WARA'AMI 27:6 - Biblía Axweesantá Hhohho' ar Mungú 2004

⁶ Hám daxta aníng a kwereeaaká, ti axmaamiis gawaá daanduú wakuuser'eé' tidá' iga harwet. Aníng ilahhooár muruú ta tsu/i an haniís baraá heémár Mungú wa ale ar bara/.

Ya/abtór hho' 1977

⁶ Hám daxta aníng a kweree'aaká, ti axmaamiis gawaá daanduú wakuuser'eé' tidá' iga harwet. Aníng sluufoó bara/ nguri duúx baraá heémár Mungú i ale, AAKOÓ MUNGÚ nguri xirfayeemiís ar daa'aangw.

WARA'AMI 27:6 Iomraidhean Croise

IIMU/UUNGW 40:13

Alaá deelo tame waawutmo Farao kuúng u gweer baraá tseegmooro, uri ki/is baraá gadiyeérók i alé, nee kuúng isaangi a dabaawós i hanís, adoodá' aáng ta tlehhahhit, tawa heé úr oo muruú wahángw waawutmo.»

IIMU/UUNGW 40:20

Bál tám iwa xeér, slám baalaarí a deelór ur ar waawutmo Farao kuwa laqwaál, waawutmo Farao sagadiyuuseerós sleémeero gari deelór qwal/uú úr i tleéhh. Nee sagadiyuuseedá' tsaraawo gari dír geeraawósií ateét.

2 SAMUELI 22:1

Daudi /aymi'iikaá daa'angwí giri oó' dír AAKOÓ MUNGÚ, baalaadá' AAKOÓ MUNGÚ nguwa ba/amís baraá dabaá wakuuseerós sleémeerowo, nee baraá dabaá Saulowo. Iri oó',

2 SAMUELI 22:49

Kuúng iga ba/amís dír wakuuser'eene, iga iia tleerés dír kudá' iga kaángwí si'ii'i, iri amór saáwí amohhe'és dír kudá' sage gawdene.

2 SAMUELI 7:9

Iimír qoomaadae aníng nee kuúng a dinkwa, amór taqo keera nee wakuuseerók ana geeraawógi hhaamiís, án kuúng u iia tleereés adór múk hatlá' oo urén baraá yaamuwo.

2 WAAWITÁ 25:27

Kurkú mibeeri tám nee tsár Efil-merodaki waawutmoó Babuloni waawuti'iima gana iimu/ún, kurkuduú kilae Yehoyakini waawutmoó Yuda guri gurtláy, kunguna duúx baraá doó tseegamór wa alé. Tí iwa tleehharút bál mibeeri tsár nee faanqw slahhángw mibaá nee tsár. Kurkú mibeeri tám nee faanqw iimír Yehoyakini kuwa tseék.

1 QOM'I 22:18

Daudi iri oó', «Ahaá AAKOÓ MUNGÚ, Munguúhúng, i dinkwa nee kuungáeéke? Ahaá kuungá' naa waydií haniisikáhe bihhe sleémeero? Inós yaamuloouusér yaamuuká' ngina qaás baraá dabaeé', daxta taa hanisiyé' dír AAKOÓ MUNGÚ nee mukós.

WARA'AMI 107:22

Inooín ngu sluufisiye' ar ilahhooár muruú ta tsu/i, nee tlehhmi'iiwós ki alki/iiti ar daa'ángw qwala/.

WARA'AMI 110:7

Waawutmo ma'aá duxuú afaá loohi giri wah, iri durbín asma iwa baalín.

WARA'AMI 119:108

AAKOÓ MUNGÚ, firor'eé' ar sluufaay ilaooheek, nee adoodá' kuúng ta kat intsaahhatisang.

WARA'AMI 138:5

Inooín tidá' kuúng ta tlehh kan xirfayees ar daa'aangw. AAKOÓ MUNGÚ, kuúng tu ló'wa xiríf.

WARA'AMI 21:1

AAKOÓ MUNGÚ, waawutmo /uuruudá' taa hanís gu sa qwalalaa/, i ló'wa qwalalaa/ as alee/isaywók.

WARA'AMI 21:13

AAKOÓ MUNGÚ, atén kuúng u xirfayeemisaán as /uuruuwók. Atén a daa'aán nee /uuruuwók u xirfayeemisaán.

