WARA'AMI 22:1 - Biblía Axweesantá Hhohho' ar Mungú 2004

¹ Munguúeé', Munguúeé', án misa meér? Kuúng mustu saáw, mis alee/iská uwa i /aa/amiim baraá slahh'amueene.

Ya/abtór hho' 1977

¹ Mungúeé', Mungúeé', án misa meér? Kuúng mustu saáw, mis alee/iská uwa i /aa/amiim baraá slahh'amkueene.

WARA'AMI 22:1 Iomraidhean Croise

YOBU 3:24

Kitángw niwa /ayiim, aníng an gurhaamuút, nee /ifór slahh'amu aga baloó mawiiká.

WARA'AMI 10:1

Xáy AAKOÓ MUNGÚ, asma milá baré aga sihhít amór saaw? Masa nahhát qoomár slahha'amko?

WARA'AMI 16:1

Na'ás Mungú, aníng de'eemáng, asma kuúng an dír guway'eé'.

WARA'AMI 22:11

Kuúng dir'eene ma sawesaar, asma slahh'amu ku tseéw, nee heé i alee/iís i kaahh.

WARA'AMI 22:16

Boohhár wakuuse iga harwét adór seeaawe, ya'aaeé' nee daba' kaa fooxamiís.

WARA'AMI 26:9

Aníng mi qwaareesaar dinkwa nee tlakuuse, laqaá slafingw'eé' mu harahuwaar dinkwa nee mukdá' tseerdaá ku'umaamiís.

WARA'AMI 37:28

Asma AAKOÓ MUNGÚ sakwasleemár ganaa' ga slaa', tam mukós kudá' hhohhó' gu baseehuwiiká. Heé hota ganaá' gu de'én ay alhhe'eesay wasle. Ala xwaylár heé tlakusmo gan qwaarees.

WARA'AMI 38:8

Ana naasuút niri nor'omiít, ana /ifaafiím as slahh'amaaye.

WARA'AMI 71:11

Ta kaahi, «Mungú gwa geexáy, eeharaak, oohaak, asma heé gu tuú/ i kaahh.»

ISAYA 46:13

Deelór nuwa ba/amis ngi tseeweés. Ka saweeká. Deelór nuwa ba/amis i tligká. Gixsár Siyoni an ba/amís as múk Israeli kuduú xirfuueé'.»

ISAYA 59:11

A /orotlaán adór makiito'oodá' ta bay duúbu an ininiaán umuú daqto adór hhooki. Atén sakwasleemár ganaa' an harahhifaán ala i káhh, Ba/ama ana haraxuaán ala direne ka ló'wa saaw.

TLAHHOÓ LAÁWI 2:6

Mikaáteedá' ka parhhamís, nee ka dí/tí tsiririxís. Gaarí tari ilahhooár bu'uungw.

Matayo 27:46

Looár gwaleele Yesu iri tseé' ar afór ur, iri oó', «Eloi, Eloi, laama sabaktani.» Gídaabárós a «Munguúeé', Munguúeé', án misa geexeér.»

Marko 15:34

Looár gwaleele Yesu iri tseé' ar afór ur, «Eloi, Eloi, laama sabaktani», gídaabárós a «Munguúeé', Munguúeé', án misa geexeér?»

Luka 22:44

Yesu iri ló'wa kumiít firooro as adoodá' muunaáwós iwa ló'wa gurhaamuuti, tam hameerós iri adór tseere tleehhít, iri yaamií taxaán.]

Luka 24:44

Aluuwo Yesu giri báy, «Kaangwí a kudá' naa káh qoomár niwa dinkwár i dirii' nee kuungá', niwa káh tidá' sleémeero taa gooín daanduueén i alé, baraá hara'ayár Mosewo, nee baraá gooír aaruuseero, nee baraá Wara'amto, gár iwa hariin aqo in bó/ sleémeero.»

Ebrania 13:5

Kuungá' ti harmagahhe' gawaá sla'aarír peesaaro, ala muruudá' kuungá' ta koonda' i bu'uuti dirhunge. Asma Mungú inósuú kilá' ina oó', «Aníng kuúng u gaa wa /aaruwaaká, slám u baloó mawaaká.»

Ebrania 5:7

Qoomár Yesu iwa baraakaá yaamuú wa hoót, Mungú guna i /aa/amín ar afór ur, nee ar hhirhheeri, guri firiirín nee nguwa ateetin. Asma Mungú inós gu aleesláy nguwa ba/amisi baraá gwa'araaro. Inós kuri iiárií qaás nee Mungú asma adoodá' tiwa niinaweés, nee adoodá' Mungú nguwa ilaiwawaá/.

1 SAMUELI 12:22

AAKOÓ MUNGÚ mukós gu geexayká as ilaiwa/amér umuuwós kudá' iia tleér, asma AAKOÓ MUNGÚ adoorí guna sla'atís ar kuungá' nuwa mukósuú kilá' tleehhi.