WARA'AMI 31:2 - Biblía Axweesantá Hhohho' ar Mungú 2004

² Án iiárií qaasáng, ba/amisáng ar gaanslaay. Kuúng masók an adór tlaa/ár aníng i baaq, nee koo/ír gawit ar aníng i ba/amis.

Ya/abtór hho' 1977

² Án iiárií qaasáng, ba/amisáng ar gaanslaay. Kuúng masók an adór tlaa/ár aníng i baaq, nee koo/ír gawit ar aníng i ba/amis.

WARA'AMI 31:2 Iomraidhean Croise

2 SAMUELI 22:3

A Munguúeé' nee tlaa/ar'eé', nee an dír guway'eé' ar amoohhoo', a baqmór'eé', a /uuruú ba/amar'eé', a koo/ir'eé' ar gawit nee dír guway'eé', a ba/amusmooeé' in ba/amimis dír múk gurtleemu wasle.

YOBU 7:21

Ahaá baré dakuúsar'eé' a gurtlatleeraaká, nee tlakweemaaeé' mis hingeemamiská. Hamír kilae aníng ti qaatiis baraá /aanta, kuúng aníng iri leeléhh iri aandaaká.»

WARA'AMI 102:2

Bar baraá slahh'ámkwí dirií' mi sanahhaataar. Iiárií qaasáng bur fiririím mu/aywatsáng ar gaanslaay.

WARA'AMI 130:2

Aáko, afor'eé' iiárií qaaseek, Iiaawoge firor'eé' tí niwa slahhahhaa' axaaseek.

WARA'AMI 143:7

Áx AAKOÓ MUNGÚ, gaansluutáng, án mu/aywatsáng, aga mune sií'. Aníng mi alaá xu'usar, mawa /eét adór kudá' /e/etimá' baraá gi'ií ale.

WARA'AMI 25:2

Aá Munguúeé', án kuúng una harahhiíf, mitiwa mureekeés. Wakuuser'eé' miwa arbá/.

WARA'AMI 40:17

Aníng a liitlakusmo nee a heé gaa wásl, ala AAKOÓ MUNGÚ in sa daawimiit. Kuúng a alee/isusmooeé' nee gweerusmooeé'. Munguúeé', kuúng mindi tligaar!

WARA'AMI 62:7

Ba/ama nee xirfueé' amór i dahhiya' a amór Munguúeé'. Mungú an adór tlaa/ár aníng i baaq, nee un ii goów.

WARA'AMI 69:17

Án mi alaá xu'usaar, anuú sagadiyusmoowók, asma aníng a baraá slahh'amuú úr, adaá mu/aywatsáng ar gaanslaay.

WARA'AMI 7:2

Mindiwa hardihiyé' adór dirángw wa ale, aníng iri feehhamisiyá', mitiwa uuruúx amór saáw i alé, dír heé i ba/amís iwa kahhi.

WARA'AMI 79:1

Aá Mungú, múk kuúng u xuaaká yaamuuwók gaa i haratláy. Do'ók oo hhoohhoó' ngwa tligár ayé', nee gixsár Yerusalemu ngiri sluhhuyé'.

WARA'AMI 86:1

AAKOÓ MUNGÚ, án iiárií qaasáng, nee mu/aywatsáng, asma aníng a narkutmo nee ti dawa kaahaár.

WARA'AMI 90:1

AAKOÓ MUNGÚ, kuúng an dír hotaarén awa qari sleémeero.

WARA'AMI 91:9

Asma an kat, «AÁKO, kuúng a dír guway'eé'». Munguúdá' gáwtí dirií' ugwa hotaangók tléhh.

WARA'AMI 94:22

Ala AAKOÓ MUNGÚ a koo/ir'eé' ar gawit, Munguúeé', tlaa/ar'eé' ar ni i gogoow.

AXWEESANOÓ SAGALOOA 22:17

Iia qaaseek as axweesanoó sagalooa kuwa axas, nee inslawaywók diirí ki/isang as axweesanoó xu'uti kuwa sleer.

ISAYA 33:16

Heé adoorí hotaawós i gawaá gawa, dirós tidá' amohhoo' kaa harweér ar koo/ír gawit ar tla/u, muruú /aymaarós kun hanmiis umuú daqto, nee ma'aá wahaangw gi baloó dakuusiiká.

Luka 18:8

Án a kah, hariímar'ín ga haniis ar gaanslaay. Tam adoorihe qoomár Garmoó Hee binda kií/, haratlintaao ga ári baraakaá yaamuwo?»

Yohana 6:56

Heé slaqwte'eé' ga /aáy, nee heé tseerer'eé' ga wáh, inós i baraaeé' wa hoot, nee aníng a baraawós wa hoót.

DABE 32:31

Looeemaawo tlaa/ar'ín an adór tlaa/areneeká, tam wakuuseerén adoorí gana kilooín ó'.

1 Yohana 4:12

Heé Mungú gwa baloó ar i kaahh. Atén birti sla'asla'aán, Mungú i baraarén wa hoot, sla'aarirós iri ganá' baraarene.