WARA'AMI 3:3

AAKOÓ MUNGÚ, kuúng aníng in báq dír tsaxwawo adór gaamboót. Kuúng an xirfuueé' nee kudá' aníng i pihháy hanmiís.

WARA'AMI 3:4

AAKOÓ MUNGÚ un ateetiím, inós i mu/aywaats iimír tloomarós ar hhoohhoó' wa ale.

WARA'AMI 47:1

Kuungá' muu sleémeero tsa/i'i tahhaak, Mungú diidi'iimisaak ar daa'ángw bara/.

WARA'AMI 57:8

Garmoó heewí, tlawáng, seése nee gidaandoóri, tlawaaré'! A daa'aán as da/aáw iwa daa/atuur.

WARA'AMI 81:1

Mungú baqmoorén i daa'aak ar afór ur, Munguú Yakobo sabaraa/aak.

WARA'AMI 95:1

Qwalaasé', AAKOÓ MUNGÚ u sa daa'aán, qwalaasé' a daa'aán ar afór qwal/uwo aa hats amór tlaa/ár atén taa ba/amis.

ISAYA 12:6

Tsee'é' nee daaé' ar qwala/, kuungaá yaamuloouusér Siyoni. Asma oo muruú urén gu tlehhiít tla/angwhunge, a Mungú, kudá' Hhoohhoó' oo Israeli.»

YEREMIA 31:7

Asma AAKOÓ MUNGÚ i kaahi, «Daaé' ar qwala/ as múk Yakobo, ururu'uumisé' asma xoorór ur, kaangwí ilahanisaak, baraa/é' tawa kata', ‹AAKOÓ MUNGÚ mukós gwa ba/amís, mukduú Israeli aa meet.›

YEREMIA 33:11

afór qaseengw nee ar bara/ a malé axasá', nee afór ni/imár /ayla, nee afór daa'ángw múk ilahhooár sluufoó huwahuúw dír doó AAKOÓ MUNGÚ ar kah, ‹AAKOÓ MUNGÚ Aleesleemusmo sluufmiisaak, asma AAKOÓ MUNGÚ ku hhoó'. Sla'aarirós ar warqawaaká in kumaamít ay alhhe'eesay wasle.› Aníng yaamuuká' i diihhooar'ín tidár aángií ki/ís. Anuú AAKOÓ MUNGÚ tí ngina oó'.»

SEKARIA 9:9

Kuungaá múk gixsár Siyoni qwalaala/é', kuungaá múk gixsár Yerusalemu baraa/é'. Ga/aawaak waawutmoohúng ni amorhúng i hardah, nin hardah ar bara/ nee arba/ati, ku tsatsa'aár, aa tsa/án gawaá daqwaay, gawaá gwarendmoó daqwaay, na/oó daqwaay.

Ebrania 13:15

Gawaá adoorihe atén masók Mungú un ilahhooarén ar muruú ta tsú/í hanmiisaán ar loohír kuwa xirfayeemisaan umuúqo daqto ar loohír Yesu. Gídaabárós a Mungú un xirfayeemisaán ar afeerén.

1 Petro 2:5

Kuungá' kilá' sleeme masók a adór tlaa/aá slafá', tundu tleehhi tawa doó qeeru tleehhita'. Kuungá' masók a kaahamuusér Mungú ar hhohho', nee ilahhooár qeeru ar muruú ta tsu/i kawa huba', tidá' ta ya/an nee Mungú ar loohír Yesu Kristo.

Geehhoeemaá 15:3

Nee slám inooín daa'ángw ta daai oo Mose, sagadiyusmoó Mungú, nee daa'ángw Deelmoó bee/i, ta kaahi, «Aakoó Mungú, Aleesleemusmoó mura' sleémeero, tlehhemi'iiwók ki uren, nee i waa/oo/amór koná'. Waawutmoó xoordu sleémeero, kuúng lohuwók i ganaaiyá' nee slám awa ló'.

Geehhoeemaá 5:9

Inooín daa'ángw /abén ngun daaiyá', tawa kaahi, «Kuúng a hariín kitaábu kuwa taatahh nee dugeeniiwós kudá' ki qaás kiwa gwet, asma kuúng tuna gaás, nee ar tseereeroge muu una tláxw as Mungú, múk umuúqo tlahhaywo nee umuúqo tsifriro, nee umuúqo mar'eefo nee umuúqo xoorooro.