WARA'AMI 28:9 - Biblía Axweesantá Hhohho' ar Mungú 2004

⁹ AAKOÓ MUNGÚ, mukók ba/amiseek, kudá' kók sleémeero tsuuqeek. Kuúng ta de'eemusmooín, inooín gagariimeek ay kureerisleém.

Ya/abtór hho' 1977

⁹ AAKOÓ MUNGÚ, mukók ba/amiseek, kudá' kók sleémeero tsuuqeek. Kuúng ta de'emusmooín, inooín gagariimeek ay kureerisleém.

WARA'AMI 28:9 Iomraidhean Croise

2 SAMUELI 21:3

Daudi múk Gibeoni guri yaahaás, «Gár nuy tleehh a milá? Tlakweemaadá' tunduy tleéhh gár ngir buu'. As kahhó' yaamuuká' nee muk'ín kuduú AAKOÓ MUNGUHE kiwa tsuqa'.»

2 SAMUELI 7:7

Xáy, umuú dír naqo kawi nee múk Israeli sleémeero, heé naa gaa báw i deéro baraá har'ohuusér múk Israeliwo, kudá' naa bawi, muk'eé' oo Israeli de'eemaak, niwa kah, waáy misa doó xa'aá sahhtaárí tlehhi'iiká?›

1 WAAWITÁ 8:51

Asma inooín a mukók, nee a slaasláwaarók, mukók kwí taa dúx baraá yaamaá Misrír wa ale, baraá asltadár gufteeri, tidá' ta muqslaárár weeqatmaamiisi.

1 WAAWITÁ 8:53

Xáy AAKOÓ MUNGÚ kuúng ina parátl baraá múk hatlae oo baraá yaamu sleémeero, tawa aalirók, adór kira iia tleerés ar loohír Mose sagadiyusmoowók, qoomaadá' baabi'iirén ngiwa duúx baraá yaamaá Misrír wa ale.»

ESRA 1:4

Nee umuúqo heewo kudá' aa dirkár i meet oo dahi'iimár hoót, ku ale/iisi nee múk didá' ar peésa, nee ar sahaábu, nee daqaari'iima, nee hikwa, dinkwa nee muruú ta sla'aarír ar hanmiisi as tlehhmuú doó Mungú baraá Yerusalemu.»

WARA'AMI 14:7

Masók ba/amár múk Israeli ni Siyonír dáhh! AAKOÓ MUNGÚ hariímár mukós birnga ki/ís, múk Israeli iri qwalalaa/, xwaylár Yakobo iri bará/.

WARA'AMI 25:22

Na'ás Mungú, kuúng múk Israeli gweereek baraá slahh'amaayer'ín sleémeerowo.

WARA'AMI 78:71

Guna hingeés baraá de'éngw bee/aangw nee deeloó bee/ángw wa ale, as mukós Yakobo nguwa de'en, kuduú Israeli oo aalirós.

ISAYA 40:11

Daqtós gan /aymiis adór de'eemusmoó wa ale, nee deeloó bee/aangw gun gawaá dabaawósií oh, giri gawaá da/eewawósár loohiis, bee/ángw du'umiís idaahharo gun tseegiis.

ISAYA 46:3

Aá xwaylár Yakobo aníng iiárií qaasaaré', Iiárií qaasaaré' panoó doó Israeli aníng nuna amohhe'eemiís iimír tunduwa laqwaál, nuna loohamaamiís iimír tawa baraá guruú aayo.

ISAYA 63:9

Baraá slahh'amaayer'ín sleémeero inós kuna slahh'eemiís, nee malaykamooduú dír geeraawós inooín gina ba/amís ar sla'aarirose nee ar gurtleemuwose inooín gina gweér. Iimír aange inooín gina loohiís nee gina gagaraarín.

YEREMIA 10:16

Ala Munguú Yakobo a adór slaqsi'iikaeeká, asma inós umuú gaaro gana tleéhh, nee múk Israeli guna tsawaár tawa xooroorós. Umuuwós an AAKOÓ MUNGÚ Aleesleemusmo.

YEREMIA 31:7

Asma AAKOÓ MUNGÚ i kaahi, «Daaé' ar qwala/ as múk Yakobo, ururu'uumisé' asma xoorór ur, kaangwí ilahanisaak, baraa/é' tawa kata', ‹AAKOÓ MUNGÚ mukós gwa ba/amís, mukduú Israeli aa meet.›

MIKA 5:2

«Ala kiíng, gixsár Betilehemu, ar baraá Efrata, tam ti niinawe baráa tla/ángw gixsadaá yaariir awa tlahhoó Yudawo, ala baraawoge geeraharusmoó wák ngu sláw oo múk Israeli gu sawaawuti'iím. Iimu/úngw tlahhaywós oo iimír aáng, inós oo iimír qaro.»

MIKA 5:4

Inós in sihhiit nee daqtós gari de'én ar /uuruú AAKOÓ MUNGÚ nee ar aleesleemuú waawuti'iimár umuú AAKOÓ MUNGÚ, Munguúwós. Mukós iri saxareemár hoot, asma inós uraay guri sláy baraá yaamu sleémeero.

MIKA 7:14

Aakoó Mungú, mukók de'eemeek ar hhartók, daqtók tidá' taa tsawát. Inooín tam ta kilooín hooti baraá sla/atá wa alé, ala yaamuuín kaa harweér nee yaamaá gitsór hhó' koomá'. Daqtók i qawór eer baraá qawtantadá' hhoo' ar baraá yaamaá Bashani nee Gileadi, adoodár aáng wa alé.

Matayo 2:6

‹Kiíng gixsár Betilehemu ar baraá yaamaá Yudea, kiíng ti baloó niinaweeká baraá gixsadaá Yudeawo, asma waawutmo i ti'iit baraawoge oo muk'eé' oo Israeli gu de'eém.› »

Efeso 1:18

Aníng a firiiriím inós ilaahúng awa qeeru ngiwa gweeri, as harahhifór ateetmorhúng kawa tsahha', nee daqaari'iimár xirif ar aalirós adór i diri' baraá múk taa hhoohhooeesi.

DABE 1:31

baraá xaanxaywo aga aande', adór AAKOÓ MUNGÚ Munguúhúng nura gagaár ar saxareema baraá aaiihúng sleémeero ay diirí hám tay diria', adór hee na/aywós ngur gagaraarin.

DABE 32:9

Inós múk Yakobo guna qaás tawa mukós. Múk Yakobo guna tsawaár tawa aalirós.

DABE 9:26

Aníng AAKOÓ MUNGÚ una firiím, niwa kah, ‹Aá AAKOÓ MUNGÚ, mukók kuduú aalirók mu qwaareesaar, mukdá' taa ba/amís nee taa baraá yaamaá Misrír wa dúx ar aleesleemu nee ar /uuruú úr.

DABE 9:29

Asma mukwí an kók oo kilá', múk kuúng taa dúx ar /uuruuwók nee aleesleemuuwók oo úr. »