WARA'AMI 32:3 - Biblía Axweesantá Hhohho' ar Mungú 2004

³ Qoomár kangw'eé' nguwa alxasliít, faduueé' nay slahhaaiyé', niri /aa/amaamiím ar /ifo qooma sleémeero.

Ya/abtór hho' 1977

³ Qoomár kangw'eé' nguwa alxasliít, faduueé' nay slahhaaiyé', niri /aa/amaamiím ar /ifo qooma sleémeero.

WARA'AMI 32:3 Iomraidhean Croise

2 SAMUELI 11:27

Qoomár /aa/aá Bat-sheba niwa faakiyé', Daudi iri ya/abín, Bat-sheba kawa huwi amór do'ós. Bat-sheba tari harér Daudi. Inós dír Daudiwo na/oó garma guri xwayluúr. Ala kaangwí Daudi aa tleéhh, AAKOÓ MUNGÚ guri buhhtís.

YOBU 3:24

Kitángw niwa /ayiim, aníng an gurhaamuút, nee /ifór slahh'amu aga baloó mawiiká.

YOBU 30:17

Xweeraawo faduueé' in gon'eeliná', nee slahh'amuú i xuusiím i babayká.

YOBU 30:30

Kaahartaeé' ina boo/eér sleeme in tawo tu/umít nee faduueé' na tsi/imiitiyé' as duuraai.

WARA'AMI 22:1

Munguúeé', Munguúeé', án misa meér? Kuúng mustu saáw, mis alee/iská uwa i /aa/amiim baraá slahh'amueene.

WARA'AMI 38:3

Slaqwtaeé' sleémeero aa slahhá' asma buhhtaawók. Fadueé' naa slahhaiyé' asma kuúng ugwa sadakuús.

WARA'AMI 38:8

Ana naasuút niri nor'omiít, ana /ifaafiím as slahh'amaaye.

WARA'AMI 51:8

Qwala/ nee bar/uuwo hatsiisáng. Tam iga fadu giqeeri ar muxta, aníng kuúng u sa baraá/.

WARA'AMI 6:2

AAKOÓ MUNGÚ, án gurhhooárí tleehháng, asma án a liitlakusmo. AAKO MUNGÚ, án hungu/uusáng, aníng aga slahhaá'.

AXWEESANOÓ SAGALOOA 17:22

Muunuú qwalalaá/ a maasoó lawiím, Ala slaqwa in naasút bar muuná i gurhaamuut.

AXWEESANOÓ SAGALOOA 28:13

Heé tlakweemaá lu/u/uúm amohhooa ga baloó slayká. Ala kudá' tlakweemaawós gaa gwadiidin giri máy tlehhtuuwo ku gurtláy.

ISAYA 51:20

Daaqaywók aa /araarán, naa baraá afaá luhdií huhuaainé' adór saaragtá taa óh nee tsaaxweeli. Buhhtaá AAKOÓ MUNGÚ ngaa slayé', gahhaatár Munguúhúng.

ISAYA 57:17

Ina i buúhh asma tlakweemaaín nee as ilatleerir'ín ngiri muúx, niri nahhaát, as niwa buúhh. Ala nina ak kumiitiyé' loohir'ín tidá' i slaiya' eeharahaduwo,

ISAYA 59:11

A /orotlaán adór makiito'oodá' ta bay duúbu an ininiaán umuú daqto adór hhooki. Atén sakwasleemár ganaa' an harahhifaán ala i káhh, Ba/ama ana haraxuaán ala direne ka ló'wa saaw.

WA/AA/I 1:3

Múk Yuda kwaa loohatís as slahh'eemis nee lawali'iimár xaraasl, inooín tan baraá tla/ángw xoorduú wa hoot, ala amohhooár ta slaslay i káhh. Inooín kaa ohín nee mukdá' gi eeharahár qoomár iwa baraá slahh'amuín i dirii'iya'.

WA/AA/I 3:4

Inós slaqwtaeé' nee kaahartaeene gina hifaafúy, nee fadueé' giri giqáy.

WA/AA/I 3:8

Tam aga /aa/amiimi as alee/isaay nguwa fiririim, ala inós firor'eé' axaasaro gana sií'.

HOSEA 7:14

Aníng i firirina'aaká ar muunuú ló', qoomár niwa gawaá qateenoín wa /a/amina'. Gár naa i burumburitiyé' a balaangw nee difaái, aníng iga aahhiyé'.

1 SAMUELI 31:13

Aluuwo faduuín kingina ar tláy, ay dír gamuú xa'anoó /aantsí dír yaamaá Yabeshi, kiri didií foól. Inooínaaká tari gwaawín deelo faanqw.