WARA'AMI 3:4 - Biblía Axweesantá Hhohho' ar Mungú 2004

⁴ AAKOÓ MUNGÚ un ateetiím, inós i mu/aywaats iimír tloomarós ar hhoohhoó' wa ale.

Ya/abtór hho' 1977

⁴ AAKOÓ MUNGÚ un ateetiím, inós i mu/aywaats iimír tloomarós ar hhoohhoó' wa ale.

WARA'AMI 3:4 Iomraidhean Croise

IIMU/UUNGW 15:1

Alaá kaangwihe Abramu axweesantá AAKOÓ MUNGÚ gari axaás ar baraá iigu'utu, i kat, «Abrámu, ma da'ayumiitaar, aníng a baqmoórók. Slaasláwarók ka ló'wa ur.»

WARA'AMI 119:114

Kuúng a gaambór'eé', ni dirógi nahhaát, axweesantók a ló'wa harahhiíf.

WARA'AMI 138:3

Bál án kuúng uwa ateét, ina mu/aywáts, aníng ina gurkwa/ás iri /uurií hanís baraá muunaáeene.

WARA'AMI 18:3

AAKOÓ MUNGÚ u ateét, kudá' hariím xirfayeemisuwo. Adoorihe án i tuu/ dír wakuuser'eene.

WARA'AMI 2:6

«Án waawutmooeé' ngwa qaás gawaá Siyoni, tloomar'eé' tidá' hhoohhoo'.»

WARA'AMI 27:6

Hám daxta aníng a kwereeaaká, ti axmaamiis gawaá daanduú wakuuser'eé' tidá' iga harwet. Aníng ilahhooár muruú ta tsu/i an haniís baraá heémár Mungú wa ale ar bara/.

WARA'AMI 28:7

AAKOÓ MUNGÚ a /uuruueé' nee gaambór aníng i baaq. Inós un haratlintií' ar muunaáeé' sleémeero. Aníng ina alee/iís niri qwalaá/ baraá muunaáeene, un sluufmiís ar daa'ángw qwala/.

WARA'AMI 34:4

AAKOÓ MUNGÚ una firiím iri mu/aywaáts, daer'eé' sleémeero gari hingeés.

WARA'AMI 34:6

Liitlakusmoowí AAKOÓ MUNGÚ guna i /aá/, AAKO iri axaás, guri ba/amís baraá slahh'amaayeerós sleémeero.

WARA'AMI 43:3

Án gwa/aateemawók i iihardihiye', looeemaawók án i geerahariye', i hardahaasiye' amór tloomaarók tidá' hhoohhoo', dír hotaarirók.

WARA'AMI 50:15

Án ateetáng deelór slahh'amaayeero. Án kuúng u ba/amís, aníng iri xirfayés.»

WARA'AMI 62:8

Kuungaá muu, Mungú haratlintiaak daqisleém, slahh'amuuhúng alki/iitaak dirós i alé, Mungú a dír guwayrén.

WARA'AMI 84:12

AAKOÓ MUNGÚ Aleesleemusámo, heé kuúng u harahhiíf ku amohhoó'.

WARA'AMI 89:19

Kuúng iimír aange sagadiyuuseerók ana baraá iigu'utúr beér, «Slamángw waawuti'iima ugwa haniís dír heé wák oo pihh'uumár koóm, ugwa xirfayeés kudá' aníng naa tsawaár baraá tla/ángw múk wa ale.

WARA'AMI 91:15

Aníng bira ateét, u iiárií qaás, aníng a dinkwa nee inós baraá slahh'amaayeero, un ba/amís ngway xirfayeés.

WARA'AMI 99:9

AAKOÓ MUNGÚ, Munguúrén, xirfayeemisaak. Tumbarara'aaté' gawaá tloomarós tidá' hhoohhoo' wa ale, asma inós an AAKOÓ Munguúdá' Hhoohhoó'.

AXWEESANOÓ SAGALOOA 2:7

Sagalooár ganaa' gaa amohhe'eés as múk daba' hhohhó', inós a gaamboót dír múk inkihhimuú kooma.

ISAYA 65:24

Dír aníng ira firini'iiká in geerií mu/aywaáts, tam qoomár barta baraá axweesántií dirii' aníng in iiárií qaás.

WA/AA/I 3:56

Kuúng firor'eé' kari iiárií qás, niwa kah, «Iaawók mi oohaar bur alee/isáy fiririím!»

Matayo 7:7

«Firiiriimé', kuungá' tundu qáy, leelehhiitaak kuungá' a sleerá', ateetimé' afkú dó' wa ale, piindo ka qo duux.

Yakobo 5:13

Hee baraahunge slahh'amu bunga sláy, inós Mungú ngu firin. Hee bir qwalalaa/, Mungú ngu diidi'iimisi.