WARA'AMI 28:3 - Biblía Axweesantá Hhohho' ar Mungú 2004

³ Aníng mi harahuwaar dinkwa nee múk tlakuuse, kudá' tlakweemaá tlehhahhiít. Afer'ine i wayduú axweesiyá' dír inslaaway'ine, ala baraá muner'ine gár aa hats a wakaari.

Ya/abtór hho' 1977

³ Aníng mi harahuwaar dinkwa nee múk tlakuuse, kudá' tlakweemaá tlehhahhiít. Afer'ine i wayduú axweesiyá' dír inslaaway'ine, ala baraá muner'ine gár aa hats a wakaari.

WARA'AMI 28:3 Iomraidhean Croise

WARA'AMI 10:14

Ala kuúng múk haleleamiít nee oo slahh'amuú koóm u xú', kuúng umuú daqto ta amohhe'és kiwa alee/is, liitlakusmo kuúng ugwa haratlintií'. Panaay alee/isaywók ngwa slayé'.

WARA'AMI 10:7

Gár baraá afkose aa hats a lu'umis nee fola nee /ayta. Gár kuwa inslaáhh a axweesanoó tlákw nee oo tlií/ gun axwees.

WARA'AMI 12:2

Sleémeero axweesanay'ín a axweesanoó lama. Afer'ine a waaqoduuse nee baraá muner'ine a al/aymuuse.

WARA'AMI 141:4

Muunaáeé' mu amór tlehhmuú tlaákw xu'usar, tlehhma'aá tlakw miwa intsaáhh, nee múk tlakweemaá tlehhahhiít mawa aldinku'usaán, tam muruú /aymar'ín kuduú gi'i muwa /aáy.

WARA'AMI 26:9

Aníng mi qwaareesaar dinkwa nee tlakuuse, laqaá slafingw'eé' mu harahuwaar dinkwa nee mukdá' tseerdaá ku'umaamiís.

WARA'AMI 36:4

Muruú tlákw oo i tleehhamór wa slai gun aldakuut gawaá qatuuwós wa ale. Tin dahmiis baraá lohaá tlakw, inós muruú tlákw gun eeharahaar.

WARA'AMI 52:1

Ee kawa xu', kuúng a adór migusmoówoóke, ala misti xirfayeemís as tlakweemaawók? Sla'aarír Mungú ar warqawaaká i daadeer deelo sleémeero.

WARA'AMI 55:21

/Aymi'iiwós i tsuiyá' di/tá /awak ba/a. Ala muunaáwose gaa a slaqwara. /Aymi'iiwós i natsaatsaiyá' adór di/i, ala i tlaaqaná' adór siíme.

WARA'AMI 62:4

Baraá axweesanto tin kaahi slayá', as kuwa dahhi dirós tidá' ilaiwa/ameero, inooín lama ngi saqwalaala/iyá', afer'ine /ayma'aá tsuuqaá koomá' kin kah, ala baraá muner'ine tan lu'umis.

WARA'AMI 7:14

Qaytsiít, heé tlaákw aa tsíh tlakweemaawo, gár aa hats baraawose a muruú tlákw gun aldakuut, nee tsiihaywós kwihe gár i laqwaali a lameemo.

MIKA 3:5

AAKOÓ MUNGÚ i kaahi, «Aaruuse muk'eé' gu sadakumís, asma hee barnaxes ngwa gaárí haniís, gun bay, ‹Wayda u sleér,› ala hee bar gaa ngaa haniisiiká, gun i aarín iwa kaahi, ‹Slaqwara ga sláy.› »

FAARO 16:26

Iwa hardáh, muu guna báy, «Quutlé' dír heemadaá mukwí tlakwe, gar'ín tam ar wák ma kwatiitara' as mutundwa hhaamiís as tlakweemaaín sleémeero.»

Matayo 25:41

«Aluuwo mukdá' bartá dákw doó basáy i dirií' guri bay, ‹Quutlé' dir'eene, kuungaásingá' taa lu'ús, tlawsé' baraá asltá baloó gwaa'aaká, tidá' taa amohhe'eés as Neetlaangw nee malaykeerós.

Matayo 25:46

Nee kukaáká' niri tlayá', niri dahamaá ayá' baraá sakwasleemár alhhe'eesay wasl. Ala mukdá' hota ganaá' tan dahamaá áy baraá slafíngw alhhe'eesay wásl.»