WARA'AMI 22:11 - Biblía Axweesantá Hhohho' ar Mungú 2004

¹¹ Kuúng dir'eene ma sawesaar, asma slahh'amu ku tseéw, nee heé i alee/iís i kaahh.

Ya/abtór hho' 1977

¹¹ Kuúng dir'eene ma sawesaar, asma slahh'amu ku tseéw, nee heé i alee/iís i kaahh.

WARA'AMI 22:11 Iomraidhean Croise

2 WAAWITÁ 14:26

Asma AAKOÓ MUNGÚ slahh'amuú úr oo mukós oo Israeli guna ár, asma heé gi alee/iís i kaahh.

WARA'AMI 10:1

Xáy AAKOÓ MUNGÚ, asma milá baré aga sihhít amór saaw? Masa nahhát qoomár slahha'amko?

WARA'AMI 35:22

Ala kuúng tí aga aán! Ma xasliitaar! AAKOÓ MUNGÚ, ma saweesaar dir'eene!

WARA'AMI 38:21

AAKOÓ MUNGÚ, kuúng aníng mi kwahhaar! Munguúeé', dir'eene ma sawesaar.

WARA'AMI 69:18

Aníng haratseewuwáng, tu/áng. Gweeráng baraá dabaá wakuuser'eene.

WARA'AMI 71:12

Mungú, kuúng masók tu saweeká dír aninge, Munguúeé', gaansluutáng án alee/iisáng.

WARA'AMI 71:6

Án kuúng ugwa haratlintií' iimír tiwa laqwaál, kuúng an kudá' aníng iga dux baraá guruú aayír'eé' wa ale, án kuúng u xirfayeemiís deelo sleémeero.

WARA'AMI 72:12

Asma inós heé gaa wásl oo gu i /aa/amiím gu tuu/, nee heé narkutmo oo alee/isoó koomaaká gu tuu/ sleeme.

ISAYA 63:5

Ana qaytsiít naxés heé aníng iga alee/iis i kaahh, ana waa/oó/ asma heé aníng iga tuu/ i kaahh, aluuwo arba/atir'eé' ana dakw'eénuú kilár sláw, nee buhhtaaeé' ina alee/isiyé'.

Matayo 26:56

Ala tí sleémeero in tleehharút as gooír aaruuse iwa bo/.» Eeharuuseerós sleémeero guri geexeér, iri góp.

Matayo 26:72

Petro iri malé tlaánk ar lo'o, iri oó', «Án heesíng u xuaaká.»

Matayo 26:74

Petro lo'o gari huúw iri oó', «Án heesíng burqo xuú' ni gwaá'.» Siiwadár kilae konkomo iri uú'.

Yohana 16:32

Ga/aawaagáy, qooma i hardát, slám qooma naa qaroó hardát, ar kuungá' sleémeero tawa diyaya/ata', umuú heewo amoorós, nee aníng iri kilooeé' geexeerá'. Ala aníng a kilooeeneeká, asma Baabá nee aníng a dinkwa.

DABE 32:36

Looeemaawo AAKOÓ MUNGÚ mukós gu alekalaa/, sagadiyuuseerós ga gurtláy, qoomár birnga ár /uureemooín naa faakiyé', nee birnga ár heé meét i kaahh, oo lawaalmo nee lawaalmoowooká.

Ebrania 5:7

Qoomár Yesu iwa baraakaá yaamuú wa hoót, Mungú guna i /aa/amín ar afór ur, nee ar hhirhheeri, guri firiirín nee nguwa ateetin. Asma Mungú inós gu aleesláy nguwa ba/amisi baraá gwa'araaro. Inós kuri iiárií qaás nee Mungú asma adoodá' tiwa niinaweés, nee adoodá' Mungú nguwa ilaiwawaá/.