WARA'AMI 30:1 - Biblía Axweesantá Hhohho' ar Mungú 2004

¹ AAKOÓ MUNGÚ, án kuúng u xirfayeemiís, asma iga ki/ís afkú bohóngw wa ale, nee wakuuser'eé' aga ya/aandiiká iwa qwalaala/ daandueene.

Ya/abtór hho' 1977

¹ AAKOÓ MUNGÚ, án kuúng u xirfayeemiís, asma iga ki/ís afkuú bohóngw wa ale, nee wakuuser'eé' aga ya/aandiiká iwa qwalaala/ daandueene.

WARA'AMI 30:1 Iomraidhean Croise

2 SAMUELI 20:3

Naagáy Daudi iri hardáh baraá gixsár Yerusalemu amór do'ós. Waawutmo /ameenaarós tidá' mibaangw ar quturmo wasl, tidá' aa geexáy dír do' as iwa doó ga/eer, gari huúw baraá doó wák as kiwa baradií xun, gin baradií amohhe'eemiis, ala i qatuú aa'ayká amor'ín. Kina baraá do'wií dahaás, ti'inaangw i kaahh ay qatlo. Nina hootiyé' adór /ameenár kwaeeli.

2 SAMUELI 24:25

Daudi AAKOÓ MUNGÚ guri kitángw ilahhooárií tleéhh didár afeenidár balaangw muxta. Ilahhooár da/a gari haniís, nee ilahhooár wayduwo. Naagáy AAKOÓ MUNGÚ firoorí gari ya/án as yaamu, nee oohaseeyidár tiqtír pu/i ar múk Israeli gwa ot, gari har'óh.

2 SAMUELI 5:11

Naagáy waawutmo Hiramu oo Tiro, muu guna ya/aáw amór Daudi, xaa'aá mieresi kina huúw, nee múk gadiyér peehháy nee oo maraay tlehhit, as doó waawutmo kuwa tleehhi.

2 SAMUELI 6:20

Daudi niwa waátl amór múk do'ós, as nguwa tsuuqi, Mikali, dasír Saulo guri al'eér iri ó', «Waawutmoó múk Israeli kuwa xiríf a adoomá laarí, gár slaamá' gari tleéhh, /ankwetsuwós guri laqán geeraá sagadiyuusér waawutmoó wa ale, slaqás nee mukduú barawasluse, kudá' /ankwets gu gaárí xuaaká dír ilaá muko.»

2 SAMUELI 7:2

Waawutmo Daudi iri oó' dír Natani, kuduú aarusmo, «Áx qayteek, aníng dír ni hoot a baraá doó taa tleéhh ar xaa'aá sahhta, ala sandakmoó Mungú dír i hooti a baraá heéma.»

1 WAAWITÁ 8:63

Solomon AAKOÓ MUNGÚ guri ilahhooár waydií haniís ar muruú ta tsu/i, awe kume mibeeri tsár nee tsár, nee bee/ángw kume tsiiru nee mibeeri tsár. Adoorí an adór Solomon nee muu sleémeero oo Israeli Doó Aakoó Mungú kura aldafín.

1 QOM'I 21:6

Ala Yoabu múk tlahhoó Laáwi nee oo Benyamini gwaa faariiká asma hara'ayár wawutmo inós guna buhhtís.

WARA'AMI 13:4

Ma ya/aamaar wakuuser'eé' iwa o', «Kwí ugwa arba/aán.» Ma ya/aamaar wakuuser'eé' huu'umaeé' ngiwa saqwalala/.

WARA'AMI 140:8

AAKOÓ MUNGÚ, heé tlakusmo tidá' i slai ma haniisaar, nee tidá' tlakw ta qoomeemesi ma ya/aamaar iwa tleehharut.

WARA'AMI 145:1

Aá Munguúeé', kuúng an waawutmooeé', án kuúng u iiatleés. Umuuwók un diidi'iimaamiís ay alhhe'eesay wasle.

WARA'AMI 25:2

Aá Munguúeé', án kuúng una harahhiíf, mitiwa mureekeés. Wakuuser'eé' miwa arbá/.

WARA'AMI 27:6

Hám daxta aníng a kwereeaaká, ti axmaamiis gawaá daanduú wakuuser'eé' tidá' iga harwet. Aníng ilahhooár muruú ta tsu/i an haniís baraá heémár Mungú wa ale ar bara/.

WARA'AMI 28:9

AAKOÓ MUNGÚ, mukók ba/amiseek, kudá' kók sleémeero tsuuqeek. Kuúng ta de'eemusmooín, inooín gagariimeek ay kureerisleém.

WARA'AMI 35:19

Aníng bar gurhaamuút ma ya/aamaar wakuuser'eé' án iwa waaqaseen. Kuká' aníng i tawo ahhiitá', slahh'amaayer'eé' mingiwa saqwalaa/iyé'.

WARA'AMI 41:11

Barnaxes wakusmooeé' aníng iga arba/iiká, daqaní aníng a xuú' adór aníng kuúng ir slá'.

WARA'AMI 66:17

Una ateét ar afkwe'eé', tsifrangw'eene inós una durbiibiím.

WARA'AMI 79:10

A gár milá múk xoordu tiwa babay, «Munguúhúng kwisíng i amá ala?» Ka araané' ló' adór múk xoordu kura li/áy bú', as tsu/utár sagadiyuuseerók.

WARA'AMI 79:4

Aga tli/aán dír xoordaá inslaawaywo. Múk inslaawayrén tin waaqaseesén nee tin niqín.

WA/AA/I 2:15

Muu sleémeero oo baraá loohiro waraáhh tsa/i gin muux as kuúng, tan niqimis nee sage ngin diingimisiyá' as múk Yerusalemu tawa kaahi, «Gixsarí a tidá' aáng tawa kaáhiíke, hhohhoaarto aa harwaaráhh tidá' yaamu sleémeero naa saqwalaala/iyé'?»

DANIELI 4:37

Hám daxta, anuú Nebukadnesa waawutmoó gawaá doori un xirfayemiís nee un diidi'iimiís, nee un ilaiwawaá/. Asma tidá' inós i tlehhiiti sleémeero i ganá', nee mukdá' aa daara/umiit gawa tin wa /arara'aas.»

DABE 20:5

«Aluuwo geeraharuuse slaqwaruuse ngi beer, ‹Diirihe hee i deéro oo do'ós gwaa tleehh, ala gwa aldafinká? Heé adoorí i amór do'ós i watli, miwa baraá slaqwarári gwaá', nee heé hatlá' do'ós guri aldafín.