WARA'AMI 28:2 - Biblía Axweesantá Hhohho' ar Mungú 2004

² /Aa/ee'eé' iiárií qaaseek qoomár bar alee/isoó fiririím, dabaaeé' bira gáwtí tleés amór Do'ók kudá' hhoohhoó'.

Ya/abtór hho' 1977

² /Aa/ee'eé' iiárií qaaseek qoomár bar alee/isoó fiririím, dabaaeé' bira gawtí tleés amór Do'ók kudá' hhoohhoó'.

WARA'AMI 28:2 Iomraidhean Croise

1 WAAWITÁ 6:19

Baraá kutuwidá' ak hhoohhooe Solomon dii gana amohhe'eés as kahhó' sandakmooduú alqadór AAKOÓ MUNGÚ nguwa baraadií qaasi.

1 WAAWITÁ 6:5

Koo/ír do' gana harweér ar kutuwaay, kuká' tina oohiyé' nee koo/ír do' umuúqo diiro ar doó saalingo nee ar do'duú baraá guruú do' i diriia. Kutuwoó bihhér do' guna tleéhh bihhe sleémeerowo.

1 WAAWITÁ 8:38

na'ás gár mukók Israeli naaqo firini ya/aameek, laqaá tidá' umuúqo heewo naa firín, laqaá mukók oo Israeli sleémeero. Umuú heewo bar slahh'amuú baraá muunaáwós ngwaa xuú' bar ugwa firín dabaawós gaa tleés amoorók, iiárií qaaseek.

2 QOM'I 6:13

Solomon /aampa gaa tleéhh ar muqslár sirda/aten, gay qaás tla/ángw afeeni, tlenaango nee uroó bihheero a miíta tsár ga ba/aabá/ uro bihhe, nee tlenaangw gawa a miíta wák ga ba/aba/. Inós iri tsa/án gawaá /ampaadá', iri tumbarara'aát dír geeraá boo/oó múk Israeli, dabaawós gay gáwtí tleés.

WARA'AMI 125:5

Ala kudaádá' naa warqaye' baraá lohaá tlakw, AAKOÓ MUNGÚ gi qwaarees dinkwa nee múk tlakweemá tlehhahhiít. Amohhooa masók i dír Israeli!

WARA'AMI 130:2

Aáko, afor'eé' iiárií qaaseek, Iiaawoge firor'eé' tí niwa slahhahhaa' axaaseek.

WARA'AMI 134:2

Dabaahúng gáwtí tleesaak amoodá' hhoohhoó' i alé, AAKOÓ MUNGÚ xirfayeemisaak!

WARA'AMI 138:2

Aníng kuúng u i tumbarara'aát tiwa qoomees ar afiqoomár Do'ók, kudá' hhoohhoó', án kuúng u sluufmiís as sla'aarirók ar warqawaaká nee inkihhimuuwoge, asma kuúng umuuwók nee axweesantók iga gár afhhamít tléhh ta mura' sleémeero.

WARA'AMI 140:6

AAKOÓ MUNGÚ una báw, «Kuúng an Munguúeé'.» Kuúng AAKOÓ MUNGÚ, afór firor'eé' iiárií qaaseek.

WARA'AMI 141:1

AAKOÓ MUNGÚ, án kuúng u ateét, hardaháng ar gaanslaay. Án kuúng bur ateetiím, afor'eé' iiárií qaaseek.

WARA'AMI 141:2

Firor'eé' ilaooheek adór mooyángw tsuú'. Dabaaeé' ngi amoorógií tleés adór ilahhooár muruú ta tsu/i ar tsiindo.

WARA'AMI 143:6

Dabaaeé' iga tleés amoorók i ale, an firiiriím. Muunaáeé' kuúng una sa waxiít, adór yaamaá naa xawslitiye'.

WARA'AMI 5:7

Ala as yaareemaá sla'aarirók ar warqawaaká, aníng an dáh baraá Do'ók oo hhoohhoó'. Ar ilaiwa/ameero un i tumbarara'aát, uri sluufiís baraadá' wa ale.

WARA'AMI 63:4

Án kuúng un diidi'iimiís baraá slafingw'eé' sleémeero, dabaaeé' i gáwtí tleés as kuúng uwa firiim.

WA/AA/I 2:19

Xweera sleémeero daarakimiít, /aa/amiím, dír xuumár xweera ira iimu/uundiiká! Kángw baraá muunaáwók faakeek kaahaango dír geeraá Aako! Dabaawók amoorós ti tles as slafíngw na/iiwók kuwa aleefiriin, kudá' /araaramá' as qwari baraá lohdu.

DANIELI 6:10

Danieli ngiwa tsaáhh waawutmo duguno gwaa qaás, inós iri kií/ amór do'ós kuduú qorofa, baraá kutuwirós tidá' pa/eeriwós taa kiís i amór Yerusalemúr ga/ayá'. Danieli umuú deelooro in tumbarara'amamiit looár wake sagaáwa tám, as Munguúwós nguwa firiirin nee nguwa sluufmiisi adoodá' /iisí i /imaamisi.

DANIELI 6:11

Aluuwo mukdá' Danieli gwa geewaqaat niri dahiyé' baraá dó' i alé, naxés Danieli i Munguúwós firiirín nee gun i /aa/amín.

1 Timoteo 2:8

Gár án ni slaa' hhawaate masók an múk daba' hhohhó' nee oo buhhabuhhaaká nee múk tlaampa'aamisaaká. Ala umuúqo diiro hhawaataá adoorí masók dabaaín ngin gáwtí tleemisiyá' baraá firooro.