WARA'AMI 25:9 - Biblía Axweesantá Hhohho' ar Mungú 2004

⁹ Múk tsaén Mungú gu geerahaar baraá hotaá ganaa'a'a, múk tsaén gu intsaahhatis loohirose.

Ya/abtór hho' 1977

⁹ Múk tsaén Mungú gu geerahaar baraá hotaá ganaa'a'a, múk tsaén gu intsaahhatis loohirose.

WARA'AMI 25:9 Iomraidhean Croise

WARA'AMI 119:35

Geeraharáng hara'ayarók ngi óh, asma baraawose qwala/ un slasláw.

WARA'AMI 119:66

Tsaahhár i haniisang nee sagalooa, asma hara'ayarók a haratlintatií'.

WARA'AMI 143:10

Kuúng a Munguúeé'. Intsaahhatisáng ar kuúng ta sla' ngiwa tleehh. Qeeruuwók kudá' hhoó' án i geerahari, ar baraá loohír qoom!

WARA'AMI 147:6

AAKOÓ MUNGÚ múk ti niinaweemiís gun gáwtí oh, ala kudaádá' sagegawden gin naasúy yaamií ale.

WARA'AMI 149:4

Asma AAKOÓ MUNGÚ mukós gu sa qwalalaa/. Múk tsaén gun parootuus ar arba/ati.

WARA'AMI 22:26

Awa liitlakwen i /ayiná' niri aaxiyá', awa AAKOÓ MUNGÚ ngu leelehhiitá' ngu xirfayeemisiyá'! Inooín i hotaatine' ay alhhe'eesay wasle!

WARA'AMI 23:3

Aníng in /uuruú /abén i hanmiis, nee in geeraharahaar baraá loohír ganaa'a as umuuwós.

WARA'AMI 27:11

AAKOÓ MUNGÚ, án kuúng intsaahhatmisáng loohiroge, nee geeraharáng baraá loohír ganaa'a, asma wakuuser'eé' i deer.

WARA'AMI 73:24

In geeraharaahát ar gurbu'uungók, aluuwo iri ilaót baraá xirfuuwók.

WARA'AMI 76:9

qoomár Mungú iwa sihhiít as sakwasleema ngiwa tleehhi nee kudá' baraá yaamuwo taa baramaanuusi ngiwa ba/amisi.

AXWEESANOÓ SAGALOOA 8:20

Aníng an hoót ar gan'amu nee tlehhma'aá ganaa'á' in eeharahár.

ISAYA 11:4

Ala ar gan'amuuwo narkuute gan sakwasleemuut, inós kudá' tsaén awa yaamu gi kasi tsaat ar adór qoom, nee inós muu gu slaahh ar /aymuú afkós, tlakuuse gan tsuu/ ar hinsluú afkós.

ISAYA 61:1

Aakoó MUNGÚ, aníng iga hatsiís qeeruuwose, asma AAKOÓ MUNGÚ iga tsawaár, as ya/abtór hho' ngiwa alki/iit dír narkuute. Inós iga ya/aáw kudá' naa munesi'iye' ngiwa gurkwa/as. Iga ya/aáw as kángw gweermo nguwa oo' dír kudá' taa tsegiít, nee ilaá taampu niwa qaytiya'.

ESEKIELI 36:27

Qeeruueé' nguri baraahúng i qaás, nee nuri intsaahhatís daber'eé' kawa eehada' nee kaahir'eé' kari iialooeesá'.

SEFANIA 2:3

AAKOÓ MUNGÚ leelehhaak, kuungásingá' tsatsa'aren sleémeero awa yaamu. Kuungaádá' hara'ayaarós aga eehade', gan'amu leelehhaak. Ti niinawese', doóqa tundu gurtláy bál deelór buhhtaá AAKOÓ MUNGUHE.

Matayo 5:5

Múk amohhoó' a kudá' tsaén, asma inooín yaamu ngi aaliyá'.

Yohana 14:6

Yesu iri oó', «Aníng an loohi nee looeema nee slafiingw. Heé naa dir'ér oohiiká, i amór Baabá i hardihiiká.

Tlehhema'aá ya/Abuuse 13:10

iri oó', «Kuúng a garmoó Neetlaangw, nee slám a háts al/ayma sleémeerowo nee tlakweema. Kuúng a wakusmoó gan'amu sleémeero. Kuúng lohaá Aako awa naa ganaaiye' paslimisuwo mis baloó meeraaká?

Tlehhema'aá ya/Abuuse 9:2

Barwadaá i huwi baraá gixsár Damasko, awa taa gooín amór maraá saaliingw, giri firín, as múk loohír Mungú gaa eehar oo aa sláy nguwa tsegiiti, nee nguwa huwi baraá Yerusalemu, ta hhawaate laqaá /ameena.

Galatia 5:23

nee tsaeema, nee harqoomaay. Gawaá daanduú muruú adór kwihe hara'aya i káhh.

Ebrania 10:20

Inós slaqwtós ngiwa haniís, loohír /aben gana gweér ar slafíngw koom. Atén an waaraahhaán ar loohirí, ar baraá baquuduú doó Mungú ay amór Mungú.

Yakobo 1:21

Gawaá adoorihe, slasla/aru sleémeero hingeesaak, nee tlakweema sleémeerowo. Axweesantadá' tinda baraá munerhúngií dahaás ilaoohaak ar tsatsa'areema, tidá' kuungá' ba/amisaro nu aleeslaw.

1 Petro 3:15

Ala Kristo na xirfayeemisaak baraá munerhunge tawa Aakoohúng. Umuúqo siiwaro kuungá' masók taa amohhe'esé' heé yaahamiís kuwa mu/aywatsa' ar adór hariim daanduú harahhifoodár baraahúngií diriia.

1 Petro 3:4

Ala hhohhoaarirhúng masók a hhohhoaaridár baraá muuná, tidá' geetlaakw, slám i hhitirutaká. A hhohhoaaridár muunuú tsatsa'aár nee amohhoa. An tidá' ló'wa afhhamít dír geeraá Munguhe.