WARA'AMI 22:5 - Biblía Axweesantá Hhohho' ar Mungú 2004

⁵ Tuna i /aa/amín, tari ba/án, tuna harahhiíf kahhó' mikiwa mureekeés.

Ya/abtór hho' 1977

⁵ Tuna i /aa/amín, tari ba/án, tuna harahhiíf kahhoó' mikiwa murekeés.

WARA'AMI 22:5 Iomraidhean Croise

1 QOM'I 5:20

Inooín Mungú nguna harahhifiyé' nee alee/isaay ngway firiné' qoomár iwa slaqwiya'. Mungú firor'ín gay mu/aywaáts, inooín baali ngay slayé' dír múk Hajiri nee dír mukduú hatlae.

WARA'AMI 106:44

Ala tam adoorihe Mungú slahh'amuuín guna gaárí xuú', qoomár /aa/eeín ngiwa axaás,

WARA'AMI 31:1

AAKOÓ MUNGÚ, án naa dirók i goów, as mitiwa baloó mureekeés ay alhhe'eesay wasle. Ar gan'amuuwoge án ba/amisáng.

WARA'AMI 71:1

Án naa amoorók i goów, AAKOÓ MUNGÚ, án mitiwa baloó mureekeés.

ISAYA 45:17

Ala AAKOÓ MUNGÚ xoorór Israeli ga ba/amis ar ba/amár alhhe'eesay wasl. Kuungá' tundu murekesiiká nee tundu amoqwaaresiiká ay kureeraá kureér.

ISAYA 49:23

Waawitá uri sagadiyuus, waawitaáín oo /ameena kuúng uri /aymiis. Kuúng tu i tumbarara'aat turi ilaiwawaa/, teerír baraá ya'aawók kari naats. Daqaní kuúng kari xú' adór aníng tar AAKOÓ MUNGÚ. Kudá' aníng iga harahhifiye' ki mureekeesiiká.

YEREMIA 50:7

Umuú gár gaa harasliqiti gina /ák. Wakuuser'ín giri beer, ‹Atén ti tlakweeká asma inooín AAKOÓ MUNGÚ nguna sadakuusiyé', kuduú qawtantaín ar ló', AAKOÓ MUNGÚ kuduú harahhifór baabi'ii'ín.›

DANIELI 3:28

Nebukadnesa iri oó', «Munguú Shadraki nee Meshaki nee Abednego i xirfuuti, kudá' malaykamoowós ngwa ya/aaw as sagadiyuuseerós tidá' gwaa haratlinti' ngiwa ba/amisi. Hara'ayar'eé' tidár anuú waawutmo naa oó' ngiri tawo tleehhiyé' as haratlintaaor'ín, tari ya/án slaqooín kiwa slahh'eemisi ta mungú tawo nguwa sagadiyuusiia, ala aqo har Munguúín kilós.

Rumi 10:11

Asma Gooi i kat, «Heé inós gwa haratlintii' ku mureekeesiiká.»

Rumi 9:33

Adoodá' kara gooín, «Qaytsiít, aníng tlaa/anoó dukuutsmo u qaás baraá Siyoni, nee tlaa/ár muu gu daraahh. Ala umuúqo heewo oo inós gwaa haratlintii' ku mureekeesiiká.»

1 Petro 2:6

Asma Gooi i kat, «Ga/aaweek, aníng tlaa/ár ur ar do' ir gawduy, tidá' taa tsawaár nee ar afhhamít, a qaás gawaá Siyoni. Umuúqo heewo oo inós gwa haratlintii' ku mureekeesiiká.»

HAR'OHUUSE 4:3

Yabini gaardaá muqsla ngi kon a tsiire gwaleél. Inós xoorór Israeli gana baramaanuús ar /uuru kureeri mibeeri tsár, xoorór Israeli AAKOÓ MUNGÚ guri i /á/.

HAR'OHUUSE 6:6

Múk Israeli kuri ló'wa slahh'eemiís nee múk Midiani, AAKOÓ MUNGÚ nguri i /aa/aminé' as ngiwa alee/iisi.