WARA'AMI 31:14 - Biblía Axweesantá Hhohho' ar Mungú 2004

¹⁴ Ala aníng kuúng un harahhiíf, AAKOÓ MUNGÚ, «Kuúng a Munguúeé'.»

Ya/abtór hho' 1977

¹⁴ Ala aníng kuúng un harahhiíf, AAKOÓ MUNGÚ, “Kuúng a Mungúeé'.”

WARA'AMI 31:14 Iomraidhean Croise

IIMU/UUNGW 37:18

Hhaeewós nguri amorqá' saáwí ariyé'. Inós qoomár iwa hardihiiká amor'ín i alé, tana kilooín axweés as kuwa gaasi.

WARA'AMI 140:6

AAKOÓ MUNGÚ una báw, «Kuúng an Munguúeé'.» Kuúng AAKOÓ MUNGÚ, afór firor'eé' iiárií qaaseek.

WARA'AMI 18:2

AAKOÓ MUNGÚ an baqmor'eé', nee ba/amusmooeé', an Munguúeé' oo ni i gogoow. Inós aníng in baaq adór gaambór wa ale, in aleekalaa/ iri ba/amis, aníng ti saxmaár dirose.

WARA'AMI 43:5

Aníng gár nis gurhaamuut a milá? Nee mahar amoqwaqwadiím baraeene? Mungú un harahhiíf, asma aníng u malé xirfayeés, kuduú alee/isusmooeé' nee Munguúeé'.

WARA'AMI 63:1

AAKOÓ MUNGÚ, kuúng an Munguúeé', án kuúng u leelehhiít, án kuúng ugwa wa slahhaá' adór heé aa waxiit. Aníng kuúng ugwa wa slahhaá', adór yaamaá xaanxaay awa naa hhaahheeruutiyé'.

WARA'AMI 71:12

Mungú, kuúng masók tu saweeká dír aninge, Munguúeé', gaansluutáng án alee/iisáng.

WARA'AMI 71:22

Aníng kuúng un xirfayeemiís, ar seése as inkihhimuuwók, kuúng Munguúeé', án kuúng un i daá' ar gidaandoori, kuúnguudá' hhoohhoó' oo Israeli.

YEREMIA 20:10

A axamiís muu iwa saasahhan daanduueene, aníng taa umií tsaát i babaya', «Dae tlaqa umuú bihhiwo.» Bahh'alé ta kaahi, «Tlawsé', sakwasleemutaak! Qwalaas, u sakwasleemutaán!» Mulqer'eé' sleémeero i daamaraán iwa kat, «Doóqa i tapiis, atén daqaní li/aay un buaán.»

Matayo 26:39

Iri geerií kumiít gár niinawe, giti gari yaamúr óh, iri firín iri oó', «Baabuúeé', barnaxes i ya/aán, qoomaarír slahh'amu aníng i wa pa/. Ala ma tleehhaar ar adoodá' án ngir slaa', na tleehheek ar adoodá' kuúng ta sla'.»

Matayo 26:42

Yesu iri malé kií/ sagaáwa tsare, iri firín iri oó', «Baabuúeé', barnaxes slahh'amuuwí hingeesaro i ya/anaká, barqo ay dír ngway slaw, sla'aarirók i bo/.»

Matayo 27:46

Looár gwaleele Yesu iri tseé' ar afór ur, iri oó', «Eloi, Eloi, laama sabaktani.» Gídaabárós a «Munguúeé', Munguúeé', án misa geexeér.»

Yohana 20:17

Yesu Maria gari báy, «Aníng mi kwatiitaar asma aga ki/iiká amór Baabá. Ala kiíng tláw amór hhaee'eé', ki beer, ‹Aníng a tsa/ám amór Baabuúeé', nee inós a Baabuúhúng sleeme, amór Munguúeé', nee inós a Munguúhúng sleeme.› »