WARA'AMI 29:2 - Biblía Axweesantá Hhohho' ar Mungú 2004

² Umuú AAKOÓ MUNGÚ xirfayeemisaak as kuwa úr, AAKOÓ MUNGÚ i tumbarara'ataak ar tlabaá hhohho'.

Ya/abtór hho' 1977

² Umuú AAKOÓ MUNGÚ xirfayeemisaak as kuwa úr, AAKOÓ MUNGÚ i tumbarara'ataak ar tlabaá hhohho'.

WARA'AMI 29:2 Iomraidhean Croise

2 QOM'I 20:21

Alaá mukós gurbu'uto nguwa hhe'eés, waawutmo Yehoshafati daauuse gari tsawaár, tlabaaín ngiri dahaasiyé', niri hi'iitiyé' geeraá slaqwaruusér wa alé tawa daai, ta kaahi, «AAKOÓ MUNGÚ sluufmisaak, asma sla'aarirós ar warqawaaká in kumaamít ay alhhe'eesay wasle.»

WARA'AMI 110:3

Mukók ni fi'iit bál bar nee wakuuseerók taa eeré', masoombarók ni hardát gawaá tloomadá' hhoohhoo', adór har'uú matlaatle.

WARA'AMI 27:4

AAKOÓ MUNGÚ ugwa firiím gár wake, hamí a tí ni leelehhiit. Masók a hoót Doó AAKOÓ MUNGÚ wa ale deelo sleémeero baraá hotaarir'eene, hhohhoartá AAKOÓ MUNGÚ ngiwa ga/aw, nee sla'aarirós ngiwa yaahamiis baraá Do'ós wá aleeró.

WARA'AMI 90:17

AAKOÓ MUNGÚ, Munguúrén, masók hhohhoaarirók i gawaarén i dirí', gadiyér dabaarén ya/ameek, kuúng gadiyér dabaarén ka kwa/ás.

WARA'AMI 96:6

Ilaiwa/ame nee aleesleemu i dír geeraawós i dirii'iyá', /uuru nee hhohhoaari i baraá do'ós kudá' hhoohhoó'.

WARA'AMI 97:9

AAKOÓ MUNGÚ kuduú Aleesleemusmo, kuúng tu úr baraá yaamu sleémeerowo, kuúng tu iia tleér ta munguaá hatlá' sleémeero.

YEREMIA 13:16

AAKOÓ MUNGÚ, Munguúhúng, diidi'iimisaak dír giwti ngira huwiiká nee dír tundura dukuutsiiká baraá tlom'aá giwa'a. Kuungá' gwa/aateema bira haraaxué', inós gin warqees tawa ma/mír aa qipit.