WARA'AMI 28:1 - Biblía Axweesantá Hhohho' ar Mungú 2004

¹ AAKOÓ MUNGÚ, án kuúng u i /aa/amiím, kuúng a dír guway'eé'. Iiárií qaasáng ma xasliitaar. Bira mu/aywatsiká, aníng a slaqás, nee mukdá' aa qaatl iri /eét baraá gi'i.

Ya/abtór hho' 1977

¹ AAKOÓ MUNGÚ, án kuúng u i /aa/amiím, kuúng a dír guway'eé'. Iiárií qaasáng ma xasliitaar. Bira mu/aywatsiká, aníng a slaqás, nee mukdá' aa qaatl iri /eét baraá gi'i.

WARA'AMI 28:1 Iomraidhean Croise

YOBU 33:28

Mungú hhiintluueé' nguna afkú bohóngw wa ba/amís, hamí a slafíngwí kaáhh, ilaawo a xumiís.›

WARA'AMI 142:1

Án ar afor'eene AAKOÓ MUNGÚ un ateetiím, un fiririím as iwa /iisi.

WARA'AMI 142:2

Aníng an dirósí qununuú/, slahh'amueé' sleémeero un dirósí oiím.

WARA'AMI 143:7

Áx AAKOÓ MUNGÚ, gaansluutáng, án mu/aywatsáng, aga mune sií'. Aníng mi alaá xu'usar, mawa /eét adór kudá' /e/etimá' baraá gi'ií ale.

WARA'AMI 18:2

AAKOÓ MUNGÚ an baqmor'eé', nee ba/amusmooeé', an Munguúeé' oo ni i gogoow. Inós aníng in baaq adór gaambór wa ale, in aleekalaa/ iri ba/amis, aníng ti saxmaár dirose.

WARA'AMI 22:2

Xáy, Munguúeé', án a /aa/amiím tlaatla/aango, ala kuúng iga mu/aywatská, nee qoomár xweeraawo a /aa/amiím ala amohhooa a slaslawaaká.

WARA'AMI 3:4

AAKOÓ MUNGÚ un ateetiím, inós i mu/aywaats iimír tloomarós ar hhoohhoó' wa ale.

WARA'AMI 30:4

AAKOÓ MUNGÚ i daa'aak, kuungá' mukós kudá' inkihhím, umuuwós oo hhoohhoó' diidi'iimisaak.

WARA'AMI 30:9

Án bara gwaá' kuúng gár ta sleer a milá? Án bara /eét baraá gi'i kuúng gár ta sleer a milá? Gi'i kuúng u sluufmisiía? Gi'i inkihhimuuwók ngu alki/iitiía?

WARA'AMI 35:22

Ala kuúng tí aga aán! Ma xasliitaar! AAKOÓ MUNGÚ, ma saweesaar dir'eene!

WARA'AMI 39:12

AAKOÓ MUNGÚ, firor'eé' axaaseek, /aa/ee'eé' iiárií qaaseek, ma xasliitaar qoomár bar /aa/amiím! Asma aníng a dahaaymoowók oo waaraáhh, aausmo adór baabi'iieé' sleémeero.

WARA'AMI 42:9

Mungú, tlaa/ar'eé' un baw, «Asma milá misa gunqaarés? Asma milá mas taamberuús ar tsuunqumis, wakusmo iwa baramaanuusi?»

WARA'AMI 5:2

Afór /aa/ee'eé' axaaseek, Aakoó Munguúeé' nee Waawutmooeé', asma kuúng an kudá' án ni fiririim.

WARA'AMI 69:15

Duxér ma'aay aníng miwa hayót, tam iloodaá tlawi aníng miwa gu/iyé'. Gwa'ara sleeme pa/asek aníng miwa ar tleér.

WARA'AMI 77:1

Mungú un i /aa/amiím ar afór ur, un i /aa/amiím as kahhó' inós aníng iwa axaasi.

WARA'AMI 83:1

Aá Mungú, kuúng ma xasliitaar, Aakoó Mungú, kuúng ma dirógií xasliitaar.

AXWEESANOÓ SAGALOOA 1:12

Kiri slafiingw gu/aán adór gi'í wá ale, sleémeero in qwaareesaán, adór múk aa /eet baraá /aanta.

ISAYA 26:4

AAKOÓ MUNGÚ na harahhifeek ay kureeraá kureér, asma AAKOÓ MUNGÚ, an tlaa/ár alhhe'esay wasl.

ISAYA 38:18

Asma baraá gi'iwo heé kuúng u sluufiís i kaahh, tam baraá gwa'araro heé kuúng u xirfayeés i kaahh, mukdá' sleémeero aa baraá gi'ií /eet inkihhimuwók ngu harahhifiaaká.

Geehhoeemaá 20:3

guri kwaáhh baraá bohongwdá' aa tsaree'. Bohongwdá' guri tseék, guri dugnií qaás, as inós múk xoordu munguwa malé al/agín ay dír kureeridá' kumuú wák i boo/iya'. Ala aluuwo gár kuwa hariím a kun gweer har qoomár niinawe.