhó' nee oo gurtleemuú koóm. Ti kiloohúng gurtlatleere' adoodá' Mungú kuungá' nura gurtláy baraá Kristowo.

YOSHUA 7:19

Yoshua Akani guri báy, «Garmaaeé', na'ás, AAKOÓ MUNGÚ, Munguú Israeli, xirfayeeseek, lama ma tsataar. Daxta gadaádá' taa tléhh na ooang dir'eéní ale. Nee ma gaa lu/aar tam ar wák dir'eene.»