WARA'AMI 22:21 - Biblía Axweesantá Hhohho' ar Mungú 2004

²¹ Afkú dirango aníng na ba/amisáng, nee dír xareemaá saree/aro.

Ya/abtór hho' 1977

²¹ Afkuú diraango aníng na ba/amisáng, nee dír xareemaá saree/aro.

WARA'AMI 22:21 Iomraidhean Croise

WARA'AMI 35:17

AAKOÓ MUNGÚ, ay xaylá ta xumaamis? Ba/amisáng baraá /awaa/awingw'ine, slafingw'eé' tu/ang dír direerikae.

ISAYA 34:7

Sare/ kun tsuu/ dinkwa nee inooín, awér batlaay nee ar urene kiri tsuu/, yaamuuín niri naa/iyá' tseerduuwo, hhaper'ín iri wahhát as di/i.

FAARO 23:22

Munguúdá' gaa leehh baraá Misri, gin aleslaaqw ar /uuruuwós oo adór kuquú saree/a.

Luka 22:53

Umuú daqto án nee kuungá' a dinkwa baraá Doó Munguhe, ala ooharo iga iiadi'iiká. Ala siiwarí a toohúng, siiwarí a siiwár /uuruú giwti.»

Yohana 14:30

Axweesantá yaariir ar ni dirhúng i malé oo' i káhh, asma heé úr oo yaamuuká' i hi'iit. Ala inós gár i aleeslay i káhh dir'eene.

Yohana 8:59

Inooín tlaa/e kiri sleemiís as kuwa tlaquuti. Ala Yesu iri nahhaát, iri ti'iít baraá Doó Munguhe.

Tlehhema'aá ya/Abuuse 4:27

Asma tí a ló', Herode nee Pontio Pilato, nee múk xoordu nee múk Israeli, tana baraá gixsárí burumburiít, as sagadiyusmoowók Kudá' hhoohhoó', Yesu, kudá' kuúng taa iimbalaáx ar di/i.

DABE 33:17

Xirfuuwós a adór oo awuú baris, xareemiiwós a adór kuqaá yaqaambuú saree/a, xareemidaádae inós xoordu gin tliwii/ ay alhhe'eesoó yaamu, inooín sleémeero gi ku/iyaá yaamií hardahaas. Efraimu xareemi ngi kon kume mibaangw, nee Manase kumér yaariir.»

2 Timoteo 4:17

Ala Aako ina sihhiít dinkwa nee aníng, aníng iri /uurií haniís. Asma Aako gár i slai a aníng Ya/abtór hho' an alki/iít, as múk xoordu sleémeero ngiwa axaasi. Aníng tiri baraá afkú dirángw wa ba/amís.

1 Petro 5:8

Kuungá' masók a múk qoóm. Dalaaé', asma wakusmoohúng, Neetlaangw, i adór dirángw wa harweerirín, kudá' aahhamiím, as heé i gu/i nguwa leelehhiiti.