WARA'AMI 28:5 - Biblía Axweesantá Hhohho' ar Mungú 2004

⁵ Inooín tlehhma'aá AAKOÓ MUNGÚ ngi gaárí xuiaaká, tam muruudá' aa tleéhh ar dabaawós sleeme. Gawaá adoorihe gin hhaamiis, slám gi baloó gurtlayká.

Ya/abtór hho' 1977

⁵ Inooín tlehhma'aá AAKOÓ MUNGÚ ngi gaárí xuiaaká, tam muruudá' aa tleéhh ar dabaawós sleeme. Gawaá adoorihe gin hhaamees, slám gi baloó gurtlayká.

WARA'AMI 28:5 Iomraidhean Croise

2 SAMUELI 7:13

Na/aywí an kudá' do' gu tleéhh as umuueé', nee kitaangós kuduú aleesleemu oo waawuti'iimarós un gawdeés ay kureerisleém.

2 SAMUELI 7:27

Aá AAKOÓ MUNGÚ Aleesleemusámo, Munguú múk Israeli, asma kuúng kaangwí ngwa geehhooés dír anuú lawaalmoowók, tari ó', ‹Án kuúng un dó' i tleéhh,› as adoorí an piíhh firor'eé' ngiwa oo' dír geeraawók.

1 WAAWITÁ 11:38

Kuúng tidá' aníng naa oó' bara harmagáhh nee bara hót ar adoodá' aníng ni slaa', nee tidá' aníng ni slaa' bara tléhh, nee kaahir'eé' bara ót nee hara'ayar'eene, ar adoodá' sagadiyusmooeé' Daudi aa tleéhh, daqaní aníng nee kuúng a dinkwa. Aníng waawuti'iimarók a gawdeés adór ar Daudi ngira gawdeés nee múk Israeli ngu kuúngií haniís.

WARA'AMI 10:5

Tlakusmo qooma sleémeero muruuwós i ya/aa/án. Inós ga baloó tsaahhiiká adór kuúng muu kur sakwasleemút. Wakuuseerós sleémeero gan waaqaaqaa'.

WARA'AMI 104:24

AAKOÓ MUNGÚ, muruú kuúng taa tléhh ku ló'wa yaariír. Mura' sleémero una qoomés ar sagalooa, yaamu naa hatsiyé' muruú kuúng taa tlehhi!

WARA'AMI 8:3

Doori bira i qaytsiít, kudaá gadiyér dabaawók, slahhaangw nee tsatse/ kudá' kuúng taa qás,

ISAYA 22:11

Baraá tla/eeraá ko/aá tsare hhalángw ma'aay kuri folé' as kahhó' ma'aá hhalangwduú aáng kiwa baraadií ota'. Ala kuungá' Munguúdá' muruuwí sleémeero gwa tleehh ugwa leelehhi'iiká, laqaá adoodá' aa qoomeés iimír aange aga ya/andi'iiká.

ISAYA 40:26

Axáy gawa i qaytsitaak, heé muruuwí gwa tleehh a heemá? Inoósuwí an kudá' slawowós gi geeraharahaár, inooín sleémeero gin ateetín ar umer'ín, asma inós an kudá' aleesleemuú yaariír gu koóm, nee /uuruuwós ku yaariír, gawaá adoorihe ar qwaar tam ar wák i káhh.

ISAYA 45:12

Aníng yaamu ina tleéhh, hee nguri tleéhh oo gawaadá' gi hoót. Doori aníng ina hhaáf ar dabaaeé', nee muruudá' gawaadií dirií' sleémeero un baliít.»

ISAYA 45:18

AAKOÓ MUNGÚ kudá' doori gaa tleehh, inós a Mungú. Inós yaamu gina tleéhh, nee gin gawdeemiis. Gaa tleehhiiká as kiwa gaa wásl, ala gina tleéhh as kiwa hooti. Inós i kaahi, «Aníng a AAKOÓ MUNGÚ, Munguú hatlá' i kaahh.»

ISAYA 45:8

Kuungaá doóri, gáwtá wá tluwaaré' huunkáy hotaá ganaa'á' ngi paahhamiisi, yaamu i gweeritiye' ba/ama ngi huwiye' nee hotaá ganaa'á' ngi duuxiye'. Aníng a AAKOÓ MUNGÚ kudá' muruuwí gwa tleehh.

ISAYA 5:12

Baraá deelor'ín ar urene gidaandori iqo kahhká, nee seesero, nee mitingarto nee filiímbiro nee difaái. Ala tlehhma'aá AAKOÓ MUNGÚ ngi ya/aa/ana'aaká, tam gadiyér dabaawós ngi gaárí xuiaaká.

YEREMIA 31:4

Aníng kuúng un male tleéhh, nee kuúng adoodá' aáng tay diri' kay i kí/, aá Israeli, kuúnguudá' hhoohhoó'. Kuúng xoosladár ni/ima kari male taatáhh as tawa ni/iin ar qwal/uú úr oo bara/.

HOSEA 14:9

Heé sagaloó' muruuwí ngu tsaahhi. Heé daharuú koóm muruuwí ngu xui. Asma lohdaá AAKOÓ MUNGÚ i ganaaiyá', nee múk ganaá' lohuudá' gin eehar. Ala múk tlákw in dukuuts baraadae.

FAARO 23:23

Ar looeemawo múk Yakobo da/aluuse gu baqká, tam qwaslaare sleeme múk Israeli gu aleesleeraaká. Hamí daxta muu iri ooi daanduú múk Israeliwo, ‹Qayté' waa/oo/amór Mungú aa tleéhh!›

Yohana 12:37

Yesu tam layaá yaariir gaa tlehhahhiiti geeraaín wa ale, ala kwa haratlinti'iiká.

Rumi 1:20

Aleesleemuú Mungú oo alhhe'eesay wásl, nee munguiimarós, muruuwí hee gu ariiká ilaawo. Ala tam adoorihe muruuwí aa geehhooúy iimír Mungú yaamu ngiwa tleéhh. Asma tlehhemi'iiwós kudá' aa tleéhh muruuwí ngwa laqaaqané'. Gawaá adoorihe gár tar tlaanki i káhh.

Rumi 1:28

Inooín xu'utidár Mungú kuwa xui, kaa gaárí xuiiká. Gawaá adoorihe Mungú sleeme inooín giri máy baraá inslaway'ín kudá' aa hhitiruut, as muruudá' hariimaaká kuwa tleehhi.