WARA'AMI 31:18 - Biblía Axweesantá Hhohho' ar Mungú 2004

¹⁸ Lamuuse afe xasltiseek. Asma inooín múk ganaá' ngun /ayma'aá sagegawdeemaá babayá' ar daara/aangw nee ar waaqaqa'.

Ya/abtór hho' 1977

¹⁸ Lamuuse afe xasltiseek. Asma inooín múk ganaá' ngun /ayma'aá sagegawdeemaá babayá' ar daara/aangw nee ar waaqaqa'.

WARA'AMI 31:18 Iomraidhean Croise

2 QOM'I 32:16

Geeraharuusér waawutmoó Ashuru /ayma'aá hatlá' tlakw kiri aaín daanduú AAKOÓ MUNGUHE, nee daanduú waawutmo Hesekiawo.

WARA'AMI 12:3

AAKOÓ MUNGÚ waaqoduuse ngi xasltisi, nee afér daar/uuse ngi tseegi,

WARA'AMI 120:2

«AAKOÓ MUNGÚ, án ba/amisáng dír múk al/aymuuse nee lamuuseero.»

WARA'AMI 25:3

Ar ló', kudá' kuúng u harahhifá' tumu wák mukuwa mureekeés, ala kudá' al/aymár tlehhiitá' tawó alé i muruutiye'.

WARA'AMI 59:12

Inooín masók ki ohín baraá daara/angw'ine. Asma afer'ine muruú tlákw ngun axweemamisiyá', slamí i lu'umisiyá' nee i lameemaá tlaaqiyá'.

WARA'AMI 63:11

Ala waawutmo Mungú gun sa qwalalaa/, kudá' sleémeero al'axweesani nga qaasiye, ar umuuwós ta qwalalaa/, ala afér lamuuse kan xasltis.

WARA'AMI 94:4

Inooín tan axwees ar daara/aangw, tlakuuse sleémeero tin kilooín xirfayeemisiyá'.

AXWEESANOÓ SAGALOOA 12:19

Axweesantá ló' i baloó qwatká. Ala axweesanoó lama oo qoomár niina.

ISAYA 54:17

Xooslár slaqwara tidá' taa tleéhh as tawa slaqwi nee kuungá', kuungá' adór nu /is i káhh. Heé bura sakwasleemuút doó kwasleemaro, kuungá' an baaliindá'. Gaarí an gadaádá' sagadiyuuser'eé' i sleer, an hariímár naa dír'ín i haniís Anuú AAKOÓ MUNGÚ tí ngina oó'.»

Matayo 10:25

Ala i ya/aán eeharusmo tawa adór intsaahhatusmoowós, tam lawaalmo tawa adór aakoowós sleeme. Bar heé do' loó' kuna ateetín ar Be'elsebuli, xáy dír ta harqaasi dír mukdá' do'ós hoota.»

Matayo 12:24

Ala múk Farisayo adoodá' ngiwa axaás tari oó', «Kwí bir neetlaamér duxun, gár ngir duxun a /uuruú Neetlángw úr kudá' ta bay Be'elsebuli.»

Yohana 8:44

Kuungá' amór ta dahha' a amór baabuúhúng, Neetlaangw, nee ilatleerír baabuúhúng an tidá' ta sla'a' tlehhmuuwo. Inós a tsu/utusmo iimír iimu/uungo, tam aa sihhiitiiká baraá looeemá i alé, asma looeema baraawose i kahhiyá'. Bir lamtá axwees, a tós kilós gan axwees, asma inós a lamusmo nee a baabuú lama.

Yohana 8:48

Múk Yahudi iri oó', «Ahaá, atén ar ló' aga ooániíke, tawa ooaán kuúng a heé Samaria, nee gídaabá a neetlaamér koón.»

Tlehhema'aá ya/Abuuse 25:7

Paulo iwa hardáh, múk Yahudi oo naa Yerusalemúr wa /eet, nguna harweeriyé', nguri /ayseenaá yaariír i tlaaqiyé'. Ala looeemaawós laqaamaro kaa aleeslayká.

Yuda 1:15

Inós nina hardáh as sakwasleema ngiwa tleehhi daanduú muu sleémeero. Mukdá' sleémeero oo Mungú gwa ilaiwawa/iiká guri sakwasleemuut, as daanduú tlehhemi'ii'ín kudá' sleémeero awa qwanaay taa tlehhiít, kudá' Mungú kuwa ilaiwawa/iiká. Kiri malé sakwasleemuut as daanduú axweesanaydá' xaraásl sleémeero oo tlakuuseedá' Munguú ilaiwawa/aaká aa kát daanduuwós i alé.»

Geehhoeemaá 21:8

Ala mukduú da'ayuuse, nee kudá' naa haratlinti'ii'iiká, nee kudá' buhhtimisá', nee mukdá' múk tsuú/, nee múk fuquuse, nee da/aluuse, nee múk munguaá hatlá' haratlintaatií', nee lamuuse sleémeero, dir'ín a baraá tlawtadá' asltá kiberiíti iwa ohahiin. Gaarí an gwa'arár tsár.»

Geehhoeemaá 22:15

Amór tsee/aá gixsaro seeaawe i deer, nee da/aluuse, nee fuquuse, nee tsu/utuuse nee kuduú munguaá hatlá' haratlintaatií', nee mukdá' sleémeero axweesanoó lama gwa intsaahh axweesanto.

1 SAMUELI 2:3

Axweesanoó daara/aango ma kumiitaara', axweesanoó taqnaa/i mawaak. Asma AAKOÓ MUNGÚ a Munguú mura' gu xuú', asma inós tlehhma'aá muu gin aldakuut.