WARA'AMI 22:6 - Biblía Axweesantá Hhohho' ar Mungú 2004

⁶ Ala aníng a naanagi, a heewooká, taa kángw i sií' tin waaqaqaa' nee muu.

Ya/abtór hho' 1977

⁶ Ala aníng a naanagi, a heewooká, taa kángw i sií' tin waaqaqaa' nee muu.

WARA'AMI 22:6 Iomraidhean Croise

2 QOM'I 14:11

Asa iri /aá/ dír AAKOÓ MUNGÚ, Munguúwós, iri oó', «Aá AAKOÓ MUNGÚ, diroge dimbé i káhh gár ta alee/iimis bar slaqwaruusér /uuruú koom laqaá ar daqatlakw. AAKOÓ MUNGÚ, Munguúrén, atén kuúng ti alee/is, asma atén kuúng ugwa harahhifaán, ar baraá umuuwoge atén naa slaqwarár awaán dír slaqwaruuseérí yaariir. Aá AAKOÓ MUNGÚ, kuúng an Munguúrén, ala kuúng ma ya/amaar nee hee tiwa tlampa'asa'.»

YOBU 25:6

Áx alók masasakmowuú hee a gár milá? Nee daxta an tsuuito'oorír heéwo!»

WARA'AMI 25:3

Ar ló', kudá' kuúng u harahhifá' tumu wák mukuwa mureekeés, ala kudá' al/aymár tlehhiitá' tawó alé i muruutiye'.

WARA'AMI 31:1

AAKOÓ MUNGÚ, án naa dirók i goów, as mitiwa baloó mureekeés ay alhhe'eesay wasle. Ar gan'amuuwoge án ba/amisáng.

WARA'AMI 31:11

Kudá' i baramaanuusá' ina gár niqaay tleehhiyé', dír inslaaway'eene tay gár dae tlaaq. Aníng a adór gár ta waki dír mulqer'eene, muu án bira ár baraá loohiro in gogoow.

WARA'AMI 41:5

Wakuuser'eé' i muruú tlákw i slá', tawa kaahi, «Kár, xaylá i gwaai? Nee xaylá umuuwós ku may?»

WARA'AMI 88:8

Iga parátl dír mulqer'eene, aníng aga adór gár dae tlaaq tleehhiít dir'ine, taa baraá dó' ii tseék, tam adór nir kotsqoot i káhh.

ISAYA 41:14

AAKOÓ MUNGÚ i kaahi, ‹Múk Yakobo kuungá' tam tundu daqe tlakwene adór tsuua, ma da'ayumitaara'. Kuungaá múk Israeli, AAKOÓ MUNGÚ i kaahi, án kuungá' nu alee/iís. Ba/amusmoohúng an Kudá' Hhoohhoó' oo Israeli.

ISAYA 49:7

AAKOÓ MUNGÚ kuduú ba/amusmoó Israeli, kudá' hhoohhoó' oo Israeli, i kaahi, heedá' xoordu naa aahhiyé' nee i waaqaqaiya' kuduú lawaalmoó geeraharuuse, «Waawitá kuúng u ar iri sihhiit, geeraharuuse gun kiloón i tumbararaa'át, as anuú AAKOÓ MUNGÚ kudá' inkihhimuú koóm, kudá' hhoohhoó' oo Israeli, kudá' kuúng ugwa tsawaar.»

ISAYA 53:3

Kuna waaqaqaá' kuri sií' nee muu, inós an heé gurhaami nee slahh'amu. Inós a adór heé muu iwa nahhmiiti, kuna waaqaqaá', atén kuri gaárí xuaaniiká.

WA/AA/I 3:30

I ya/an tlaaqarmaawós kiwa muxi nee kudá' gu muúx, nee i ya/an kuwa tloqmiisi.

Matayo 11:19

Garmoó Hee nina hardáh i /ayín nee i wahán, tari oó', ‹Kwí a hheehhusmo, nee xuufiitusmo, mulqumoó ohomuusér koódi nee múk tlakuuse.› Ala sagalooár Mungú adór tar ló' kingina laqán nee tlehhemi'iiwós.»

Matayo 12:24

Ala múk Farisayo adoodá' ngiwa axaás tari oó', «Kwí bir neetlaamér duxun, gár ngir duxun a /uuruú Neetlángw úr kudá' ta bay Be'elsebuli.»

Yohana 7:15

Múk Yahudi tari waa/oo/amín tari oó', «Heewí sagalooár adór tí adór ngira sláy, inós bira soomuusiiká?»

Yohana 7:20

Boo/aydá' iri oó', «Ahaá, kuúng a neetlaamér koónda? Ahaá, heé kuúng u gaasár wa slaá' a heemá?»

Yohana 8:48

Múk Yahudi iri oó', «Ahaá, atén ar ló' aga ooániíke, tawa ooaán kuúng a heé Samaria, nee gídaabá a neetlaamér koón.»

Ebrania 13:12

Gaarí an gár Yesu kusa gaás dír tsee/aá afkú gixsár i alé, as kahhó' muu nguwa hhoohhooeesi ar tseereerós ar kilá'.

Geehhoeemaá 15:3

Nee slám inooín daa'ángw ta daai oo Mose, sagadiyusmoó Mungú, nee daa'ángw Deelmoó bee/i, ta kaahi, «Aakoó Mungú, Aleesleemusmoó mura' sleémeero, tlehhemi'iiwók ki uren, nee i waa/oo/amór koná'. Waawutmoó xoordu sleémeero, kuúng lohuwók i ganaaiyá' nee slám awa ló'.