WARA'AMI 24:7 - Biblía Axweesantá Hhohho' ar Mungú 2004

⁷ «Kuungaásingaá afér gixsa, gweerita hhe'eesé'! Kuungaásingaá afér qaránqar, gweerité', waawutmoó xirfuú koóm i dahi!»

Ya/abtór hho' 1977

⁷ “Kuungaásingaá afér gixsa, gweerita hhe'eesé'! Kuungaásingaá afér qaránqar gweerité', waawutmoó xirfuú koóm i dahi!”

WARA'AMI 24:7 Iomraidhean Croise

2 SAMUELI 6:17

Naagáy sandakmoó AAKOÓ MUNGÚ kuri dahaás baraá heéma tidá' Daudi aa siíhh. Daudi ilahhooár da/a nee ilahhooár wayda gari haniís dír geeraá AAKOÓ MUNGÚ.

1 WAAWITÁ 8:11

Kaahamuusér Mungú gadiyeé gari harslaaqát as huunkidá', asma xirfuú AAKOÓ MUNGÚ Do'ós kudá' guna hatsiís.

1 WAAWITÁ 8:6

Kaahamuuse sandakmooduú alqadór AAKOÓ MUNGÚ guri dahás didá' kuwa hariím, didár baraá guruú do' ar doó Mungú, didá' ak ló'wa hhoohhoo', baraá guruú hhampa'aá slaqsi'iidaá keruúbi.

WARA'AMI 132:8

AAKOÓ MUNGÚ, sihhiitáng qwaláng amór do'ók kuduú hungu/umaawók, kuúng nee sandakmoó alqado, kuduú /uuruuwók gu laqaám.

WARA'AMI 21:1

AAKOÓ MUNGÚ, waawutmo /uuruudá' taa hanís gu sa qwalalaa/, i ló'wa qwalalaa/ as alee/isaywók.

WARA'AMI 21:5

Xirfuuwós ku úr asma kuúng una alee/ís, kuúng una iiatleerés kuri ilaiwa/amérí hanís.

WARA'AMI 97:6

Doori hhoeemaawós ngi alki/iitiyá', nee xoordu sleémeero xirfuuwós ngun ariyá'.

ISAYA 26:2

Afér gixsa gweeraak, as xoorór hota ganaa' iwa dat tidá' inkihhmúr hotatiim.

ISAYA 62:10

Kuungá' múk Yerusalemu, afér gixsaaro tsee/ay ti'iitaak, loohi amohhe'eesaak as muu. Loohír ur tleehhaak, tlaa/e hingeesaak, laya laqamaak as muu.

MIKA 4:8

Kiíng, tloomár múk Siyoni, baraawoge Aakoó Mungú i mukós de'én, adór de'eemusmoó gawaá /aampár wa xumiís amór bee/aangós i alé. Kiísíng gixsár Yerusalemu a malé gixsár ur tleehhít ar waawuti'iim malé alé adoodár aáng tara waawuti'iín.

HAGAI 2:7

Aníng xoordu sleémeero i daaraxaás, nee daqaari'iimár xoordu sleémeero kingi huuw baraá do'owí, aníng do'owí u hatsiís xirfuuwo. Anuú AAKOÓ MUNGÚ Aleesleemusmo tí ngina oó'.

HAGAI 2:9

Xirfuú alhhe'eesáy oo do'owí ku ak úr ta xirfuduú geeraawo, nee diirihe kuungá' nu diihhooárií haniís nee wayda, anuú AAKOÓ MUNGÚ Aleesleemusmo tí ngina oó'.»

MALAKI 3:1

AAKOÓ MUNGÚ Aleesleemusmo i kaahi, «Ga/aawaak, ya/abusmooeé' u ya/aáw, inós loohi gan amohhe'ees geeraaeé' wa alé. Aakoodá' ta leelehhita' in hardah baraá Do'ós i alé ar gaanslaay. Qaytsité', ya/abusmo kudá' ta daamaraandá' ar qwal/amaaye, ni hardah, as alqador'eé' ngiwa alki/iiti.»

Marko 16:19

Aako Yesu axweesantá dir'ín ngiwa hhe'eés, kurira tláy gawaá doori, iri iwiít dákw doó /iyáy oo Mungú.

1 Korinto 2:8

Múk aleesleemuú koóm oo baraaká' yaamu sagalooarí gaa tsaahhiiká. Asma inooín geera bar sagalooarí ngaa xuiyé', geera alók Aakoó xirif ngwa kikii'ii'iiká.

Yakobo 2:1

Hhaee'eé', kuungá' Aakoorén Yesu Kristo ugwa haratlintié', kudá' baraá xirfuú wa hoót. Gawaá adoorihe kuungá' bar alhotá' nee muu, barqaanti ma tlehhiitara'.

1 Petro 3:22

Inós ina tsa/án gawaá doori, iri iwiít dákw doó /iyáy oo Mungú. Malayke nee kudá' aleesleemuú koomá' nee kudá' /uuruú koomá' kaa gawaá dabaawósií qaás.

2 Petro 3:18

Kuungá' kumiité' tawa urareera' Aakoorén nee Ba/amusmoorén Yesu Kristo kuwa xua', nee tawa gawduura' ar loohír tsuuqaawós kudá' ni tawó hanmamiisi dirhúng i alé. Inós i xirfuuti iimír hamí ay alhhe'eesaay wasle. Amin.

Geehhoeemaá 4:11

«Kuúng Aakoorén nee Munguúrén, kuúng a hariín xirif kuwa ilaot, nee ilaiwa/ame nee aleesleemu. Asma kuúng mura' sleémeero una tléhh. Nee mura' sleémeero ina deeruút nee kuna tleéhh as sla'aarirók.»