WARA'AMI 29:3 - Biblía Axweesantá Hhohho' ar Mungú 2004

³ Afór AAKOÓ MUNGÚ ka axamiis, i gawaá ma'aay. Munguú xiríf kwarara/a ga kududuhuus. Afór AAKOÓ MUNGÚ ka axmiis gawaá daanduú tlabeemo!

Ya/abtór hho' 1977

³ Afór AAKOÓ MUNGÚ ka axamiis, i gawaá ma'aay. Mungú xiríf kwarara/a ga kududuhuus. Afór AAKOÓ MUNGÚ ka axmiis gawaá daanduú tlabeemo!

WARA'AMI 29:3 Iomraidhean Croise

YOBU 36:33

Kududuharós a hardahamuuwós gun alki/ít tam hikwa hardahamuuwós ngu xuiyá'.

YOBU 40:9

Ahaá kuúng /uuruú adór kwe'eé' kwí uqo koónda? Afoorók kawa adór te'eé' wá kududuhus a asleéra?

WARA'AMI 104:3

Dír hotaangók ana tléhh daanduú ma'aydaá gawaá doori. Huunkáy un gaárirók tléhh, kuúng an fur'ár hi'iimít.

TI'INAANGW 19:16

Bál tám matlaatleero naxés gaa a kwarara/a nee mankaro, slám huunkír qo iloo' i gawaá tlooma, afór tarumbeéta i ló'wa tseeamiín. Muu sleémeero baraá xafaywo iri ló'wa da'ayuút.

TI'INAANGW 9:28

AAKOÓ MUNGÚ firiimare', kwarara/aarí nee tluwaywuú tlaa/eewo oo AAKOÓ MUNGÚ a ido daxta. Aníng nu geemáw, ma baraakaá wa male hootara'.»

TI'INAANGW 9:33

Naagáy Mose iri dír Farao wa tláy, iri tsee/aá gixsárí ti'iít, dabaawós giri amór AAKOÓ MUNGÚ i tleés. Tluwayduú tlaa/e nee kwarara/arose niri faakiyé', tluwaay iri sangw malé tluwiiká baraá yaamuwo.

Yohana 12:29

Boo/aydá' didá' wa sihhimiít, adoodá' ngiwa axaás, tari oó', «Kududuhaay i deer.» Bahh'alé tari oó', «Malaykamo nee inós nina axweesiyé'.»

Tlehhema'aá ya/Abuuse 7:2

Stefano iri oó', «Hhaee'eé' nee baabi'iieé', iia qaasaak. Munguú xirfuú koóm tina geehhooeés dír baabuúrén Abrahamu, qoomár iwa baraá yaamaá Mesopotamiár i dirii'i, geeraá iwa loohiiká baraá yaamaá Harani.

Geehhoeemaá 11:19

Aluuwo Doó Mungú, kudá' gawaá doorí dirií' kuri gweér, nee sandakmooduú alqadór Mungú iri geehhoúy baraá do'ós wa ale. Mankari iri werere'eliín, afo kari axaás, kwarara/a iri kwarará/, kunseeli niri ti'ít nee tluwoó yaariír oo tlaa/e iri tluúw.

Geehhoeemaá 16:18

Qoomaadár kilae mankari niri hardát, nee xuuraai nee kududuhaay. Nee kunseelír ur niri hardát. Kunseelirí ka ló'wa ur, tam kunseelír ur ar adór tí naa baloó ti'itká iimír hee kuwa tleehhi baraaká' yaamuwo.

Geehhoeemaá 19:6

Afo ngiri axaás ar adór afór boo/oó yaariír, nee adór afór ma'aá yaariír awa wa/amiimá' baraá wa/ángw i alé, nee slám adór afór xuuraaír /uuruú koom. Afoorí iri ó', «Mungú i xirfuuti! Asma Aakoó Munguúrén, Aleesleemusmoó mura' sleémeero, inós waawuti'iima gaa sláy.

Geehhoeemaá 4:5

Nee gawaá kitangwduú aleesleemuwo gár ti'imiit a mankari nee xuuraai nee kududuhaay. Nee dír geeraá kitangwduú aleesleemuwo tsaa'asór faanqw i dír geeraadá' wa ót. Tsaa'asoorí a Qeereemaá faanqw awa Mungú.

Geehhoeemaá 8:5

Nee malaykamo xooslmooduáu ilahhooa ka i da/a/an guri taataáhh, guri dalaá/ aslto, tidá' gawaá kitángw ilahhooár i dirii'. Xooslmoodá' guri kwaáhh gawaá daanduú yaamu. Qoomaadár kilae kududuha niri hardát, nee afo nee mankari nee kunseeli.

1 SAMUELI 7:10

Qoomár Samueli iwa ilahhooadár da/tá hanmisi, xoorór Filisti iri tseewuúr dír xoorór Israeli, as kawa tsitsiihhi, ala AAKOÓ MUNGÚ iri slaáqw ar kwarara/ár yaariir amór múk Filistirí ale baldae, giri amoqwaareés. Xoorór Filisti kari tlatlahhaás dír geeraá xoorór Israelír wa ale.