WARA'AMI 30:11 - Biblía Axweesantá Hhohho' ar Mungú 2004

¹¹ Kuúng niwa hardát tsuunqumisueé' una warqés tari bara/. Inqwaruú tsuunqumis una dúx iri qwal/atís.

Ya/abtór hho' 1977

¹¹ Kuúng niwa hardát tsunqumisueé' una warqés tari bara/. Inqwaruú tsuunqumis una dúx iri qwal/atís.

WARA'AMI 30:11 Iomraidhean Croise

IIMU/UUNGW 37:35

Na/iiwós awa daaqaay nee awa dasu baabuúín nguri i daqayé' kuwa gurkwa/amisi. Ala Yakobo gurkwa/asa gari sií' iri oó', «Án garmaaeé' u baloó gunqareesaaká tam ay baraá gi'i.» Gawaá adoorihe Yakobo garmaawós guri al/aa/amaamín.

IIMU/UUNGW 45:28

Yakobo iri oó', «Aa bu'út, Yosefu garmaaeé' i slaaf, u artá áw dír nira gwaaiiká.»

2 SAMUELI 6:14

Daudi iri faakamiís ni/imaro dír geeraá AAKOÓ MUNGÚ wa ale, tlawuduú kaahamusmoó Mungú oo taa tleéhh ar neewór kitaáni gwa afeetlií siinoót.

2 QOM'I 20:12

Aá Munguúrén, sakwasleema a tók, asma atén /uuru u koomanaaká oo nee xooroorí ur naa amoorén i haratleer tawa slaqwaan. Atén adór ta laqaan a xuanaaká, aqo har kuúng un harahhifaán.»

2 QOM'I 20:3

Yehoshafati iri ló' wa da'ayuút, AAKOÓ MUNGÚ guna ló'wa firín nguwa gan'aasi. Afo gari ilahariís dír muu sleémeero oo yaamaá Yuda as tawa gwaawin.

2 QOM'I 20:9

barnaxes amotlakwe taa sleér laqaá slaqwara, laqaá sakwasleema, laqaá tiqtír pu/i, laqaá giyeé, atén an dír geeraá do'owí sihhitaán nee dír geeraawók, asma umuuwók i baraá do'owí, nee qoomár slahh'amuurene nin amoorók i /aa/aán, kuúng atén ti iiárií qas nee ti ba/amis.

NEHEMIA 8:10

Naagáy inooín giri báy, «Tlawsé', muruú wahhaár /ayaak, nee muruú nuqnuúq wahaak, slám kudá' taa gár i amohhe'esiiká tós huwaak, asma baalaarír laarí ka hhoohhoo' ar Aakoorén, ma gurhamutaara', asma qwal/uú AAKOÓ MUNGÚ ni haniisi a /uuruuhúng.»

ESTA 9:22

Asma deeloorí an deelór múk Yahudi amohhooa ngiwa slayé' dír wakuuser'ine, nee an slahhángw gurhaami kawa warqeés tawa qwala/, nee an deelór tsuunqumis kuwa warqeés tawa deelór ur. Múk Yahudi kuna ádbáy deeloorí ngiwa oohiya', ngiwa deelór ur tleehhiya' nee ar qwala/, nee qeemuú dimbadimbé kuwa hanmiisi dír muu nee dír narkuute.

WARA'AMI 149:3

Umuuwós ngu xirfayeesiye' ar ni/ima, nee kuwa i daai ar mitingiri nee gidaandoori.

WARA'AMI 150:4

Xirfayeemisaak ar oowi nee ni/ima. Xirfayeemisaak ar seése nee filiímbi.

WARA'AMI 27:7

AAKOÓ MUNGÚ, afór /aa/ee'eé', iiárií qaaseek, i qaytáng ar gurtleemu nee mu/aywatsáng.

WARA'AMI 30:5

Asma buhhtaawós awa qoomár niina, ala gurhhooarós ar slafiingw sleémeero. Tam xweeraawo /aa/e i daya'a, ala matlaatleero qwala/ iqo deer.

WARA'AMI 4:7

Kuúng muunaáeé' ugwa ló'wa qwal/atís ta ak kudá' taa bu'úngw yaariír i haniisi, nee difaáír yaariire.

DAHARUSMO 3:4

Qoomár /aa/e nee qoomár qaseengw. Qoomár tsuunqumis nee qoomár neeto.

ISAYA 25:3

Gawaá adoorihe, múk /uuremaá koóm kuúng u xirfayeemiis, nee gixsadaá xoordaá tlakw kuúng uri da'ayumitiyá'.

ISAYA 25:8

Aakoó MUNGÚ gwa'ara gan hingees ay kureeraá kureér. Inós hhirhheeri gin fiits gawaá ilaá muu sleémeerowo, nee mureekeesoó mukós gun hingees baraá yaamu sleémeerowo. Asma AAKOÓ MUNGÚ adoorí gaa oó'.

ISAYA 61:10

Aníng an ló'wa qwalalaá/ baraá AAKOÓ MUNGÚ wá ale. Muunaáeé' i baraa/ as Munguúeé', asma inós aníng iga uuntsuús ar tlabaá ba/ama, iga hotaá ganaa'ár tsiitiís adór hiyaay. Adoodá' garmoó duxuxuúm tir parootumamisi ar slamángw /ayo, nee adór dasír ta duxuuti tir parootumaamis, ar kwaslaá tlaxo gawden.

ISAYA 61:3

Kudá' tsuunqumiisá' baraá Siyoniro. Slamángw /ayo nguwa slaya' kitángw da/araro. Di/tá qwala/ ngiwa haniis kitángw tawa tsuunqumiisi. Tlabaá xirif ngiwa haniis kitángw muneesi'imaawo. Daqaní inooín kin bay «Ti'itaawér hota ganaa'. Dahaasíngw AAKOÓ MUNGÚ, as kahhó' inós kuwa xirfayeesi.»

YEREMIA 31:4

Aníng kuúng un male tleéhh, nee kuúng adoodá' aáng tay diri' kay i kí/, aá Israeli, kuúnguudá' hhoohhoó'. Kuúng xoosladár ni/ima kari male taatáhh as tawa ni/iin ar qwal/uú úr oo bara/.

YEREMIA 52:33

Naagáy Yehoyakini tlabaá tseegamo giri duúx, iri /ayín umuú deelooro dinkwa nee waawutmoowo.

Luka 15:22

Ala baabá lawaaleerós gari báy, ‹Inqwaarír hhoo' huwaare' ar gaanslaay, tsiitisaak, dakós mungáy qaasaak, ya'a' ya/atáy dahaasaak.

Yohana 16:20

Án a kah, kuungá' a /a/á', nee tay tsuunqumisá', ala múk aa haratlintii'iiká iri qwalaa/. Kuungá' tay gurhaamutá', ala gurhaamirhúng i warqeér tawa qwala/.

Geehhoeemaá 21:4

Inós hhirhheeri sleémeero gi fiits gawaá ilaaine. Nee slám gwa'ara didae i káhh, tam tsuunqumis, nee tam /aa/e, nee slahh'eemis sleeme i kaahh. Asma muruuduú geera aa qaroó waaraáhh.»