WARA'AMI 26:11 - Biblía Axweesantá Hhohho' ar Mungú 2004

¹¹ Ala aníng ti daba' hhohhó' baraá hotaaeene, án gurtlawáng nee ba/amisáng.

Ya/abtór hho' 1977

¹¹ Ala aníng ti daba' hhohhó' baraá hotaaeene, án gurtlawáng nee ba/amisáng.

WARA'AMI 26:11 Iomraidhean Croise

NEHEMIA 13:14

Aá Munguúeé', án inslawáng baraá muruuwihe, tlehhmi'iieé' kudá' hho' naa tleehhahhiít as do'ók nee as gadiyeérók mi fitsaar.

NEHEMIA 13:22

Múk tlahhoó Laáwi una ádbáw tiwa kilooín hhohhoeesiya', niwa hardihiya' afér gixsa ngiwa xuna deelór Sabaátór hhoohhooe. Munguúeé', án inslawáng, tam tihe, gurtlawáng ar harqoomoó yaareemaá sla'aarirók tidá' warqawaaká.

NEHEMIA 13:31

nee ilahhooár migír ngiri oó' kingiwa huwi qoomaadá' hariima nee bu'úngw geera. Aá Munguúeé', án inslawáng as iwa hhooeemáy tlehh.

NEHEMIA 5:15

Ga/aawuuseedá' aa giiriin a huwaá ilo' dír muko as iwa muruú /aymár iinuusiya', nee difaáiro dinkwa nee shekeéli mibeeraá tsiyáhh ar peésa, slamí sagadiyuuser'ín muu guna sawaawuti'iín. Ala aníng adoosíng aga tleehhiiká, asma aníng Mungú u ilaiwawaá/.

YOBU 1:1

Heeko i deer, oo baraá yaamaá Usi. Inós a heé hhoó', oo gan'amuú tlehhahhiít, heé Mungú ilaiwawaá/, nee oo tlakweemaá sla'aaká. Heewí umuuwós a Yobu.

WARA'AMI 101:2

Gár slahhaa' dir'eene a slafíngw dakuús wásl, aníng an hoót ar gan'amu baraá dooeene. Kuúng xaylá ni amor'eé' hardat?

WARA'AMI 26:1

Aá AAKOÓ MUNGÚ, án aleekalaa/áng, asma aníng baraá hotangw'eene ti daba' hhohhó', nee aníng AAKOÓ MUNGÚ una harahhiíf ar xure wasle.

WARA'AMI 49:15

Ala Mungú aníng in tuu/ baraá /uuruú gwa'araro, nee inós aníng in ilaoh.

WARA'AMI 49:7

Ar looeemawo hee kilós ba/amisaro ti aleeslayká, tam gár i haniisi kitángw slafiingose i káhh dír Munguhe.

WARA'AMI 69:18

Aníng haratseewuwáng, tu/áng. Gweeráng baraá dabaá wakuuser'eene.

ISAYA 38:3

iri oó', «Aá AAKOÓ MUNGÚ, án kuúng u harhheehhe'eés, na'amaamís, adoodá' aníng kuúng ura sagadiyumaamiís ar inkihhimu inslaweek, slám ar muunaáeé' sleémeero, nee muruú qoóm una tlehhahhiít dír geeraawoge.» Hesekia Mungú guri ló'wa ii /aa/amín.

Luka 1:6

Inooín tsaraawo a múk hota ganaá' dír geeraá Munguhe, hara'ayár Aako sleémeero kana óh, nee axweesantós adoodá' ir hariin.

1 Tesalonike 2:10

Kuungá' a lamabu'uuseerén, tam Mungú sleeme, adór atén tara tla/ángw kuungaásingaá haratlintaauusér wa hootaán ar slafíngw hhohhó' nee oo ganaá', nee slám aga dakuusaniiká.

Tito 2:14

Inósuú kilá' slafiingós nguna haniís as daandeemoorén, as atén tiwa ba/amisi baraá tlakweema sleémeerowo, nee atén tiri múk hhohhó' tleehh, nee tawa mukós kudá' tlehhema'aá hhohho' ngi tlehhiitá' ar ilakaaharu.