WARA'AMI 28:7 - Biblía Axweesantá Hhohho' ar Mungú 2004

⁷ AAKOÓ MUNGÚ a /uuruueé' nee gaambór aníng i baaq. Inós un haratlintií' ar muunaáeé' sleémeero. Aníng ina alee/iís niri qwalaá/ baraá muunaáeene, un sluufmiís ar daa'ángw qwala/.

Ya/abtór hho' 1977

⁷ AAKOÓ MUNGÚ a /uuruueé' nee gaambór aníng i baaq. Inós un haratlintií' ar muunaáeé' sleémeero. Aníng ina alee/iís niri qwalaá/ baraá muunuúeene, un sluufimiís ar daa'ángw qwala/.

WARA'AMI 28:7 Iomraidhean Croise

IIMU/UUNGW 15:1

Alaá kaangwihe Abramu axweesantá AAKOÓ MUNGÚ gari axaás ar baraá iigu'utu, i kat, «Abrámu, ma da'ayumiitaar, aníng a baqmoórók. Slaasláwarók ka ló'wa ur.»

WARA'AMI 13:5

Ala aníng sla'aarirók ar warqawaaká aga harahhiíf, nee muunaáeé' ba/amaarók ga saqwalalaa/.

WARA'AMI 13:6

AAKOÓ MUNGÚ, án kuúng u i daá' asma kuúng iga hhooeemaá i tlehhaahhít.

WARA'AMI 19:14

AAKOÓ MUNGÚ, axweesanoó afkwe'eé' nee inslawoó muunaáeé', ya/aám ngi slay diroge. AAKOÓ MUNGÚ, kuúng an baqmor'eé' nee ba/amusmooeé'!

WARA'AMI 21:1

AAKOÓ MUNGÚ, waawutmo /uuruudá' taa hanís gu sa qwalalaa/, i ló'wa qwalalaa/ as alee/isaywók.

WARA'AMI 22:4

Baabi'iirén kuúng una harahhifiyé', una harahhifiyé', kuúng kiri ba/amís.

WARA'AMI 28:8

AAKOÓ MUNGÚ a /uuruú mukós. Waawutmoowós kudá' aa tsawaár gun baaq guri ba/amis.

WARA'AMI 3:3

AAKOÓ MUNGÚ, kuúng aníng in báq dír tsaxwawo adór gaamboót. Kuúng an xirfuueé' nee kudá' aníng i pihháy hanmiís.

WARA'AMI 3:4

AAKOÓ MUNGÚ un ateetiím, inós i mu/aywaats iimír tloomarós ar hhoohhoó' wa ale.

WARA'AMI 33:21

Atén inós un sa qwalaala/aán, asma umuuwós kudá' hhoohhoó' ugwa harahhifaán.

WARA'AMI 37:39

Nee ba/amár múk hota ganaá' ni amór AAKOÓ MUNGÚ dáhh. Asma inós an baqmoó qoomár slahh'amko.

WARA'AMI 40:3

Daa'ángw /abén nguna intsaahhatís dir'eéni alé, oo xirfuú Munguúrén, múk yaariír adoorí gari ar, nee tay da'ayuut, naagáy AAKOÓ MUNGÚ kway harahhiif.

WARA'AMI 43:2

Asma Mungú, kuúng a baqmor'eé'. Asma milá misa kwáhh? Asma milá, mas taamberuús ar tsuunqumis wakusmo iwa baramaanuusi?

WARA'AMI 46:1

Mungú a dír guwayrén nee an /uuruurén adoorí atén aga araán, baraá slahh'aamuurene inós atén tina alee/iís.

WARA'AMI 46:2

Gawaá adoorihe atén a da'ayuumiitanaaká, tam yaamu ni warqaqay'a, tam tlom'i binda diingitiyé' nay huuiyá' baraá iltá tlawi,

WARA'AMI 69:30

Umuú Mungú u xirfayeemiís ar daa'aangw, aníng Mungú u diidi'iimiís ar ilahhooa.

WARA'AMI 84:11

Asma AAKOÓ Munguúrén an gwa/aateema nee an adór gaamboót, AAKOÓ MUNGÚ gurhhooa nee xirif gi kón. Inós ku hhoó' dír mukdaáduú gan'amuú kooma.

WARA'AMI 91:4

Un tuuntuuk ar hayowós, baraá guruú hhampe'eeriwose dír guwaay an sleér. Inkihhimuuwós an gaamboót nee baqmoó.

ISAYA 12:2

Ga/aawaak, Mungú an ba/amar'eé', inós un harahhiíf, sleeme a da'ayumitaaká. Asma AAKOÓ MUNGÚ an /uuruueé' nee daa'angw'eé', inós an ba/amusmooeé'.»

ISAYA 45:24

Inooín daanduueene tan ooi, «Gan'amu nee /uuru i dír AAKOÓ MUNGÚ kilós i dirii'iyá'.» Kudá' sleémeero ngwaa buhhtisiye' nin hardihiyá' kiri mureekees.

ISAYA 61:10

Aníng an ló'wa qwalalaá/ baraá AAKOÓ MUNGÚ wá ale. Muunaáeé' i baraa/ as Munguúeé', asma inós aníng iga uuntsuús ar tlabaá ba/ama, iga hotaá ganaa'ár tsiitiís adór hiyaay. Adoodá' garmoó duxuxuúm tir parootumamisi ar slamángw /ayo, nee adór dasír ta duxuuti tir parootumaamis, ar kwaslaá tlaxo gawden.

Efeso 6:10

Gimsé', ilakaaharu tleehhaak baraá Aakoowo, nee baraá aleesleemuú /uuruuwose.

Geehhoeemaá 15:3

Nee slám inooín daa'ángw ta daai oo Mose, sagadiyusmoó Mungú, nee daa'ángw Deelmoó bee/i, ta kaahi, «Aakoó Mungú, Aleesleemusmoó mura' sleémeero, tlehhemi'iiwók ki uren, nee i waa/oo/amór koná'. Waawutmoó xoordu sleémeero, kuúng lohuwók i ganaaiyá' nee slám awa ló'.

Geehhoeemaá 5:9

Inooín daa'ángw /abén ngun daaiyá', tawa kaahi, «Kuúng a hariín kitaábu kuwa taatahh nee dugeeniiwós kudá' ki qaás kiwa gwet, asma kuúng tuna gaás, nee ar tseereeroge muu una tláxw as Mungú, múk umuúqo tlahhaywo nee umuúqo tsifriro, nee umuúqo mar'eefo nee umuúqo xoorooro.