WARA'AMI 29:11 - Biblía Axweesantá Hhohho' ar Mungú 2004

¹¹ AAKOÓ MUNGÚ mukós gu /uurií haniis, AAKOÓ MUNGÚ mukós gu tsuuq ngway waydií haniis.

Ya/abtór hho' 1977

¹¹ AAKOÓ MUNGÚ mukós gu /uuruú i haniis, AAKOÓ MUNGÚ mukós gu tsuuq ngway waydií haniis.

WARA'AMI 29:11 Iomraidhean Croise

WARA'AMI 138:3

Bál án kuúng uwa ateét, ina mu/aywáts, aníng ina gurkwa/ás iri /uurií hanís baraá muunaáeene.

WARA'AMI 37:11

Ala kudá' tsatsa'aren yaamu ngin aaliyá'. Nin qwalaala/iyá' baraá diihhooár faakaaká wa ale.

WARA'AMI 68:35

Mungú an kudá' dae tlaáq dirós tidá' hhoohhooe, an Munguú Israeli. Inós mukós gu /uurií hanmiis, nee aleesleemu. Mungú xirfayeemisaak!

WARA'AMI 72:3

Tlom'i diihhooa ngi huwiye', nee mamaá hho' ngi laqwaaliye'.

WARA'AMI 72:7

Baraá hotaawose gan'amu ngu eeharahari deelo sleémeero, amohhooa nee wayda ngir hooti kureerisleém.

WARA'AMI 84:7

I kumiitiyá' /uuru slaslaango, ay dír umuúqo heewo i hardihi dír geeraá Mungú amoodár Siyoni.

WARA'AMI 85:10

Sla'aarír warqawaaká nee inkihhimu ti doogiyá'. Gan'amu nee wayda ti ma'amisiyá'.

WARA'AMI 85:8

Aníng masók a axaás adór AAKOÓ MUNGÚ i ooi. Asma wayda gu oo' dír mukós i ale, dír mukós kudá' hhohhó', kudá' naa warqaye' amoorós.

ISAYA 26:12

Aá AAKOÓ MUNGÚ, kuúng wayda nguna aténí hanís, kuúng gadiyeérén sleémeero ana tléhh as atén.

ISAYA 40:29

Inós mukdá' nusqumiít gun /uurií hanmiis, nee kudá' aleesleemuú koma'aaká gin /uurií dogiit.

ISAYA 40:31

Ala kudá' sleémeero AAKOÓ MUNGÚ harahhifá', inooín /uuruú /abén ngu slaslayá', inooín tari adór gwaresuú wa gáwtí tláy ar hhampe'eeri. Inooín nin ti'ii'iná' ta baloó slaaqatiiká, tan hi'iimiit ta baloó nusqumiitiiká.

ISAYA 41:10

Ma da'ayumitaar, asma aníng nee kuúng a dinkwa, ma amoqwaqwadimaar, asma aníng a Munguúwók. Aníng kuúng u /uurií doóg, aníng kuúng u ale/iís. Aníng kuúng u óh ar dakw'eé' oo doó /iyáy kudá' arba/tír koóm.

SEKARIA 10:12

Aníng muk'eé' nguri gawdeés baraá anuú AAKOÓ MUNGÚ, inooín nari hootiyá', inooín umuueé' nguri xirfayeemisiyá'. Anuú AAKOÓ MUNGÚ tí ngina oó'.»

SEKARIA 10:6

Aníng doó Yuda un /uurií qaás, án doó Yosefu u ba/amís, án inooín i ki/ís ayaaín asma iga gurtleemuú wa ár, inooín kwaáo' inaqo baloó kwahhiiká, asma aníng a AAKOÓ MUNGÚ, Munguúín. Aníng firor'ín a axaás.

Yohana 14:27

«Wayda ngu kuungá' i geexáw, wayduueé' ngun haniís. Wayduudá' aníng ni hanmiis, a adór wayduuduú mukwí oo baraaká' yaamu ni hanmiisiiká. Ma amoqwaqwadiimara' baraá munerhunge, slám ma da'ayumitaara'.

Yohana 16:33

Tí án ngina kuungá' báw, as wayda kuwa sleera' baraaeene. Baraaká' yaamuwo slahh'amu u sleerá'. Ala ma mune siaara', asma aníng yaamu iga ar baá/.»

Rumi 14:17

Asma waawuti'iimár Mungú a /ayma nee wahaangooká, ala a gan'amu nee wayda nee qwala/, kudá' Qeeruú hhoohhoó' oo Mungú ni huwi.

1 Korinto 1:3

Mungú Baabuúrén nee Aako Yesu Kristo kuungá' nu tsuuqi nee nu waydií haniisi.

Efeso 2:17

Kristo niri hardáh, Ya/abtór hho' ar wayda ngiri alki/iít dír kuungaásingá' saawá' awa xoordaá hatlá', nee dír kudaádá' tseewá' awa múk Yahudi.

Efeso 3:16

Án Mungú u firiiriím as /uuru nguwa kuungá' i haniisi ar Qeeruuwós, baraá munerhunge, ar har qoomoó daqaari'iimár xirfuuwós,

2 Tesalonike 3:16

Aako inósuú kilá' oo wayduú hanmiís, wayda ngu haniisi dirhunge daqisleém ar baraá umuúqo loohiro. Aako masók i dinkwa nee kuungá' sleémeero.

2 Timoteo 4:17

Ala Aako ina sihhiít dinkwa nee aníng, aníng iri /uurií haniís. Asma Aako gár i slai a aníng Ya/abtór hho' an alki/iít, as múk xoordu sleémeero ngiwa axaasi. Aníng tiri baraá afkú dirángw wa ba/amís.

Geehhoeemaá 1:4

Anuú Yohane muruuwí una gooiím amór múk kríshaanáy oo baraá gixsadaá faanqw awa baraá yaamaá Asia. Tsuuqa nee wayda kudá' amór Mungú dahhá' masók i dinkwa nee kuungá'. Inós an kudá' dáw, nee kudá' qaroó daadáw, nee kudá' hardáh. Nee slám tsuuqaaká' nee wayda amór i dahhiya' a amór qeeremoodá' faanqw, kudá' dír geeraá kitaangós oo aleesleemuú i diriiá'.