WARA'AMI 23:5 - Biblía Axweesantá Hhohho' ar Mungú 2004

⁵ Muruú /aymar'eé' un amohhe'és dír geeraá wakuuser'eé', sagw'eé' un iimbaláx ar di/i, slooqmooeé' kway hatsís, iri waa/.

Ya/abtór hho' 1977

⁵ Muruú /aymar'eé' un amohhe'és dír geeraá wakuuser'eé', sagw'eé' un imbaláx ar di/i, slooqmooeé' kway hatsís, iri waa/.

WARA'AMI 23:5 Iomraidhean Croise

YOBU 36:16

Mungú kuúng una duúx baraá slahh'amuuwo, uri huúw ay dír iintlaaxw ar tuwa ditsakusiiká, kuúng wahhana kari /ák.

WARA'AMI 104:15

Nee difaáír muunaáwós gu qwala/aas, di/tá gitsee/awós ngir soohhayesi, nee fa/ár /uuru ngur slay.

WARA'AMI 116:13

U ilahhooár difaáír i haniís asma iga ba/amís, nee AAKOÓ MUNGÚ un fiririím.

WARA'AMI 16:5

AAKOÓ MUNGÚ, kuúng an aalir'eé', kuúng muruú aníng ni slaa' ngun hanmís sleémeero. Slafingw'eé' i baraá dabaawók.

WARA'AMI 22:26

Awa liitlakwen i /ayiná' niri aaxiyá', awa AAKOÓ MUNGÚ ngu leelehhiitá' ngu xirfayeemisiyá'! Inooín i hotaatine' ay alhhe'eesay wasle!

WARA'AMI 22:29

Múk daara/uuse sleémeero baraakaá yaamuwo i tumbarara'aat dír geeraawós, tam kudá' sleémeero qatlá' nee kudá' slafingw'ín /iisaro ngu aleeslawa'aaká, ta tumbarara'aat dirós.

WARA'AMI 45:7

Kuúng gan'amu una slá', malgweét ana áhh, gawaá adoorihe AAKOÓ MUNGÚ, kuduú Munguúwók, kuúng una iimbalaáx ar di/i as uwa waawutmoó wa qaasi, una qwal/atís ta waawituú hatlae.

WARA'AMI 78:19

Mungú kuri biibisín tawa kaahi, «Xáy, Mungú muruú /ayma baraá xaanxaywo gu aleesláya amohhe'eesaro?

WARA'AMI 92:10

Ala kuúng aníng iga /uurií hanís adór kuduú saree/a, ina slík ar di/tá /awak.

WARA'AMI 92:11

Wakuuser'eé' aga ár ilaaeene, kiwa arbaá/, aníng iga i slaqwiyé' /aa/eeín iga axaás iaaeene.

ISAYA 25:6

Gawaá tloomár Siyoniro, AAKOÓ MUNGÚ Aleesleemusmo xoordu sleémeero gin muruú /aymár hhóí qaas, nee difaáír tsuua, nee fu'uunaá wahhaará' ló'wa ale, nee difaáír tsuu' ar ló'wa hhohho'.

AMOS 6:6

Kuungaásingá' difaáír wahaamá' ar isangaa'áy nee ti kiloohúng slikimá' ar di/tá mooyángw koom, ala a gurhaamuta'aaká daanduú qwanoó xwaylár Yosefuwo.

Matayo 6:17

Ala kuúng bara gwaawiín, sagók slikeek di/ito, nee gitsee/aawók ki hamátl.

Luka 7:46

Kuúng sagw'eé' ugwa di/tár slikiká, ala /ameenirí ya'aaeé' gina mooyángw ar slík.

Yohana 16:22

Ala dirhunge a adoorí sleeme, a gurhaamutá', ala án kuungá' nu malé ár, nee munerhúng iri qwalá/, nee qwal/uuhúng heé gu hingeés i kaahh.

1 Korinto 10:16

Xooslmooduú tsuuqa, kudá' atén ta tsuuqumaan bur ar wahaamaán, gár i huwahuwi a dinku'uumár tseerér Kristowookáhe? Mukatmoodá' ta qasmiisaan bur /ayaán, gár i huwahuwi a dinku'uumár slaqwtá Kristowookáhe?

2 korinto 1:21

Ala Mungú an kudá' atén nee kuungae taa gawdees baraá Kristo. Inós an kudá' atén taa paraatl.

Efeso 3:20

Mungú i xirfuuti, kudá' muruú waa/oo/amór yaariir gu tlehhiít ar /uuruudá' baraarén wa gadiyuús, ta kudá' sleémeero oo atén ta firiirimaana laqaá ta inslaslaawaana.

1 Yohana 2:20

Ala kuungá' tunda Qeeruú hhoohhoó' i haniís nee kudá' Hhoohhoó', gawaá adoorihe kuungá' mura' sleémeero u xuá'.

1 Yohana 2:27

Kuungá' tunda Qeeruú hhoohhoó' oo Mungú i haniís. Nee Qeeruuwí hhoohhoó' tinda kuungá' i haniís, inós bir baraahúng wa hoot, daqaní hee kuungá' gár nus intsaahhatimisi i káhh. Asma Qeeruudá' tinda kuungá' i haniís, inós mura' sleémeero ngu kuungá' i intsaahhatimis. Nee gár ni kuungá' i intsaahhatimisi a looeema, a lamtooká. Tidá' kuungá' nuwa intsaahhatimisi oohaak, ta baraawós wa hotá'.