WARA'AMI 26:1 - Biblía Axweesantá Hhohho' ar Mungú 2004

¹ Aá AAKOÓ MUNGÚ, án aleekalaa/áng, asma aníng baraá hotangw'eene ti daba' hhohhó', nee aníng AAKOÓ MUNGÚ una harahhiíf ar xure wasle.

Ya/abtór hho' 1977

¹ Aá AAKOÓ MUNGÚ, án aleekalaa/áng, asma aníng baraá hotangw'eene ti daba' hhohhó', nee aníng AAKOÓ MUNGÚ una harahhiíf ar xure wasle.

WARA'AMI 26:1 Iomraidhean Croise

2 WAAWITÁ 20:3

«AAKOÓ MUNGÚ, án kuúng un harhheehhe'eés, adoodá' aníng kuúng ura sagadiyuús ar inkihhimu, nee ar muunaáeé' sleémeero inslaweek, nee tidá' dír geeraawoge qoom ana tleéhh.» Hesekia iri gurhaamuút iri /aá/.

YOBU 2:3

AAKOÓ MUNGÚ Neetlaangw guri báy, «Sagadiyusmooeé' Yobu ugwa aándi? Baraá yaamu sleémeero heé adór inós i kaahh. Inós a heé hhoó', oo gan'amuú tlehhiít, a heé Mungú ilaiwawaá/, tlakweema gi slaiiká. Inós aa ló'wa /aátl gan'amu nguwa tlehhiiti, tam kuúng aníng iga duki, as muruuwós nguwa tawó hhaamiis.»

YOBU 4:6

Ahaá, harahhifoorók a Mungú kuwa ilawawá/ke? Gan'amuuwók an gár kuúng taa haraahhífke?

WARA'AMI 121:3

Kuúng u mayká tawa dat baraá tsaxwáy alé, inósuudá' u xumxaxuúm i gufisiiká.

WARA'AMI 15:2

Aqo har kudá' daba' hhohhó', nee hota ganaá', kudá' looeemaá baraá muunaáwós ngi axweés.

WARA'AMI 21:7

Harahhifór waawutmo i gawaá AAKOÓ MUNGÚ, waawutmo ku hingeesiiká asma sla'aarír warqawaaká ar Munguú Gawa.

WARA'AMI 25:2

Aá Munguúeé', án kuúng una harahhiíf, mitiwa mureekeés. Wakuuser'eé' miwa arbá/.

WARA'AMI 25:21

Hhooeema nee gan'amu masók aníng in de'ená', asma aníng kuúng un harahhiíf.

WARA'AMI 26:11

Ala aníng ti daba' hhohhó' baraá hotaaeene, án gurtlawáng nee ba/amisáng.

WARA'AMI 28:7

AAKOÓ MUNGÚ a /uuruueé' nee gaambór aníng i baaq. Inós un haratlintií' ar muunaáeé' sleémeero. Aníng ina alee/iís niri qwalaá/ baraá muunaáeene, un sluufmiís ar daa'ángw qwala/.

WARA'AMI 31:14

Ala aníng kuúng un harahhiíf, AAKOÓ MUNGÚ, «Kuúng a Munguúeé'.»

WARA'AMI 35:24

AÁKO waáy, Munguúeé', kuúng a gan'amuú koón. Adór án tar heé hota ganaá' waahheek. Wakuuser'eé' ma algeemawaar aníng iwa niqimis.

WARA'AMI 37:31

Dabér Munguúwós i baraá muunaáwós i dirí'. Baraá hotaangose tlakweema gi tleehhiiká.

WARA'AMI 4:5

Ilahhooár ganaa' ar muruú ta tsu/i hanmisaak, nee AAKOÓ MUNGÚ na harahhifaak.

WARA'AMI 43:1

Mungú, án aleekalaa/áng, án aleeawáng dír múk gurtleemuú koomaakahe, wangexwaaráng dír múk al/aymuuse nee oo tlakwe, kudá' gan'amuú koomaaká.

WARA'AMI 54:1

Mungú, na'ás, án ba/amisáng ar umuuwók, án aleekalaa/áng ar aleesleemuuwók.

WARA'AMI 62:2

Inós kilós an tlaa/ar'eé' nee ba/amar'eé', a koo/ír gawit ar iga harwet, ti baloó dingisiiká.

WARA'AMI 62:6

Inós kilós an tlaa/ar'eé' nee ba/amar'eé', a koo/ír gawit ar iga harwet, ti baloó dingisiiká.

WARA'AMI 7:8

AAKOÓ MUNGÚ, kuúng xoordu in sakwasleemút. Aníng sakwasleemuutáng ar gan'amuueé' nee adoodá' aníng wa hariim.

WARA'AMI 94:18

Aníng niwa oó', «A huuhu'uúm,» sla'aarirók ar warqawaaká ina gáwtí koón, AAKOÓ MUNGÚ.

AXWEESANOÓ SAGALOOA 20:7

Heé hota ganaá' nee oo tsaeemár hotaatiím, Na/iiwós ki tsuuq aluuwose.

AXWEESANOÓ SAGALOOA 29:25

Muu bur da'ayumít a dát baraá tsaxwa Ala heé AAKOÓ MUNGÚ gu harahhiíf ku amohhoó'.

2 korinto 1:12

Gaarí an gár atén tir xirfayeemisaan, muneerén atén ti lamabu'uún adór atén tara hootaán baraá yaamuwo, ak alé dirhunge. Atén ana hootaán ar hhohhoaari nee ar muunuú /awaák. Muruuwí amór i dahhi a amór Mungú, asma atén aga hootaniiká ar sagalooár heeuuma, ala ana hootaán ar tsuuqaá Mungú.

Ebrania 10:23

Harahhifoorén tidá' taa lamabu'uumaán ka oohaán nee mawa baloó geexawaán. Asma Mungú al'axweesantós ngaa haniís, nee inós i inkihhimuú kón.

1 Petro 1:5

Kuungá' tundun de'én nee /uuruú Mungú ar loohír haratlintaao, as ba/amadá' taa qaroó amohhe'eés kawa ilaota', tidá' tindi geehhooeesi bál deelór alhhe'eesaywo.

2 Petro 1:10

Gawaá adoorihe, hháe, ilakaaharu ló'wa tleehhaak as ateetamorhúng kawa gawdesa', nee tsawdorhúng. Ala kuungá' bar aga hoté' ar adoorí, kuungá' daqaní gár dirhunge dukutsmo tleehhiit i káhh.

1 SAMUELI 2:9

«Inós mukós oo hhohhó' gun de'én, ala tlakuuse gan kwaahh baraá giwti, asma heé /uuruuwo baaliím i kaahh.

1 SAMUELI 24:15

AAKOÓ MUNGÚ ti har'oohi, ti sakwasleemuti án nee kuúng. Inós kaangwí ngu alqaytsiti, nee aníng i alekalaa/i baraá axweesanay'eene, nee i ba/amisi baraá dabaawoge.»