WARA'AMI 32:1 - Biblía Axweesantá Hhohho' ar Mungú 2004

¹ Heé amohhoó' a kudá' tlakweemaawós taa gurtláy, nee dakuúsarós taa tuuntuúk.

Ya/abtór hho' 1977

¹ Heé amohhoó' a kudá' tlakweemaawós taa gurtláy, nee dakuúsarós taa tuntuúk.

WARA'AMI 32:1 Iomraidhean Croise

2 SAMUELI 12:13

Naagáy Daudi Natani guri báy, «AAKOÓ MUNGÚ ugwa tlakweemií tleéhh.» Natani iri oó', «AAKOÓ MUNGÚ tlakweemaawók gaa gurtláy, kuúng a gwa'aká.

NEHEMIA 4:5

Tlakweemaín mi baloó lu/aar tam tlakweemaaín mi fiitsaar, asma kuúng ugwa buhhtisiyé' dír geeraá múk doó tleéhh wa alé.»

WARA'AMI 103:3

Tlakweemaeé' sleémeero ga gurtláy, tiqtir'eé' sleémeero gari hungu/uús.

WARA'AMI 106:3

Múk amohhoó' a kudá' sakwasleemár ganaa' ngi boo/eemiisá', kudá' umuú daqto muruú qoóm gu tlehhiít.

WARA'AMI 128:1

Heé amohhoó' a kudá' AAKOÓ MUNGÚ gu haratlintatií', kudaádá' lohdaá AAKOÓ MUNGÚ gi eeharahár.

WARA'AMI 40:4

Heé amohhoó' a kudá' AAKOÓ MUNGÚ gu harahhiíf, kudá' nee daara/uuse al'eemaeema'aaká, laqaá kudá' warqawaaká amór munguaá hatlá' ngiwa sluufmiisi.

WARA'AMI 42:1

Adoodá' saaragi ma'aá yaae ngir ilatleerus, an adór án sleeme kuúng ur ilatleeruus, Munguúeé'.

WARA'AMI 45:1

Muunaáeé' aa haáts /ayma'aá hhoe. Waawutmo u daa'angw'eé' i daá'. Tsifrangw'eé' a adór kalaámuú goousmoó dawa inslaáhh.

WARA'AMI 52:1

Ee kawa xu', kuúng a adór migusmoówoóke, ala misti xirfayeemís as tlakweemaawók? Sla'aarír Mungú ar warqawaaká i daadeer deelo sleémeero.

WARA'AMI 53:1

Daktana in baraá muner'ín i kat, «Mungú i kaahh.» Inooín sleémeero taa hhitirumiít, sleémeero a iringuuse. Heé hhoeemaá tlehhiít i kaahh.

WARA'AMI 55:1

Mungú, na'ás, firor'eé' iiárií qaaseek. Ma nahhataar bur gurtleemuú i fiririím.

WARA'AMI 84:12

AAKOÓ MUNGÚ Aleesleemusámo, heé kuúng u harahhiíf ku amohhoó'.

WARA'AMI 85:2

Tlakweemaá mukók iga gurtleér, tlakweemaaín sleémeero iga hingés.

WARA'AMI 89:15

AAKOÓ MUNGÚ, múk amohhoó' a kudá' kuúng u sluufmiisá' ar daa'ángw bara/, kudaádá' hootá' baraá loohír gwa/aateemaawók wa ale.

ISAYA 1:18

AAKO i kaahi, «Qwalaasé' hamí aníng nee kuungá' a axweesaán, tlakweemaahúng tim da/atatuyá' adór inqwaarír daa/aát wá ale, nin /awkukuyá' adór tlaa/aá tluwaay, tim da/atatuyá' adór tseere, nin /awkukuyá' adór se'éngw bee/ángw /awák.

ISAYA 43:25

Anínguú kilá' an kudá' tlakweemaahúng gi hamtliít as aníng kilooeé'. Aníng tlakweemaahúng i baloó inslawaaká.

ISAYA 44:22

Aníng dakumisuuhúng kuduú adór huunkáy ugwa fiíts, nee tlakweemaahúng kudaá adór tlaanguhe. Amor'eé' ki/aare', asma aníng kuungá' naa ba/amís

Matayo 16:17

Yesu iri oó', «Símon, garmoó Yona, kuúng a heé amohhoó', asma kaangwí heé ngwa dirók i xu'utis i kaahh, ala aqo Baabuúeé' kuduú gawaá doorí dirií'.

Luka 11:28

Ala Yesu gari báy, «Geera tsiní bar kat, ‹Múk amohhoó' an kudá' axweesantá Mungú ga axamiís nee ga iialooeemiís.› »

Geehhoeemaá 22:14

Múk amohhoó' an kudá' inqwaruuín gu hhuuntsiít, as kahhó' inooín tawa harín mamaá xa'anooduú slafiingw kiwa /ayi, nee tawa baraá gixsadií dahi ar afeerós.