WARA'AMI 27:13 - Biblía Axweesantá Hhohho' ar Mungú 2004

¹³ Aníng a haratlintatií' niwa hoot ay dír hhooeemaá AAKOÓ MUNGÚ ngay ar baraá yaamaá múk slafa.

Ya/abtór hho' 1977

¹³ Aníng a haratlintatií' niwa hoot ay dír hhooeemaá AAKOÓ MUNGÚ ngay ar baraá yaamaá múk slafa.

WARA'AMI 27:13 Iomraidhean Croise

YOBU 28:13

Sagalooa adór kar afhhamít hee ga xuiiká, sleeme baraá yaamaá múk slafa a aandaaká.

YOBU 33:30

As kahhó' hhiintluú hee nguwa afkú bohóngw wa way'aasi, as kahhó' heedaádá' gwa/aateemaá slafiingw ngiwa ari.

WARA'AMI 142:5

AAKOÓ MUNGÚ, án kuúng u ateetiím, kuúng an dír guway'eé' ar saxmaar. Kuúng una gurií baá/ ta umuú gaaro baraá slafingw'eene.

WARA'AMI 142:6

/Aa/ee'eé' iiárií qaaseek, asma aníng taa ló'wa waaqaá'! Baraá dabaá baramaanuuseero tu/áng, asma i /uuruú koná' ta aninge.

WARA'AMI 31:19

Hhooeemaawók adór kir úr, kudá' taa qás as mukdá' kuúng u ilaiwawaá/, kudá' taa tléhh dír mukdá' kuúng u i gogoowa, dír geeraá muko.

WARA'AMI 42:5

Aníng gár nis gurhamuut a milá? Nee mahar amoqwaqwadiím baraaeene? Mungú un harahhiíf, asma aníng u malé xirfayeés, kuduú alee/isusmooeé' nee Munguúeé'.

WARA'AMI 52:5

Ala Mungú, kuúng u fadu giqáy ay alhhe'eesay wasle. Un dafiit baraá do'ók wa ale, un amór saáw i kwaahh, un hingees baraá yaamaá múk slaáf wa ale.

WARA'AMI 56:13

Asma aníng iga ba/amís baraá gwa'araaro. Eeít, ya'aaeé' ina báq mawa huú', as niwa hoot ar gwa/aateema baraá slafingo, dír geeraá Mungú wa aleeró.

WARA'AMI 56:3

Qoomár bara da'ayuút, án kuúng un harahhiíf.

ISAYA 38:11

Ana oó', Aníng AAKOÓ MUNGÚ u sangw baloó araaká, baraá yaamaá múk slafa tam heé ni ar inqo kaahh, baraá tla/ángw yaamuloouusér daanduú yaamuwo.

ISAYA 38:19

Múk slaáf kilós an kudá' kuúng u sluufiís adoorí aníng laarí ni /imiis xwayliité inkihhimuwók guri dír na/ii'íní alki/ít.

YEREMIA 11:19

Ala aníng an adór deelmoó bee/i kudá' tsatsa'aár oo ta gaasár ay. Aga xuiiká adór aníng tir gaasár wa slaá', tawa kaahi, «Xa'anoowí u hhitiimaán dinkwa nee mamuuwose. Un amór saáwií kwahhaán baraakaá yaamaá múk slafa. Umuuwós mukuwa baloó insláy malé alé.»

ESEKIELI 26:20

Aníng kiíng in /aytiís baraá bohoongw as iwa haragaas amór mukdá' baraadá' i dirií', kuduú aáng. Tari baraadá' wa hót ay alhhe'eesáy wasle, múk baraawók i hotaá áw i kaahh, nee pa/aangw u sleeraaká baraá yaamaá múk slafa.

2 korinto 4:1

Gadiyeérí atén ta tleehhaan Mungú ngina atén i haniís as gurtleemuuwós. Gawaá adoorihe atén a mune siaanaaká.

2 korinto 4:16

Gawaá adoorihe atén a mune siaanaaká. Asma slaqoorén i hhitirumitiyá', ala tam adoorihe atén ti /abeemií ki/imis baraá muneerene umuúqo deelooro.

Efeso 2:8

Gár tundusa ba/amís a gurtleemuú Mungú ar loohír haratlintaao. A gadiyérhungeeká, ala a gár Mungú naa tawó haniís.