WARA'AMI 25:21 - Biblía Axweesantá Hhohho' ar Mungú 2004

²¹ Hhooeema nee gan'amu masók aníng in de'ená', asma aníng kuúng un harahhiíf.

Ya/abtór hho' 1977

²¹ Hhooeema nee gan'amu masók aníng in de'ená', asma aníng kuúng un harahhiíf.

WARA'AMI 25:21 Iomraidhean Croise

WARA'AMI 26:1

Aá AAKOÓ MUNGÚ, án aleekalaa/áng, asma aníng baraá hotangw'eene ti daba' hhohhó', nee aníng AAKOÓ MUNGÚ una harahhiíf ar xure wasle.

WARA'AMI 26:11

Ala aníng ti daba' hhohhó' baraá hotaaeene, án gurtlawáng nee ba/amisáng.

WARA'AMI 41:12

Ala ar baraá hhooeemaeene kuúng aníng iga baraá dabaawógí ót, nee iga geeraawógí qás ay kureeraá kureér.

WARA'AMI 7:8

AAKOÓ MUNGÚ, kuúng xoordu in sakwasleemút. Aníng sakwasleemuutáng ar gan'amuueé' nee adoodá' aníng wa hariim.

AXWEESANOÓ SAGALOOA 11:3

Heé hota ganaá' kun geerahaar nee gan'amuuwós, Ala al/aymusmo ku qwaarees nee al/aymaarós.

AXWEESANOÓ SAGALOOA 20:7

Heé hota ganaá' nee oo tsaeemár hotaatiím, Na/iiwós ki tsuuq aluuwose.

DANIELI 6:22

Munguúeé' malaykamoowós nguna ya/aáw afér direeri gari tsegiít, inooín aníng adór iga /iisiyé' i káhh. Asma inós ga xuu' aníng ti dakuús wásl dirose, tam dír geeraawoge gár tlaakw aga tleehhiiká.»

Tlehhema'aá ya/Abuuse 24:16

Gawaá adoorihe muunaáeé' un harmagagaáhh daqisleém, as kahhó' ku hhoohhoó' geeraá Munguhe nee geeraá muko.

1 SAMUELI 26:23

AAKOÓ MUNGÚ heewós oo inkihhím gu amohhe'eemiis ar qoomoó inkihhimuuwós. Laarí AAKOÓ MUNGÚ kuúng una dabaaeé' qaás, ala aníng aga slaiiká dakw'eé' nguwa looloqoos gawaawók, asma kuúng a kudá' taa tsawaár, turi iimbalaáx ar di/i nee AAKOÓ MUNGÚ.