WARA'AMI 21:7 - Biblía Axweesantá Hhohho' ar Mungú 2004

⁷ Harahhifór waawutmo i gawaá AAKOÓ MUNGÚ, waawutmo ku hingeesiiká asma sla'aarír warqawaaká ar Munguú Gawa.

Ya/abtór hho' 1977

⁷ Harahhifór waawutmo i gawaá AAKOÓ MUNGÚ, waawutmo ku hingeesiiká asma sla'aarír warqawaaká ar Mungú Gawa.

WARA'AMI 21:7 Iomraidhean Croise

WARA'AMI 13:5

Ala aníng sla'aarirók ar warqawaaká aga harahhiíf, nee muunaáeé' ba/amaarók ga saqwalalaa/.

WARA'AMI 16:8

AAKOÓ MUNGÚ i geeraaeé' umuú qoomaaro. Aníng ti baloó dingitisiiká, asma inós iwa dakw'eé' oo doó /iyáy i dirii'i.

WARA'AMI 18:2

AAKOÓ MUNGÚ an baqmor'eé', nee ba/amusmooeé', an Munguúeé' oo ni i gogoow. Inós aníng in baaq adór gaambór wa ale, in aleekalaa/ iri ba/amis, aníng ti saxmaár dirose.

WARA'AMI 26:1

Aá AAKOÓ MUNGÚ, án aleekalaa/áng, asma aníng baraá hotangw'eene ti daba' hhohhó', nee aníng AAKOÓ MUNGÚ una harahhiíf ar xure wasle.

WARA'AMI 45:3

Lawaalaarók qaaseek gawaá suuma, kuúnguusuú ilakaahaár, xirif a kók nee uraywo!

WARA'AMI 61:4

An hoót baraá do'ók wa ale ay alhhe'eesay wasle. Ni goów niwa nahhaat baraá guruú hhampe'eeriwók i alé.

WARA'AMI 72:17

Yaeemír waawutmo i kumaamit, waawutmo ku diidi'iimaamisi qooma sleémeero ar tsee/amá iwa gwa/aati, xoordu sleémeero tsuuqa ngi slaye' ar inós, nee inós ku bay, «Kudá' taa tsuúq.»

WARA'AMI 9:2

Munguú Gáwtí dirií', án kuúng un sa qwalalaá/ nee un sa baraá/, umuuwók un xirfayeemiís ar daa'aangw.

WARA'AMI 91:2

inós in dír AAKOÓ MUNGÚ í ooi, «Kuúng an dír guway'eé', nee koo/ir'eé' ar gawit, Munguúeé' kudá' ni harahhiif.»

DANIELI 7:14

Inós kuri baalírí haniís, nee xirif nee waawuti'iima, as múk tlahh'i sleémeero, nee oo xoordu sleémeero, nee tsifri sleémeero kuwa sagadiyuusi. Waawuti'iimarós ar alhhe'eesaay wasle, i baloó waarahhká, nee waawuti'imarós ka baloó hhitinká.»

Matayo 27:43

Inós Mungú gu haratlintatii'. Barnaxes Mungú inós ngu slaa', ngu ba/amisi hamí. Asma inós ina aaín, ‹Aníng a Garmoó Mungú.› »

Ebrania 2:13

Nee i malé kaahi, «Aníng Mungú un haratlintií'.» Nee malé alé i kaahi, «Aníng a diirí dirií' dinkwa nee na/iidá' Mungú naa aníng i haniís.»

1 SAMUELI 30:6

Daudi i baraá gurhaamír bo/, as na/ii'ín kiwa ar tláy. Daudi kuna dae tsaát, asma muu i inós tlaqtuú wa slaa' ar tlaa/e. Ala Daudi /uuru guna sláy as AAKOÓ MUNGÚ, Munguúwós.