WARA'AMI 20:8 - Biblía Axweesantá Hhohho' ar Mungú 2004

⁸ Múk adór kwí ta dukuuts nee tay huuhu'ún, ala atén an sihhiitaán tari /atlaán.

Ya/abtór hho' 1977

⁸ Múk adór kwí ta dukuuts nee tay huhu'ún, ala atén an sihhiitaán tari /atlaán.

WARA'AMI 20:8 Iomraidhean Croise

2 WAAWITÁ 19:23

AAKOÓ MUNGÚ una niqiín ar ya/abuuseerók tidá' taa ya/áp, kuúng tari ó', ‹Ar gaarduueé' kuká' yaariire ana tsa/ám ay gawaá sagér tlom'i, ay gawaá tsintá tloomár Lebanoni. Aníng sahhtaarós tidá' tledaadet an daraáhh, nee xaaiiwós kudaá misonobaáriro, nee an sleé/ ay baraá tla/angwdá', ay baraá gartós tidá' ur.

2 QOM'I 14:10

Asa iri tláy as nee inós tiwa doogiya'. Inooín tsaraawo tiri amohhe'eesiyé' baraá xatstá Sefata tidár iisaapoó Maresha.

2 QOM'I 14:11

Asa iri /aá/ dír AAKOÓ MUNGÚ, Munguúwós, iri oó', «Aá AAKOÓ MUNGÚ, diroge dimbé i káhh gár ta alee/iimis bar slaqwaruusér /uuruú koom laqaá ar daqatlakw. AAKOÓ MUNGÚ, Munguúrén, atén kuúng ti alee/is, asma atén kuúng ugwa harahhifaán, ar baraá umuuwoge atén naa slaqwarár awaán dír slaqwaruuseérí yaariir. Aá AAKOÓ MUNGÚ, kuúng an Munguúrén, ala kuúng ma ya/amaar nee hee tiwa tlampa'asa'.»

ESRA 8:22

Asma aníng ana muruút waawutmo nguwa firiim slaqwaruuseero nee kudá' faras ngu i tsa/aamá', as tiwa xuna' dír wakuuseero, asma atén waawutmo una bawaán, «Hhooeemaá Munguúrén i gawaá kudá' ngu leelehhiitá', nee /uuruú xarasleemaawós i gawaá mukdá' sleémeero inós gwa geexay.»

WARA'AMI 124:8

Alee/isayrén amór i dahhi a amór AAKOÓ MUNGÚ, kudá' doori nee yaamu gaa tleehh.

WARA'AMI 125:1

Mukdaádá' AAKOÓ MUNGÚ gwaa harahhiif a adór tloomár Siyoni, tidá' baloó dingitaaká, i hotaatiín daqisleém.

WARA'AMI 33:16

Waawutmo i baalinká as yaareemaá slaqwaruuseerós, slaqwarusmo ti tu/iiká as iwa /uuruú kon.

WARA'AMI 33:17

Faraási u arba/atír i sleeraaká baraá slaqwaraaro, hee sleeme gu tu/ká ar yaareemaá /uuruuwós.

AXWEESANOÓ SAGALOOA 21:31

Faras kun amohhe'ees as slaqwara, ala baali ar AAKOÓ MUNGÚ.

HOSEA 14:4

AAKOÓ MUNGÚ i kaahi, «Iia wasler'ín an hingeés, aníng ngiri kil'eé' slaá', slám i malé i buhhaaká.

MIKA 7:8

Ma qwalaala/aar, wakusmooeé', án bar aga huú', a malé sihhiít. Bar baraá giwtír i dirií', AAKOÓ MUNGÚ a gwa/aateemaeé'.

YOSHUA 11:4

Inooín slaqwaruusér yaariir ngiri burumburiyé' nee farsuú slaqwara oo gaardaá uuruxuúm oo faarooro ta aslayká adór hhasángw afaá tlawi.

HAR'OHUUSE 5:31

«Aá AAKOÓ MUNGÚ, wakuuseerók sleémeero i hhaan. Ala mulqeerók masók i gwa/át adór tsee/amá qoomár bindi tsirariihh.» Yaamu wayda nguri slayé' har afiqoomár kureerí mibeeri tsiyahhe.

1 SAMUELI 17:45

Daudi heewuú Filisti guri báy, «Kuúng nin amor'eé' keér ar paánga nee lawaala nee gaamboót, ala aníng kuúng un i daqáw ar umuú AAKOÓ MUNGÚ Aleesleemusmo, Munguú slawoodaá slaqwaruusér Israeli, kudá' kuúng taa /oosliín.