WARA'AMI 22:15 - Biblía Axweesantá Hhohho' ar Mungú 2004

¹⁵ Hheehhar'eé' ina kát adór qambeesamo, tsifrangw'eé' aa nag'aát baraá xaanxardu. Kuúng án iga meér adór tuuár baraá teeri.

Ya/abtór hho' 1977

¹⁵ Hheehhar'eé' ina kát adór qambeesamo, tsifrangw'eé' aa nag'aát baraá xaanxardu. Kuúng án iga meér adór tuuár baraá teeri.

WARA'AMI 22:15 Iomraidhean Croise

IIMU/UUNGW 18:27

Abrahamu iri ilawaáts, iri oó', «Aga qo qiítl nee Aako tawa axweesaan, aníng aqo adór teeri nee da/ara.

IIMU/UUNGW 3:19

Ar hamér gadiyér gawide muruú /aymaarók un /ák, ay dír ti ki/ baraá hhape. Asma kuúng tuna tleéhh ar hhape. Kuúng a hhape, nee baraá hhape an i kí/.»

2 SAMUELI 14:14

Atén tam ado gaalá aqo an qatlaán. Atén a adór ma'aá naa ku'utiyé', ki ki/mamisiiká. Tam Mungú a barqantusmoowooká dír heewo, kwí nee kuqae. Inós loohi gan leelehhiit, as kudá' taa sií' niri gowiyé', niwa ki/iya'.

YOBU 10:9

Inslawiím, kuúng aníng ina tléhh ar hhape, hám daxta in male ki/ísa baraá hhape?

YOBU 19:20

Gár aa met baraá slaqwtaeene a kaahari nee fadu, tsaxwa ina /aáy, alaá umuú gaaro ngiwa qwaareés.

YOBU 29:10

Afór múk urén kari xasltis, nee afer'ín kari tseek.

YOBU 30:16

Án hám daxta gwa'ara aga nakaá/, tiqti iga alsí'.

YOBU 34:15

makaay sleémeero aqo nin qwaariyá', hee iri kii/ baraá hhape.

YOBU 7:21

Ahaá baré dakuúsar'eé' a gurtlatleeraaká, nee tlakweemaaeé' mis hingeemamiská. Hamír kilae aníng ti qaatiis baraá /aanta, kuúng aníng iri leeléhh iri aandaaká.»

WARA'AMI 104:29

Bira alaá xu'ús nin deewaiyá'. Hiinsluuín bura hiingés, tan qaatl, tay kii/ baraá hhapeedá' i dahhiya'.

WARA'AMI 30:9

Án bara gwaá' kuúng gár ta sleer a milá? Án bara /eét baraá gi'i kuúng gár ta sleer a milá? Gi'i kuúng u sluufmisiía? Gi'i inkihhimuuwók ngu alki/iitiía?

WARA'AMI 38:10

Muunaáeé' i tuu'uut, /uuruueé' aa faák, ilaaeé' sleeme naa boo/ayé'.

WARA'AMI 69:21

Qoomár niwa qwariít, qara nguna haniisiyé' tawa muruú /aymar'eé'. Qoomár án niwa waxiít tina wahaás ar gár qarqaar.

WARA'AMI 69:3

Aga slaaqaát /aa/eewo, hheehhar'eé' aa kát, Munguúeé' una damraaraám, ilaaeé' nay maa/uutiyé'.

AXWEESANOÓ SAGALOOA 17:22

Muunuú qwalalaá/ a maasoó lawiím, Ala slaqwa in naasút bar muuná i gurhaamuut.

ISAYA 53:12

Gawaá adoorihe inós nee múk urén in al'iwitiís. Inós nee mukdá' /uureemaá koóm haasaáng ngun alqasimiisiyá'. Asma inós slafiingós guna haniís, kuri harafaár nee múk tlakuuse. Tam adoorihe tlakweemaá múk yaariír gina gagaár. Nee tlakuuse gari aleefiriirín.

WA/AA/I 4:4

Afér na/aá ninakw aa kahaakát waxeero, i mak muruú /aymár firiiriná' ala heé gi qáw i kaahh.

DANIELI 12:2

Múk yaariír kudá' aáng aa qaro qaatl, nin waaslee/, bahh'alé slafíngw alhhe'eesay wásl ngu slayá', nee bahh'alé mure nee waqaaqa' ngin slayá' ay alhhe'eesay wasle.

Matayo 27:50

Yesu iri malé tseé' ar afór ur, iri tsatiít.

Yohana 19:28

Qoomár Yesu ngiwa tsaáhh adór umuú gaaro ira tleehharút, iri oó', «Aga waxiít.» Adoorí gana oó' as Gooi iwa bo/.

1 Korinto 15:3

Kaangwí afhhamít aníng una ilaóh nguri kuungá' i oó'. Kaangwí an kwí, Kristo ina gwaá' as tlakweemaarén, ar adoodá' Gooi i kat,