WARA'AMI 22:26 - Biblía Axweesantá Hhohho' ar Mungú 2004

²⁶ Awa liitlakwen i /ayiná' niri aaxiyá', awa AAKOÓ MUNGÚ ngu leelehhiitá' ngu xirfayeemisiyá'! Inooín i hotaatine' ay alhhe'eesay wasle!

Ya/abtór hho' 1977

²⁶ Awa liitlakwen i /ayiná' niri aaxiyá', awa AAKOÓ MUNGÚ ngu leelehhiitá' ngu xirfayeemisiyá'! Inooín i hotaatine' ay alhhe'eesay wasle!

WARA'AMI 22:26 Iomraidhean Croise

1 QOM'I 29:10

Aluuwo Daudi AAKOÓ MUNGÚ gway diidi'iís dír geeraá muu sleémeero wa ale, iwa kaahi, «Aá AAKOÓ MUNGÚ, Munguú taati'iirén awa Israeli, kuúng tu diidi'iimaamisi ay alhhe'eesay wasle.

WARA'AMI 107:9

Inós kudá' waxiitá' gin waxe tse'ees. Awa qwariitá' gin aaxiis muruú hhoe.

WARA'AMI 116:14

Al'axweesantadá' naa oó' dír AAKOÓ MUNGÚ, an boo/eés dír geeraá mukós sleémeero.

WARA'AMI 116:18

Al'axweesantadá' naa oó' dír AAKOÓ MUNGÚ, an boo/eés dír geeraá mukós sleémeero,

WARA'AMI 40:10

Aníng ba/amarók aga ar xasliitiiká baraá muunaáeé'. Aníng inkihhimuwók ugwa alki/iít, nee ba/amaroge. Án sla'aarirók ar warqawaaká aga lu/iiká nee inkihhimuuwoge dír múk yaariire.

WARA'AMI 40:16

Ala kudá' sleémeero kuúng leelehhiitá' ta baraa/i, tu sa qwalaala/i. Kudá' ba/amarók sla'á', deelo sleémeerowo ta oi, «AAKOÓ MUNGÚ ku úr!»

WARA'AMI 50:14

Mungú ilahhooár sluufáy duxuumeek. Al'axweesantók boo/eeseek dír kudá' gáwtí diriia.

WARA'AMI 69:32

Awa taa baraamaanuús adoorí bir ngaa ariyé' ta qwalaa/, kuungaásingá' Munguú leelehhiitá', tunduri gurkwa/as.

ISAYA 25:6

Gawaá tloomár Siyoniro, AAKOÓ MUNGÚ Aleesleemusmo xoordu sleémeero gin muruú /aymár hhóí qaas, nee difaáír tsuua, nee fu'uunaá wahhaará' ló'wa ale, nee difaáír tsuu' ar ló'wa hhohho'.

ISAYA 65:13

Gawaá adoorihe, Aakoó MUNGÚ i kaahi, «Ga/aawaak, sagadiyuuser'eé' i /ayiín, ala kuungá' qwari nu tsuu/. Ga/aawaak, sagadiyuuser'eé' i wahaán, ala kuungá' waxe nu fák. Ga/aawaak sagadiyuuser'eé' i qwalaalá/, ala kuungá' tundu mureekees.

YONA 2:10

AAKOÓ MUNGÚ siyoódá' yangaariír guri i ilawaáts. Siyoódá' Yona guri waá/ afaá tláwtí ale.

Yohana 4:14

Ala umuúqo heewo oo ma'ayká' aníng ni haniis gi wáh, i baloó waxiitiiká. Asma ma'aydá' án ni haniis ni kutltá ma'aá slafiingw tleehhitiyá', niri baraawós wa ti'imiitiyá', slafíngw alhhe'eesay wásl nguri huwiyá'.»